د طالبانو د کابل والي: زمونږ په واکمنۍ کې لرغوني کلتورونه بیا را ژوندي شوي

نو داسې یې شل کاله د افغانستان خلک و کړول، خپل پخواني جهادي – تنظیمي شریکان یې په ډالرو او فسادي ګټو وپړسول او په پای کې یې بېرته هماغه د اسامه کوربانه راوستل او افغانان یې د دویمې هجري پېړۍ متحجر استبداد ته کېنول.

په پاکستان کې د اکوړه خټک، لاهور او کراچۍ د مدرسو روزلي ځانمرګي په پښتونخوا و بلوڅستان کې وژنې کوي، نګران لومړی وزیر ښاغلی انوارالحق خان هره ورځ په افغانستان کې دننه د پوځي عملیاتو ګوته څنډي.

ایران له امریکا او اسرائیلو سره د فلسطین په غزه کې ښکر اړم کړي، خو کله، چې په کرمان کې چاودنې وشي، د کورنیو چارو وزیر یې وايي: له افغانستان سره په پوله به دیوال وهي، چې مچ‌ومیاشی هم وروانه وړي.

روسان له ناټو او لویدیځ سره په یوکراین کې خرې‌په‌خرې دي، خو پوتین چیغې وهي، چې ویره یې له افغانستان څخه ده او د تاجیک ولسمشر پښې دلته رپي.

چین د امریکا په سیالۍ کې غواړي له ټولې نړۍ د سوداګریزې لارې ملاوستنی( کمربند) راتاو کړي او خپل تولیدات مخامخ هرځای ورسولای شي، خو په ضد یې وژنې، چاودنې، تښتونې او اورلګونې له ګوادر بندره رانیولې په ټوله پښتونخوا، بیا ان تر پامیرکوریدور او قراقروم دښتو پورې روانې دي، زمکه په کې د پښتنو او بلوڅو سوزي او د جبهې شا یې افغانستان دی او ایغور ترهګر په بدخشان و وزیرستان کې دېره دي.

د «داعش» نوم له دغو تورو اخیستل شوی: (الدولة الإسلاميّة في العراق والشام) یعنې په عراق او سوریه کې اسلامي دولت! خو سر یې له تورې بوړې راوځي، یا له کونړ یا هم په شمال کې د امو له غاړو. سپین‌ږیري د شینوارو په بمونو کینوي، نوی زېږېدلی ماشوم د خوږیاڼو له منځه دوه ځایه کوي، د کوشنیو ماشومانو کورسونه په دشت‌برچي کې الوځوي او د جهادالنکاح لپاره د ډیورند دواړو غاړو خویندې میندې په جنسي مینځو بدلوي.

پاکیستان و هیندوستان یو د بل په وړاندې چاودنې او غویمنډ په کابل کې کوي، د مومبای تاج‌محل هوټل ترهګر د ډیورند په غاړوپټ وي، د هیندوستان الوتکه کندهار ته راتښتول کیږي او په بدل کې یې د انصارالمجاهدین ملا مسعود اظهر او څلور تنه نور ترهګر غوښتل کیږي او هیندوستان یې هم ورپرېږدي.

چې د ایران و سعودي و نورو ترمنځ دوښمني لویه شي او د چین د ژېړ ښامار پانګونې ته د ګواښ پېښولو اړتیا پېښه شي، دلته په کورمه، پاړه‌چنار، هنګو او نورو سیمو کې د شیعه – سني جګړه توده شي، دواړه لوري پښتانه او سره تره‌زامن وي یو بل ته لارې ونیسي او لس لس و شل شل راوغځوي، خو یو لوری هم نه پوهیږي، چې ولې؟ او د څه لپاره ؟

د افغانستان نیمايی نفوس (نجونې او مېرمنې) په افغانستان کې زنداني دي، له ښوونځي، پوهنځي، کار او انساني حقونو بېبرخې او لرې ساتل شوې، خو د انګلستان های کمیشنره جېن ماریوت له پاکیستاني ملافضل‌الرحمان سره په اسلام آباد کې په دې اړه خبرې کوي، چې له دې نجونو او ښځو سره بالاخره باید څه وشي؟

یوه بله رینا امیري په امریکايي امکاناتو ګرځي راګرځي، چې نه پوهېږم د افغان ښځمنو له حقونو څخه کوم ځای او له چا څخه دفاع کوي؟ یو الله ج پرې خبر دی. له بلې مېرمنې روزا اوتونبایوا سره ایله دې پایلې ته رسېدلي، چې خیر افغان نجونې که ښوونځي ته نه پرېښول کیږي، نو مدرسې دې ووايي. ( که ډوډۍ نشته، کولچې دې وخوري!).

