اسراییلي پوځ د لبنان په جنوب کې د حزب الله پر مرکزونو د پراخو بریدو اعلان وکړ

شیخ محمد عبدالرحمان ال ثاني د سې شنبې په ورځ (د مرغومي۲۶مه) په یوه ټلویزیوني مرکه کې زیاته کړه، چې تر اوسه نړۍوالې ټولنې یوازې د اوربند او د یرغمل شویو بندیانو د خلاصون حل لارې ته پام کړی دی.

دغه قطري چارواکي ویلي؛ د فلسطین او اسراییل د دوو دولتونو د جوړېدو موضوع باید په داسې ډول حل شي، چې د دواړو هېوادونو خلک په ګډه ژوند وکړي.

د قطر د لومړي وزير په خبره؛ د غزې د جګړې پای ته رسول او د يرغمل شويو بنديانو خوشي کول د لوېديځې غاړي د مسالې په حل کولو تر لاسه کېدی شي.

د نړۍوال اقتصادي فورم ۵۴ مه ګلنۍ غونډه د «باور د بيارغولو» په شعار سره د دوشنبې په ورځ (د مرغومي په ۲۵مه) د سويس په داووس کې د څه باندې سلو هېوادونو د استازو په حضور کې پيل شوه.

پاکستاني پوځ او چارواکو تر اوسه پورې د دغه برید په اړه جزیات نه دي ورکړي.

په سیمه کې ازاد خبریال لال وزیر وايي، دغه ځانمرګی برید هغه مهال شوی چې پاکستاني پوځيانو په دغه سیمه کې د ګاډو پلټنه کوله.

د برید مسوولیت د حافظ ګل بهادر ډلې په غاړه اخیستې او دعوه یې کړې چې لسګونو پاکستاني پوځیانو ته یې مرګژوبله اوړولې ده.

دا په تیرو څو میاشتو کې څلورم ځانمرګی برید چې په وزیرستان کې پر پاکستاني پوځیانو ترسره کیږي.

د یوه بل خبر له مخې نن سه شنبه (د مرغومي ۲۶مه) د سوېلي وزیرستان په اعظم ورسک سیمه کې د یوه قومي مشر راز محمد پر موټر د سړک غاړې بم چاودنه شوې چې دغه مشر پکې ټپي شوی.

دغه قومي مشر په ټپي حالت کې نږدې یوه روغتون ته لیږدول شوی او د روغتیايي حالت په اړه یې معلومات نه دي ورکړل شوي.

ویل کیږي راز محمد هغه قومي مشر دی چې په ۲۰۱۴ کال کې یې له پاکستاني پوځ سره په ګډه په وزیرستان کې د ازبک او چیچین وسله والو په وړاندې جګړه کوله.

په دې وروستیو کې په خیبرپښتونخوا صوبه کې د ځانمرګو او هدفي وژنو د پیښو تر څنګ د قومي مشرانو د په نښه کولو پیښې هم زیاتې شوې چې ډیری وخت د دوی د سورلۍ ګاډي د سړک غاړې په بمونو الوزول کیږي.

سپاه دا رنګه ویلي، چې په سوریه کې یې د داعش د ټولېدو پر ځای هم برید کړی.
الحدث د امنیتی سرچینو له قوله خبر ورکړی، چې د ایران توغندي په اربیل کې د امریکا قونسلګرۍ ته څېرمه پرېوتي دي.
څینو سرچینو رویټرز ته ویلي، د عراق په اربیل کې د سپاه پاسداران د توغندیز برید په پایله کې د دغه ښار د هوايي ډګر د الوتنې فعالیتونه ځنډېدلي دي.
د امریکا دوه امنیتي چارواکو رویټرز ته ویلي، پر اربیل توغندیز برید د دوی ودانیو ته زیان نه دی اړولی او ځاني زیان یې هم دوی ته نه دی رسېدلی.

خو د روغتیايي سرچینو له قوله په دغه برید کې دوه تنه ځايي اوسېدونکي وژل شوي او پنځه تنه نور ټپیان شوي دي.

په همدې حال کې د کردستان د پارلمان مرستیال هیمن هه‌ ورامي ویلي، دغه برید « د توجیه‌ وړ نه دی» سپاه د اربیل په ښار کې د پیشرو دیزه ‌یي کور په نښه کړی، چې د هغه په ګډون یې د هغه د کورنۍ څلور غړي وژلي دي.

د کردستان د اقلیم د امنیت سازمان په یوه خبرپاڼه کې د سپاه پاسداران هغه اطلاعېې چې د توغندیز برید په اړه یې خپرې کړي بې بنسټه بللي او د دغه شان بریدونو دوام یې د عراق د کردستان د اقلیم سیمې پر واکمنۍ څرګند تېری بللی.

دغه سازمان ویلي، د سپاه په توغندویز برید کې څلور ولسي وګړي وژل شوي او شپږ تنه نور ټپیان شوي دي.

