د پاکستان تعلیم وزارت وايي، د دغه هېواد په بلوچستان کې تر نورو صوبو د ښځو د لیک لوست کچه ډېره کمه ده. د دې وزارت د احصایې له مخې، د بلوچستان ۳۶.۵ سلنه ښځې لوستې دي. د دې صوبې د نارینه وو د لوست کچه هم تر نورو صوبو کمه او ۶۹.۵ سلنه ښودل شوې ده.
د تعلیم وزارت چارواکو نن په مشرانو جرګه یا سینټ کې وویل، چې پاکستان کې ۷۳.۴ سلنه نارینه او ۵۱.۹ سلنه ښځې لوستې دي.
د دې شمېرو له مخې، پښتونخوا کې ۳۷.۴ سلنه مېرمنې او ۷۲.۸ سلنه سړي لوستي دي.
همدارنګه سیند کې ۴۹.۷ فیصده ښځې او ۷۲.۹ سلنه سړي لوستي دي.
پنجاب د ۵۸.۴ سلنه لوستو ښځو او ۷۴.۲ سلنه سړیو لرلو سره تر نورو صوبو د تعلیم کچه زیاته ده.
د تېر کال د اپرېل د یوه راپور له مخې، په پاکستان کې په میلیونونه ماشومان د ښوونځیو د نشتوالي له امله له زدکړو بې برخې دي.
د پاکستان ولسمشر نږدې دوه اونۍ مخکې په یوه غونډه کې د دې ماشومانو د زدکړو لپاره غوښتنه وکړه چې جوماتونه دې د ښوونځیو په ډول وکارول شي.
د دغه پوهنتون یوه زده کوونکي نجف عباس د بلوڅانو د ورکېدو موضوع یاده کړه او په اړه یې لومړي وزیر ته معلومات ورکړل.
عباس وویل، چې پاکستان له بلوڅانو سره اسراییلي برخورد کوي او دا چاره ورته د زغم وړ نه ده.
د عباس څرګندونو په ځواب کې د پاکستان لومړي وزیر انورالحق کاکړ په ټینګار سره وویل، چې د پاکستان مشروعیت د نړۍ د اکثریت هېوادونو له خوا د یوه دولت په توګه په رسمیت پېژندل کیږي او د نړۍوالو اصولو پر بنسټ د تاوتریخوالي د کنټرول حق د پاکستان، هند او نورو په څېر مشروع دولتونو ته ورکړل شوی دی.
کاکړ د ورکو کسانو د شمېر په اړه د ملګرو ملتونو اټکل شوی شمېر مبالغه وبلله.
کاکړ په بلوچستان کې د بي ال اې، بي ار اې او بي ال اف په څېر وسله والو ډلو ته په اشارې سره وویل، چې دغه ډلې د قوم، رنګ او د خلکو په نښه کولو کې د سیمې امنیت ګډوډ کړی.
د بلوچستان د ازادۍ پوځ په نوم د پاکستان مخالفه وسلواله ډله وايي، چې د دغه هېواد پر ضد یې په ۲۰۲۳ کال کې ۲۴۲ وسلوال بریدونه کړي.
دې ډلې نن ویلي؛ په دغو حملو کې یې نهه ځانګړي عملیات او ۲ هم ځانمرګي بریدونه شامل دي، چې پکې د پاکستان ۱۷۱ سرتېري وژل شوي ۲۵۱ نور ټپي شوي دي.
کاکړ د دولت له کړنو څخه په کلکه دفاع وکړه او ټینګار یې وکړ چې د امنیت تامین او د تاوتریخوالي د خپروه وونکو ډلو مخه نیول د حکومت مهم مسوولیت دی.
بلخوا، د بلوڅو لاریون والو پرلت چې له تېرو څو ورځو راهیسې د اسلام اباد پریس کلب مخې ته روان دی، ښځې، ماشومان او د زاړه عمر لرونکي کسان برخه پکې لري.
د بلوڅانو دغه لاریون د تېر نومبر په میاشت کې هغه مهال پیل شو چې د بلوچستان په تربت کې د پولیسو له لوري د بالاچ بلوڅ په نوم یو ځوان د پولیسو په زندان کې د ځورونې له امله ووژل شو خو پولیسو په هغه تور پورې کړ چې چاودېدونکي توکي یې له ځان سره لرل.