«دا د پټي سر دی، پټی بېرته سوروردی!»

ما یې یوازې دا څو بېلګې یادې کړې، کیسه تر دې پراخه ده.

په بله وینا:

«د دې ډول غږ به سبا واورئ!»

تاسو ډاډمن اوسئ، چې بهرنیان په دې اړه ستاسو پوښتنو ته ځواب نه وايي، مګر دا چې موږ یې پخپله ځواب ومومو.

زموږ اصلي ستونزه دا ده، چې په دې اړه هیڅکله پوښتنې نه کوو، که په زړونو کې مو هم پوښتنې راګرځي، په خوله یې ویلای نه شو. له تکفیر څخه ډاریږو. که په دې اړه مو څه وویل، یا وپوښتل نو اسلام په خطر کې لویږي.

هیڅ افغان له چا ونه پوښتل، چې د نړۍ دا دومره پېچلې لوبې ولې دلته راوستل کیږي؟

څه راپېښه ده؟

که دا کار د اسلام ګټلو لپاره روان وي، نو خدای دې راولي، هرکله! خو زموږ په کې ګټه څه ده؟

موږ، چې د ټول عالم اسلام لپاره دومره وینې بهوو، د سعودي په سرو زرو او تیلوکې مو کوم څاڅکی حق شته؟

دوبۍ ته مو څوک بې پاسپورته پرېږدي؟

پاکستان و ایران مو په اسلامي ورورولي کډوالو ته پناه ورکوي؟

د قطر و کویټ د شیخانو له زرینو ټټيو څخه کومه ټوټه زر رارسیږي، که نه؟

هو!

یوڅه، چې له ټولې دونیا راروان دي،وسلې او مرمۍ دي.

افغانان وږي، نهر، بې درملو، بې ډاکتره، بې‌ښوونځي او وزګار دي، خو یو د بل وژلو لپاره وسلې، مرمۍ او توپونه و بمونه ښه وړیا او پریمانه دي، دومره پریمانه، چې په یوکراین، سره سمندرګي، ایران، پاکیسان، هیند او د دونیا په بله هره سیمه کې چې ترهګري یا ناترهګري حمله و پېښه وشي، رسنۍ وايي: وسله یې له افغانستان څخه قاچاق شوې ده.

پنځوس کاله کیږي، چې موږ د دین په نامه د دونیا ټولې سرې لمبې خپل کور ته راوړي او خپل خلک مو پرې سیزلي، خو په دې اړه یې له هر راز پوښتنې ویرولي یو. وايي: پوښتې کفر دي. او پوښتونکي کافران دي.

بېشکه، چې په دې کې دین ملامت نه دی، په دین کې ستونزه نشته، خو د دین په سوداګرو او تجارانو کې ستونزه ده، هغوی چې د خدای د حاکمیت په نامه خپل حاکمیت غواړي او د واک، ځواک، زرو او څلورو ښځو وږي، بلکې لیوني دي.

ستونزه په موږ څلویښت میلیونه وګړیو کې ده، چې هرڅوک هرڅه راباندې کوي، له تکفیره ډاریږو، نه احتجاج کوو، نه اعتراض او نه حتی پوښتنه، ځکه دا ټول راته کفر ښکاري.

اوس به بیا پوښتنه کوئ، چې حل‌لاره څه ده؟

پوښتې وکړئ!

پوښتنې راپورته کړئ!

په دې هرڅه خبرې وکړئ، وغږیږي!

که غږېدلای نه شئ، نو

وبنګیږئ!

څلویښت میلیونه یاست، که څلویښت میلیونه مچان هم وبنګیږي، ځان له تکفیره خلاصولای شي، له تکفیر څخه مه ډاریږي، د ژوندي پاتېدا لپاره وبنګیږي، پوښتنې وکړئ، چې:

ولې د ټولې دونیا اور زموږ پر سر بل دی؟

یادونه: دا لیکنه د لیکوال خپل نظر دی او د افغانستان انټرنشنل پښتو سیاست نه منعکسوي.

