د ایران د کرمان څارنوال: د کرمان په چاودنو کې ښکیل ټول عاملان نیول شوي دي
د ايران د کرمان څارنوال وايي، چې په دغه ولايت کې د چاودنې په تړاو «ټول عاملان» نيول شوي دي. د مهدي بخشي په خبره. په دې پېښه کې ښکېل ۳۲ کسان نيول شوي دي.
د ايران د کرمان څارنوال وايي، چې په دغه ولايت کې د چاودنې په تړاو «ټول عاملان» نيول شوي دي. د مهدي بخشي په خبره. په دې پېښه کې ښکېل ۳۲ کسان نيول شوي دي.
هغه زياته کړه، « په کرمان کې يې ۱۷ بمونه کشف کړل، چې د چاودېدونکو توکو ځواک يې له ځانمرګو واسکټونو څخه زيات و.»
ايراني رسنيو د کرمان د څارنوال له قوله ویلي، چې په دغه ولایت کې دواړه چاودنې ځانمرګي بريدونه وو.
ښاغلي بخشي همدا ډول وويل، « په وروستيو میاشتو کې يې په کرمان ولایت کې د داعش ۲۳ کسان، چې ځانمرګي بريدونو ته چمتو وو نيول شوي دي.»
د چهار شنبې په ورځ د مرغومۍ په ۱۳ مه په عراق کې د امريکا په هوايي بريد کې د ایران د سپاه پاسداران د پخواني قومندان قاسم سلېماني د وژل کېدو د څلورم تلین مراسېم وه، چې د «ګلزار شهدای کرمان» پر سړک دوه چاودنې وشوې، چې له امله یې تر درې نیم سوو کسان مړه او ټپیان شول.
د مرغومۍ ۱۶ مه د شنبې ورځي په سهار په روغتون کې د دوو ټپيانو په مړيني سره د چاودنې د مړو شمېر ۹۱ کسانو ته ورسېد.
په دغو دوو وژل شویو کې یو اته کلن ماشوم او بل یې ۶۰ کلن و.
په کرمان کې د طبې سرچينو د راپور له مخي، چې د دې ښار په روغتون کې دا مهال ۱۰۳ کسان بستر دي، چې له جملې څخه يې د ۳۴ کسانو روغتيايي حالت د اندېښنې وړ دی او په عاجلو روغتيايي څانګو کې تر درملنې لاندې دي.
