د پاکستان د پیپلز ګوند مشر بلاول بوټو زرداري وايي، ګوند یې ازادې، مناسبې او عمومي ټولټاکنې غواړي. نوموړي نن د پنجاب په ملتان کې خبري غونډې ته وویل، ګوند یې د ولس د ستونزو کمول او اقتصادي ټیکاو جوړول غواړي.
ښاغلي زرداري زیاته کړه، چې دغه ګوند د حلکو د ستونزو د حل لپاره په ټاکنو کې ګډون کوي او په بریالیتوب سره به دا ډله انفلاسیون کنټرول او د توکو بیې کمې کړي.
نوموړي دا هم وویل، چې نور ګوندونه د اشرافو لپاره ټاکنو کې برخه اخلي، خو پیپلز ګوند د ولس او غریبو عوامو لپاره دا کار کوي.
د پاکستان ټاکنې د راتلونکې میاشتې پر اتمه کېږي او هغه هم په داسې حال چې په دغه هېواد کې اقتصادي او امنیتي حالت خراب دی.
مخکښو ګوندونو ته په ټاکنیزو منډو ترړو کې تر ټولو مهمه موضوع د دغه هېواد خراب اقتصادي حالت کنټرولول او امنیت ټینګول دي.