د امریکا غبرګون

د امریکا د بهرنیو چارو وزارت د عراق پر اربیل د سپاه توغندویز برید په کلکه غندلی دی.

د دغه وزارت ویاند متیو مېلر د وژل شویو او ټپي شویو کورنیو سره غمرازي ښودلې او ویلي یې دي، چې دغه بریدونه په عراق کې امنیتي وضعیت نور هم کمزوری کوي.

د امریکا د ملي امنیت شورا په عراق د سپاه پاسداران د بریدونو په غبرګون کې ویلي، لومړنۍ نښې دا څرګندوي چې دغه بریدونه «بی له کتنې او ناکره شوي » بریدونه وو.

ادرین واتسون زیاته کړه:« امریکا د عراق له خپلواکۍ، واکمنۍ او ځمکنۍ بشپړتیا څخه ننګه او ملاتړ کوي.»
هغه زیاته کړه، چې امریکا به د شرایطو ارزولو ته دوام ورکوي.

د کردستان لومړی وزیر: موږ به له خپلو ملګرو او شریکانو سره یو ځای د دغو وحشیانه بریدونو په اړه ګام اخلو.
د کردستان د اقلیم لومړی وزیر وايي، پر اربیل د سپاه توغندیز برید په کلکه غندي او د عراق له دولته غواړي چې د عراق او د کردستان د واکمنۍ پر ضد د دغه ښکاره سرغړونې په اړه اصولي دریځ خپل کړي.

مسرور بارزاني دا رنګه له نړۍوالې ټولنې وغوښتل «د کردستان د خلکو پر ضد د دغه شان بریدونو په تړاو دې چوپه پاتې نه شي.»

هغه زیاته کړه: «په راتلونکو ورځو کې د خپلو شریکانو سره به په ملګرو ملتونو کې د دغه شان وحشیانه بریدونو د مخنیوی لپاره هلې ځلې وکړو.»

په سوریه کې د داعش د ټولیدو پر ځای برید

سپاه پاسداران په یوه بله خبر پاڼه کې په سوریه کې د داعش د ټولېدو پر ځای د یو بل برید خبر خپور کړی او لامل یې په کرمان کې د هغه برید غچ یاد کړی، چې د قاسم سلیماني د تلین په مراسمو کې یو شمېر خلک په کې وژل شوی وو او دا رنګه د راسک پر پوځي سیمه کې هم پوځیان په نښه شوي وو.
د سپاه پاسداران سره تړلي تسنیم خبري اژانس «په ادلیب کې د سیمه‌ییزو سرچینو» له قوله لیکلي، د سپاه توغندیو د هیت التحریرالشام (جبهه النصره) او د ترکستان د اسلامي ګوند ډله د جبل السماق سیمه او د حارم ښارګوټي په شاوخوا او د ادلیب په نورو سیمو کې لګېدلي دي.

جان کربي له سي بي اېس سره په خبرو کې وویل، چې امریکا په غزه کې "د عملیاتو راکمولو"په اړه له اسراییل سره خبرې کوي.

هغه وایي:« موږ باوري یو، چې دا د عملیاتو راکمولو لپاره یو مناسب وخت دی او موږ اسراییل سره د دغه ګام د اوچتولو په اړه خبرې کوو.»

کربي وویل، چې اسراییل د خپلو عملیاتو راکمولو لپاره ځینې "ګامونه" اخیستي دي؛ خو په وینا یې ډېر نورڅه هم باید وشي.

تر دې وړاندې د اسراییل لومړي وزیر بنیامین نتنیاهو ژمنه کړې وه، چې د حماس د له منځه وړلو اود دغې ډلې لخوا تر ۱۰۰ زیات یرغمل شويو اسراییلیانو د خلاصون لپاره به خپل فشار ته دوام ورکړي.

پوره سل ورځې وړاندې د اسراییل او حماس جګړه پیل شوه او په دغې جګړه کې د فلسطیني قربانیانو شمېر له ۲۴زرو واوښت.
تېره اونۍ هم سیمې ته د سفر په ترڅ کې د امریکا د بهرنیو چارو وزیر انتوني بلېنکن په اسراییل غږ وکړ، چې د ملکي تلفاتو د کمولو هڅه دې وکړي او غزې ته د بشري مرستو په رسولو کې دې زیاتوالی راولي.

د "نوا ارګماني" په نوم یو بل یرغمل په دې ویډیو کې وايي، چې دغه دوه کسان د "اسراییل د بریدونو" په پایله کې وژل شوي دي.

د حماس د پوځي څانګې یو ویاند د یکشنبې په ورځ وویل، چې په وروستیو اونیو کې ډېری یرغمل شويو برخلیک نامعلوم دی او "د دغو بندیانو ډېری یې شاید وژل شوي وي."

د اسراييلو د دفاع وزير بیا ويلي، چې د حماس د خبرو موخه "رواني تاوتريخوالی" دی.