د پښتون ژغورنې غورځنګ: منظور پښتین له اډیاله زندان څخه نامعلوم ځای ته انتقال شوی دی
د پښتون ژغورنې غورځنګ د پنجشنبې په ورځ د خواله رسنې اېکس په یو پیغام کې ویلي، چې د پاکستان حکومت منظور پښتین له اډیاله زندان څخه یو ناڅرګند ځای ته لېږدولی دی.
د پښتون ژغورنې غورځنګ د پنجشنبې په ورځ د خواله رسنې اېکس په یو پیغام کې ویلي، چې د پاکستان حکومت منظور پښتین له اډیاله زندان څخه یو ناڅرګند ځای ته لېږدولی دی.
په دغه پیغام کې ویل شوي، چې پښتین د راولپڼډۍ کې اډیاله زندان کې د حکومتي چارواکو له خوا نیول شوی او د ټولو قانوني رسمیاتو د بشپړولو سربیره نا څرګند ځای ته انتقال شوی دی.
یاد غورځنګ دغه کړنه د پاکستان د اساسي قانون خلاف کار بللی دی.
په دغه پیغام کې راغلي: “په پاکستان کې ظالمانه استعمار دوام لري.”
پښتین تر دې وړاندې هم د پاکستاني پولیسو له خوا په وار - وار نیول شوی و.
د پښتنو د ژغورنې لپاره راپورته شوي پښتین باندې د پاکستاني چارواکو له خوا بهرنیو هېوادونو سره د تړاو تور لګول شوی و.
د پښتون ژغورنې غورځنک مشر منظور احمد پښتین نېږدې یوه میاشت وړاندې د چمن د پولیسو له لوري هغه مهال ونیول شو، چې نوموړی د چمن له پرلت څخه د بلوچستان ایالت د تربت په سیمه کې د بلوڅانو په پرلت کې د ګډون په موخه یادې سیمې ته روان و.
د منظور پښتین د نیول کېدو په غبرګون کې د پښتون ژغورنې غورځنګ د پاکستان په ګډون په امریکا او اروپایي هیودانو کې لاریونونه تر سره کړل.
د دغه پوهنتون یوه زده کوونکي نجف عباس د بلوڅانو د ورکېدو موضوع یاده کړه او په اړه یې لومړي وزیر ته معلومات ورکړل.
عباس وویل، چې پاکستان له بلوڅانو سره اسراییلي برخورد کوي او دا چاره ورته د زغم وړ نه ده.
د عباس څرګندونو په ځواب کې د پاکستان لومړي وزیر انورالحق کاکړ په ټینګار سره وویل، چې د پاکستان مشروعیت د نړۍ د اکثریت هېوادونو له خوا د یوه دولت په توګه په رسمیت پېژندل کیږي او د نړۍوالو اصولو پر بنسټ د تاوتریخوالي د کنټرول حق د پاکستان، هند او نورو په څېر مشروع دولتونو ته ورکړل شوی دی.
کاکړ د ورکو کسانو د شمېر په اړه د ملګرو ملتونو اټکل شوی شمېر مبالغه وبلله.
کاکړ په بلوچستان کې د بي ال اې، بي ار اې او بي ال اف په څېر وسله والو ډلو ته په اشارې سره وویل، چې دغه ډلې د قوم، رنګ او د خلکو په نښه کولو کې د سیمې امنیت ګډوډ کړی.
د بلوچستان د ازادۍ پوځ په نوم د پاکستان مخالفه وسلواله ډله وايي، چې د دغه هېواد پر ضد یې په ۲۰۲۳ کال کې ۲۴۲ وسلوال بریدونه کړي.
دې ډلې نن ویلي؛ په دغو حملو کې یې نهه ځانګړي عملیات او ۲ هم ځانمرګي بریدونه شامل دي، چې پکې د پاکستان ۱۷۱ سرتېري وژل شوي ۲۵۱ نور ټپي شوي دي.
کاکړ د دولت له کړنو څخه په کلکه دفاع وکړه او ټینګار یې وکړ چې د امنیت تامین او د تاوتریخوالي د خپروه وونکو ډلو مخه نیول د حکومت مهم مسوولیت دی.
بلخوا، د بلوڅو لاریون والو پرلت چې له تېرو څو ورځو راهیسې د اسلام اباد پریس کلب مخې ته روان دی، ښځې، ماشومان او د زاړه عمر لرونکي کسان برخه پکې لري.
د بلوڅانو دغه لاریون د تېر نومبر په میاشت کې هغه مهال پیل شو چې د بلوچستان په تربت کې د پولیسو له لوري د بالاچ بلوڅ په نوم یو ځوان د پولیسو په زندان کې د ځورونې له امله ووژل شو خو پولیسو په هغه تور پورې کړ چې چاودېدونکي توکي یې له ځان سره لرل.