د کونړ څوکۍ ولسوالۍ یو ځايي اوسیدونکي نن جمعې ورځ د ( جدي۱۵ مه ) افغانستان انټرنشنل ـ پښتو ته وویل چې له ولي ګل داعش وسلوالو د جاسوسی په تور سر پرې کړ ی دی.

د څوکۍ ولسوالۍ سپیدار کلي یو بل اوسیدونکی وايي: «ولي ګل طالب نه و، او نه یې هم کومه دنده درلوده، غریب سړی و ، دوه ورځې وړاندې داعشیانو ونیو او همغه ورځ یې سر ورپرې کړ.»

داعش-خراسان وسلوالو نن د یوې خبرپاڼه خپرولو سره ویلي چې د کونړ څوکۍ ولسوالۍ کې د طالبانو یو جاسوس وژلی دی.

د طالبانو ځايي چارواکو د پيښې په اړه تروسه رسنیو څه نه دي ویلي.

افغانستان انټرنشنل ته څو سرچینو منلې ده چې د طالبانو د غړو کورنیو له هغو سیمو کډه کړې چې د داعش حضور په کې لیدل کیږي.

د ترلاسه شو معلوماتو له مخې داعش-خراسان د کونړ په دریو ولسوالیو کې حضور لري.

د کونړ ماڼوګی ولسوالۍ په چپه او قوړنګل درو ، څوکۍ ولسوالۍ دېوګل دره او غازي اباد ولسوالۍ کې د داعش-خراسان وسلوال شته دي.

د ځايي اوسیدونکو په وینا داعش وسلوالو سره بهرني وسلوال هم لیدل کیږي.

د طالبانو دفاع وزیر ملا یعقوب په وروستۍ خبري ناسته کې ویلي و چې په یو شمیر بریدونو کې پاکستاني او تاجکستاني وسلوال برخه لري.

که څه هم طالبانو ویلي چې واک ته د دوی له رسېدو سره داعش وسلوال سخت ځپل شوي او د سر پورته کولو توان نه لري خو په وروستیو کې د ننګرهار او کونړ یو شمیر اوسیدونکو د افغانستان انټرنشنل ـ پښتو خبریال ته ویلي چې د داعش ـ خراسان ډلې جلب او جزب چټک کړی دی.

دوی وايي چې د داعش وسلوال د کونړ غازي اباد ولسوالۍ په جوماتونو ګرځیدلي او له خلکو یې غوښتي چې د امتیازیاتو په بدل کې له دغې ډلې سره یوځای شي.

له یو څه مودې راهسې داعش خراسان څانګې خپل ځمکنی حضور پټ ساتلی وو، دا لومړی ځل دی چې له یوې اوږدې چوپتیا وروسته دغه ډله بیا خپل سر پورته کوي او هغه سیمو کې یې د حضور راپورونه تایدیږي چې پخوا یې هلته واکمني او له طالبانو سره سختې جګړې کړي وې.

څو میاشتې وړاندې طالبانو ته نژدې وېپاڼې المرصاد چې د داعش په اړه راپورونه نشروي، پاکستان د داعش په ملاتړ تورن کړی و او ویلي یې وو چې پاکستان په پټه په افغانستان کې د داعش ملاتړ کوي او په خپله خاوره کې یې ددغه ډلې مشرانو ته ځای ورکړی دی.

هغه په خپلو خبرو کې زیاته کړه: «چمن مې کور دی چې پر ډیورنډ کرښه پښه اړوم، هلته مې ځمکه ده کرونده پرې کوم، غنم کوم، دا به څو وارې د ورځې ما ته پر پاسپورټ ټاپه وهې او زه به ځم.»

په چمن کې له څه باندې اویا ورځو د پاکستان د دې غوښتنې خلاف پرلت روان دی چې له سپین بولدک سره دې د تګ راتګ لپآره د پاسپورټ پیلولو له غوښتنې په شا شي.

پاکستان کې د سرپرست حکومت له جوړېدو راهیسې پر چمن سربېره د وزیریستان او پکتیکا ترمنځ پر انګور اډه هم د پاسپورټ تګ راتګ پیلولو هڅې کېږي چې په مقابل کې یې هلته هم پرلت پیل شوی دی.

ځايي خلک وايي، د کرښې دواړو غاړو ته ژوند لري او هره ورځ دواړو خواوو ته تګ راتګ پر پاسپورت نشي کولی.

