په غزه کې د اسراییل په هوايي برید کې ۱۱ تنه وژل شوي

د حوثیانو د سیاسي شورا غړي محمد علي الحوثي امریکا ته د شیطان خطاب کړی او ویلي یې دي: «په یمن باندې ستاسو بریدونه ترهګري ده."

حوثي وسله وال، چې د یمن پر ډېره برخه واکمني کوي، خبرداری ورکړی چې اسراییل ته تلونکې ټولې بیړۍ به په نښه کوي. اسراییل له یمن څخه شاوخوا یو زرو ۶۰۰ کیلومټره لرې دی. حوثې ډلې ټولو نړیوالو سوداګریزو شرکتونو ته هم خبرداری ورکړی چې د اسراییل بندرونو له کارولو دې ډډه وکړي.

په همدې حال کې عراقي وسلوالې ډلې، حرکت النجابه، چې له ایران سره نږدې اړیکې لري، ویلي چې له دې وروسته به د امریکا او د هغې د ملګرو هېوادونو ګټې خوندي نه وي.

امریکايي چارواکو ویلي چې، د اکتوبر له ۱۷ نیټې راهیسې په عراق او سوریه کې د امریکا او متحدیدنو پر ځواکونو باندې لږ تر لږه ۱۳۰ بریدونه شوي دي.

امریکا او بریټانیا د اسټرالیا، بحرین، کاناډا او هالنډ په ملاتړ د پنجشنبې په شپه یمن کې د حوثيانو پر مرکزونو بریدونه کړي چې لږ تر لږه ۵ حوثي وسله وال پکې وژل شوي او ۶ نور ټپیان دي.

حوثي جنګیالي د فلسطین پر ملاتړ په سور سمندرګي کې اسراییل ته پر تلونکو بیړیو بریدونه کوي، چې په دغه لار سوداګري یې خورا زیامنه کړې او ډیرۍ بار وړونکې بیړۍ اوس له نورو بدیلو لارو ګټه اخلي چې په پراخه کچه د کرایو د لوړیدو لامل شوې.

د سیمه ییزو چارواکو په وینا په داسې حال کې چې لا په کان کې د ژغورنې عملیات روان دي، لومړنۍ څېړنې ښيي چې پېښه په ځايي وخت د ماسپښین شاوخوا ۳:۰۰ بجې د ډبرو سکرو او ګازو د چاودنې له امله رامنځ ته شوې ده. د ډبرو سکرو دغه کان د پینګدینګشان ټایټان کمپنۍ ملکیت دی.

د بیړنيو حالاتو د مدیریت ادارې په وینا، د چاودنې پر مهال په کان کې 45 کسان وو چې اته یې مړه شوي او 15 نور لادرکه دي،‌ خو د پاتې ۲۲ کسانو سره د ژغورونکو له خوا اړیکه ټینګه شوې ده.

د چارواکو له خولې ویل شوي چې د پیښې پر محال د ځمکې لاندې په بیلابیلو کانونو کې ټولټال 425 کسانو کار کاوه، او 380 کسان تر چاودنې وروسته له کانونو راویستل شوي دي.‌

تر دې مخکې د یمن د حوثيانو ویاند محمد عبدالسلام په یوې اعلامیه کې ویلي و: « د امریکا او بریټانیا له خوا په یمن کې د حوثيانو پر پوځي موخو بمباري به دغه ډله په سور سمندر کې د اسراییل اړوندو بیړیو باندې له بریدونو را ونه ګرځوي."

امریکا او بریټانیا د اسټرالیا، بحرین، کاناډا او هالنډ په ملاتړ د پنجشنبې په شپه یمن کې د حوثيانو پر مرکزونو بریدونه وکړل.

دغه بریدونه د صنعا، صعده، حدیده او ذمار په ګډون د یمن په بیلابیو سیمو ترسره شوي وو.

په یمن کې د ایران له ملاتړه د برخمنو حوثیانو په مرکزونو د امریکا او بریټانیا د بریدونو له پیل سره، راپورونه وايي چې د یمن په ښارونو کې چاودنې هم شوي دي.

دغه بریدونه په سیمه او نړۍ کې له بېلا بېلو غبرګونونو سره مخامخ شوي دي.

جرمني او ډنمارک د دغو بریدونو ملاتړ کړی خو عمان او روسیې بیا دغه بریدونه غندلي دي.

سويلي افریقا اسراییل د فلسطینیانو په نسل وژنې تورن کړی او په غزې کې یې سمدستي د جګړې د پای ته رسولو غوښتنه کړې.

سویلي افریقا د پنجشنبې په ورځ، په هاګ کې د جرمونو نړیوالې محکمې ته د اسراییل پر وړاندې د شکایت کولو پر مهال، وویل چې د اسراییل هوایي او ځمکني عملیات چې د فلسطین د روغتیایی چارواکو په وینا تر اوسه یې څه باندې ۲۳ زره کسان وژلي، « په غزه کې د اوسیدونکو خلکو د له منځه وړلو په موخه» ترسره کیږي.‌

خو د اسرایلو د بهرنیو چارو د وزارت حقوقي سلاکار تال بیکر محکمې ته ویلي چې په غزه کې د کیدونکو پيښو په اړه د سویلي افریقا تفسیر په پراخه کچه تحریف شوی دی.

بل خوا دغه اسراييلي چارواكی حماس د اسراييلو پر نسل وژنې تورنوي.

د 1948 د نسل وژنې په کنوانسیون کې، نسل وژنه د هغه عمل په توګه تعریف شوې چې "د یوې ملي، نژادي، یا مذهبي ډلې په بشپړه یا یوه برخه یې له منځه یوړل شي".

د اکټوبر په اوومه د حماس له خوا د اسراييلو پر جنوبي سيمو له ناڅاپي بريد وروسته، چې په ترڅ کې يې ١٢٠٠ کسان ووژل شول او ٢٤٠ تنه د حماس له خوا يرغمل شول، اسراييل په غزه کې د دغې ډلې د ځپلو لپاره پراخ عمليات پيل کړل.

د اسراییلو د عملیاتو له پیل راهیسې د غزې شاوخوا ۲،۳ میلیونه اوسیدونکي د خپلو کورونو پریښودو ته اړ شوي دي.

د پیسو د نړیوال وجهي صندوق بورډ هم ویلي چې د دغه مالي پروګرام بیا کتنې بشپړولو سره یې د پاکستان د پور کچه ۱،۹ میلیارډ ډالرو ته راکته کړې ده.

دا صندوق دا هم وايي چې په دغې مرستې سره اوس د پاکستان په اقتصاد کې د تحرکاتو د پیلیدو او د بهرني فشارونو د کمیدو لنډمهاله نښې لیدل کیږي.

په دغه اعلامیه کې راغلي:‌ "د دغه مالي پروګرام دوامداره قوي مالکیت لاهم ډېر مهم دی ترڅو چې دا یقیني کړي چې اوسنی اقتصادي تحرکات دوام پیدا کړي او د پاکستان د اقتصاد ثبات ټینګیدو سبب شي."

دغه د سویلي آسیا هیواد چې اوس د سرپرست حکومت له خوا اداره کیږي په جولای میاشت کې د پیسو د نړیوال وجهي صندول د پور د یو پروګرام له تصویب سره د دیوالي کیدو له خطره بچ شو.

د دغه مالي ملاتړ له پروګرام له پیل مخې، پاکستان د پیسو د نړیوال وجهي صندول له خوا ټاکل شوې ځینې کړنې ترسره کړې چې په هغې د بودجې بیا کتنه، د سود نرخ زیاتول، او د بریښنا او ګازو د بیو لوړول راځي.