د طالبانو په روحاني مرکز کندهار کې د دې ډلې له جهادي مدرسې سختو امنیتي تدابیرو او د رسنیو له پوښښ پرته نن ۳۲۰ قاريان او حافظان فارغ شول. طالبانو په بلخ کې هم نن له یوې مدرسې د ۴۳ طالبانو د فراغت خبره کړې ده او پرون هم پنجشېر کې له یوې جهادي مدرسې ۱۵۰ طالبان فارغ شول.
د طالبانو مشر په هر ولایت کې د یوې جهادي مدرسې د جوړولو فرمان ور کړی، خو مالومه نه ده چې دا ډول مدرسې تراوسه په کومو ولایتونو کې جوړې شوې دي.
دا ډول ډېری مدرسې پخوانیو عمومي یا مسلکي لېسو کې جوړې شوې، لکه د کندهار جهادي مدرسه چې پخوانۍ میخانیک لېسه کې فعالیت لري.
د طالبانو د جهادي مدرسو عمومي مشر عبدالواحد طارق په کندهار کې نننۍ فراغت غونډه کې د جهادي مدرسو په هکله څه ونه ویل خو زیاته یې کړه، چې دا مهال په ټول هېواد کې شاوخوا ۲۲ زره مدرسې ثبت جوړي شوې او تنخواوي او امکانات یې د طالبانو پوهني وزارت ورکوي.
په تېره مياشت کې د افغانستان له بېلا ـ بېلو ولایتونو له جهادي مدرسو څخه تر ۲ زره زيات قاريان او حافظان فارغ شوي
