د افغانستان نولس کلنې کم عمره کرېکټ ملي لوبډلې د درې اړخیزې لوبلړۍ په خپله دویمه لوبه کې د سویلې افریقا نولس کلنې لوبډلې ته ماتې ورکړه. په دغه لوبه کې افغان لوبغاړو عرب ګل مومند او الله غضنفر د غوره توپ اچونې پر مټ د ۴۷ منډو په توپیر ماتې ورکړه.
لومړی افغان لوبډلې توپ وهنه وکړه، چې د خپلو ټولو لوبغاړو په سوځېدو یې ۱۷۶ منډې جوړې کړې.
افغان ځوانانو د غوره توپ اچونې په پایله کې سیاله لوبډله په ۳۰،۴ اورونو کې په ۱۲۹ منډو له ډګره بهره کړه او په ۴۷ منډو یې بریا خپله کړه.
د افغان لوبډلې په ګټه عرب ګل مومند او الله محمد غضنفر څلور او فریدون داودزي او بشیر احمد افغان یوه - یوه وېکټ ترلاسه کړه.
افغان ځوانان به د راتلونکې پنچشنبې په ورځ د روانو سیالیو په ترڅ کې خپله درېیمه لوبه کې به هند پر وړاندې د سیالۍ ډګر ته ښکته شي.