د پاکستان حکومت تراوسه د دې خلکو د غوښتنو په مقابل کې کوم نرمښت نه دی ښودلی.

په دې غونډه کې محمود خان اڅکزي پر حکومت غږ وکړ چې د خلکو غوښتنې ومني او زیاته یې کړه چې که پاکستان چلولو غواړي، نو په زور کلي نه کېږي.

د هغه په خبره، حکومت د ولس مور بلل کېږي او پکار ده چې د دوی غوښتنې ومنل شي

ډاکټر محمد حسن کاکړ د ۲۰۱۷ کال د جنورۍ پر پنځمه د امریکا په کلیفورنیا کې وفات شو او بیا یې مړی لغمان ته ولېږدول شو.

ښاغلی کاکړ پر۱۹۲۹ میلادي کال د لغمان د الیشنګ ولسوالۍپلوَټې کلي کې زېږېدلی او په دغه ولایت کې تر ښوونځي وروسته یې کابل پوهنتون کې لوړې زدکړې وکړې.

نوموړی وروسته د لا ډېرو زدکړو لپاره لندن ته لاړ او په لندن پوهنتون کې یې تر ماسټرۍ وروسته د تاریخ په برخه کې دوکتورا وکړه.

ډاکټر محمد حسن کاکړ د کلونو لپاره په کابل پوهنتون کې د تاریخ استاد و، خو د جګړو پیلېدو سره امریکا ته کډوال شو.

ډاکټر حسن کاکړ په پښتو، پارسي او انګرېزي لسګونه کتابونه او لیکنې کړې دي.

دوی زیاتوی په ټولنیزو رسنیو کې د دوی د پلویانو هغه ویډیو ناسمه ده چې پکې د نور الله په نوم د یو کس د نیولو خبره شوې او هغه د ډاکټر غفار همدرد وژونکی بلل شوی دی.

افغانستان انټرنشنل ـ پښتو د دې ویډيو په اړه چې څیړنه وکړه، دا ویډيو تر اوسه د کابل امنیه قومندانۍ او ددې امنیتي ادارې ویاند د ټولنیزو پاڼو له رسمي ادرسونو څخه نه ده نشر کړې او نه یې هم د نیول شوي قاتل په اړه کوم جزیات خپاره کړي دي.

د طالبانو تر کنټرول لاندې ملي ټلویزیون او باختر اژانس د ډاکتر غفار همدرد د وژل کېدو خبر نه دی نشر کړی او نه د قاتل د نیولو کومه ویډیو خپره کړې ده.

په کابل ځینې خبریالان هم وايي کله چې د اتمې حوزې ته د قاتل د نیولو په اړه راپور جوړولو ته لاړل، د طالبانو د حوزې مسوولینو له راپور جوړولو منع کړل او د قاتل په اړه یې جزیات ورسره شریک نه کړل.

د کابل ځايي خبریالانو چې د امنیتي ستونزو له امله یې نومونه نشو لیکلی، افغانستان انټرنشنل ـ پښتو ته وویل چې د طالبانو کابل امنیه قومندانۍ ویاند هم د دې ويډیو د څرنګوالي او د ویډیو د کروالي په اړه خبرو ته حاضر نه شو.

دوی زیاتوي د طالبانو پلویان چې په بېلابیلو نومونو په ټولنیزو رسنیو کې فعالیت لري په داسې حالاتونو کې د عامه غبرګونونو د ارامو لپاره ناسم معلومات او جعلي ویډيوګانې د خپلې ډلې په ګټه او د تبلغاتو لپاره نشروي.

د کابل طبي پوهنتون استاد او د میوند کادري روغتون د جلدي څانګې پخوانی مشر پوهنوال ډاکټر غفار همدرد تېره اوونۍ کابل ښار کې ووژل شو، خو په اوله ورځ د کابل امنیه قومندانۍ ویاند په خپله اېکس پاڼه پيښه تایید کړه او ویې ویل، هغه کس یې نیولی چې چې د وژل شوي ډاکتر کورنۍ ورته ګوته نیولې ده.

خو له دې پيښې څو ورځې تیریږي اما تر اوسه د کابل امنیه قومندانۍ مسوولینو په دې تړاو له رسنیو سره کوم معلومات نه دي شریک کړي.