فرهاد دریا نیوکه کوونکو ته: ما له پیله دا ژمنه نه وه کړې، چې زلزله ځپلو ته به «ماڼۍ» جوړوم
د افغانستان نوموتي سندرغاړي فرهاد دریا په خواله رسنیو کې هغو نیوکو ته غبرګون ښودلی، چې د ده لهخوا د هرات زلزله ځپلو ته پر جوړو شویو کورونو شوې وې.
د افغانستان نوموتي سندرغاړي فرهاد دریا په خواله رسنیو کې هغو نیوکو ته غبرګون ښودلی، چې د ده لهخوا د هرات زلزله ځپلو ته پر جوړو شویو کورونو شوې وې.
فرهاد دریا پر خپله فیسبوک پاڼه لیکلي:« د هرات د شمال لوېدیځ په سختو شرایطو کې چې زلزلې او توند بادونه د خلکو ژوند ګواښي، دا تر ټولو غوره چاره وه چې هغوی د خېمو پر ځای په داسې خونو کې ژوند تېر کړي چې ژوند یې وژغورل شي.»
هغه وايي، دغه شان کورونو تر دې وړاندې په چیلي، نیپال، ترکیې، ایران او څو نورو زلزله لرونکو هیوادونو کې خورا ښه پایله ورکړې ده.
فرهاد دریا د هرات زلزله ځپلو سره د مرستې په پار نږدې ۷۰ زره امریکايي ډالر په دغو کورونو لګولي، چې شمېر یې ۳۷ کورونو ته رسېږي.
ځینو نیوکه کوونکو دا ویلي، چې دغه جوړ شوي کورونه د مساحت له پلوه ډېر کوچني دي او د کورنیو ټولې اسانتیاوې په کې نه شته؛ خو فرهاد دریا ویلي د دغو کورونو د جوړولو موخه دا وه، چې زلزله ځپلي هېوادوال یې له ساړه ژمي روغ راووځي.
د کونړ څوکۍ ولسوالۍ یو ځايي اوسیدونکي نن جمعې ورځ د ( جدي۱۵ مه ) افغانستان انټرنشنل ـ پښتو ته وویل چې له ولي ګل داعش وسلوالو د جاسوسی په تور سر پرې کړ ی دی.
د څوکۍ ولسوالۍ سپیدار کلي یو بل اوسیدونکی وايي: «ولي ګل طالب نه و، او نه یې هم کومه دنده درلوده، غریب سړی و ، دوه ورځې وړاندې داعشیانو ونیو او همغه ورځ یې سر ورپرې کړ.»
داعش-خراسان وسلوالو نن د یوې خبرپاڼه خپرولو سره ویلي چې د کونړ څوکۍ ولسوالۍ کې د طالبانو یو جاسوس وژلی دی.
د طالبانو ځايي چارواکو د پيښې په اړه تروسه رسنیو څه نه دي ویلي.
افغانستان انټرنشنل ته څو سرچینو منلې ده چې د طالبانو د غړو کورنیو له هغو سیمو کډه کړې چې د داعش حضور په کې لیدل کیږي.
د ترلاسه شو معلوماتو له مخې داعش-خراسان د کونړ په دریو ولسوالیو کې حضور لري.
د کونړ ماڼوګی ولسوالۍ په چپه او قوړنګل درو ، څوکۍ ولسوالۍ دېوګل دره او غازي اباد ولسوالۍ کې د داعش-خراسان وسلوال شته دي.
د ځايي اوسیدونکو په وینا داعش وسلوالو سره بهرني وسلوال هم لیدل کیږي.
د طالبانو دفاع وزیر ملا یعقوب په وروستۍ خبري ناسته کې ویلي و چې په یو شمیر بریدونو کې پاکستاني او تاجکستاني وسلوال برخه لري.
که څه هم طالبانو ویلي چې واک ته د دوی له رسېدو سره داعش وسلوال سخت ځپل شوي او د سر پورته کولو توان نه لري خو په وروستیو کې د ننګرهار او کونړ یو شمیر اوسیدونکو د افغانستان انټرنشنل ـ پښتو خبریال ته ویلي چې د داعش ـ خراسان ډلې جلب او جزب چټک کړی دی.
دوی وايي چې د داعش وسلوال د کونړ غازي اباد ولسوالۍ په جوماتونو ګرځیدلي او له خلکو یې غوښتي چې د امتیازیاتو په بدل کې له دغې ډلې سره یوځای شي.
له یو څه مودې راهسې داعش خراسان څانګې خپل ځمکنی حضور پټ ساتلی وو، دا لومړی ځل دی چې له یوې اوږدې چوپتیا وروسته دغه ډله بیا خپل سر پورته کوي او هغه سیمو کې یې د حضور راپورونه تایدیږي چې پخوا یې هلته واکمني او له طالبانو سره سختې جګړې کړي وې.
څو میاشتې وړاندې طالبانو ته نژدې وېپاڼې المرصاد چې د داعش په اړه راپورونه نشروي، پاکستان د داعش په ملاتړ تورن کړی و او ویلي یې وو چې پاکستان په پټه په افغانستان کې د داعش ملاتړ کوي او په خپله خاوره کې یې ددغه ډلې مشرانو ته ځای ورکړی دی.
