ایران د پاکستان پر خاوره د جیش العدل پر مرکز توغندیز او ډرون برید کړی

د ایران د خراسان رضوي ولایت د سرحدي ځواکونو قوماندان مجید شجاع یو شمېر ایراني رسنیو ته ویلي، چې په تېرو ۱۱ ورځو کې په دغه ولایت کې ۱۳۸۵۲ بې اسناده افغانان نیولي او له ټاکلو څېړنو وروسته یې بېرته افغانستان ته لېږلي دي.

نوموړي ویلي، چې دا لړۍ په چټکۍ روانه ده او ټول هغه افغانان به ونیسي کوم چې په غیر قانوني توګه ایران ته داخل شوي دي.

همداراز ایسنا خبري اژانس بیا د سیستان بلوچستان ولایت د سرحدي قوماندان جواد علي رفیعي په حواله خبر ورکړی، چې دوی یوازې په تېره اونۍ کې ۱۱۶۶۹ هغه افغان کډوال بېرته ستانه کړي، چې قانوني اسناد یې نه لرل.

ایران له پاکستانه وروسته دویم هېواد دی، چې ګڼ افغان کډوال پکې ژوند کوي او د ایران په کرمان کې له وروستۍ پېښې وروسته د افغان کډوالو د بیا ستنولو چارې زور اخیستی دی.

په ایران کې یو شمېر افغان کډوالو هم د ایراني پولیسو د روان جدي څار او خشن برخورد ته اندېښنې ښودلي او ویلي یې دي، چې د کرمان وروستیو خونړیو پېښو د افغانانو پر وړاندې د ایراني پولیسو چلند لا سخت کړی دی.

محمد خالد حنفي د پنجشېر له خلکو سره په کتنه کې زياته کړه، چې ملا هبت الله په غونډو کې څو ځلې د پنجشېر د «شهيد او شرعیت پلوه ملت» يادونه کړې ده.

دغه جګپوړي طالب چارواکي چې په افغانستان کې د ښځو پر وړاندې د بندیزونو له امله امریکا پرې بندیزونه لګولي دي، زیاته کړه چې تر اوسه یې درې ځله پنجشېر ولایت ته سفر کړی دی.

نوموړي د سې شنبې په ورځ (د مرغومې۲۶مه) وویل، چې د اسلامي امارت ټول مشران په ځانګړې توګه هبت الله او په خپله د پنجشېر ولایت او خلکو سره «مینه او اخلاص» لري.

خالد حنفي وویل: په دې اړه «سل په سلو کې ډاډ درکوم.»

د طالبانو د امر بالمعروف وزیر ویلي، چې د پنجشېر د علماو شورا او د دغه ولایت والي د طالبانو له مشر سره لیدلي.

هغه د دې کتنو په اړه نور جزییات ورنه کړل؛ خو ویې ویل چې د غوندې ګډونوال به وروسته په دې اړه په تفصیل سره خبرې وکړي.

په تېرو دوو کلونو کې د پنجشېر ګڼ شمېر اوسېدونکي د مقاومت د جبهې د ملاتړ او د طالبانو پر وړاندې د جګړې په تور نيول شوي، ځورول شوي او وژل شوي دي.

د طالبانو د اطلاعاتو او فرهنګ وزارت د هنر او فرهنګ مرستيال عتيق الله عزيزي نن سې شنبه په کابل کې د کتاب ساتنې سپوزيم په پرانيست غونډه کې وويل، چې د يو شمېر کتاب پلورنځيو څخه يې هغه کتابونه لري کړي، چې د ولس د فکري انحراف او ذهنيت خرابېدو لپاره لیکل شوي وو.

هغه زیاته کړه: « موږ کتاب پلورونکو ته لارښوونه کړې او محدود شمېر هغه کتابونه، چې د ولس د وحدت نړولو، د عقايدو د انحراف او ذهنيت خرابولو لپاره دستوري لیکل شوي وه ليري کړي.»

نوموړي وويل، چې دوی د کتابونو پر سانسور او بنديز نه لګوي؛ خو د هغه کتاب د خپرېدو مخه به نيسي، چې په ولس کې ژبنۍ، سمتي او عقيدوي ستونزي جوړوي.

هغه زیاته کړه:« دا زموږ حق دی، چې د هغو کتابونو مخه ونيسو، چې د پروژو په نوم جوړ شوي او په ولس کې تفرقه او زهر خپروي.»

د طالبانو د فرهنګ او هنر دغه مسوول د کابل عامه کتابتون حالت د تېرو ۲۵ کلنو په پرتله ډېر خراب او د اندېښنې وړ وبللی.

د طالبانو استخبارات په داسې حال پر يو شمېر کتابونو بندیز لګوي، چې دې ډلې په ۲۰۲۲ کال کې د کتاب ارزونې کمېسیون جوړ کړی او له هغه راهیسې یې د سوونو کتابونو د چاپ مخه نیولې ده.

طالبان وايي؛ دې کمېسیون سره غواړي د داسې کتابونو د چاپ او پلور مخه ونیسي چې له اسلامي ارزښتونو او د افغان ټولنې د دود خلاف وي.

د طالبانو له بیا واکمنېدو سره نه یوازې په افغانستان کې پر خپرنځایونو مالیه لوړه کړې، بلکې له بهر یې هم افغانستان ته د کتاب پر واردولو ګمرک زیات کړی او ور سره د کتاب بازار زیانمن شوی دی.

د دغه راپور له مخې؛ د اسراییل د هوایي ځواک جنګي الوتکو او توپخانې ټولګیو په لنډه موده کې د حزب الله ډلې په لسګونو هدفونه په نښه کړل چې پکې د دغې ډلې د څارنې پوستې، پوځي ودانۍ او نور زیربناوې شاملې وې.

د اسرايیل پوځ ویلي، چې حزب الله د خپلو "ترهګریزو موخو" لپاره له وادي سالوکي څخه پراخه ګټه پورته کوي او په ځنګلونو کې په لسګونو پټې اډې لري.

دا عملیات په داسې حال کې شوي، چې د حزب الله له خوا د اسراییل پر شمالي سیمو د توغندیو او بې پیلوټه الوتکو پرله پسې بریدونه شوي دي.

دغه سیاستوال وايي؛ د داعش ډلې وسله وال له ورڅېرمه کونړه را اوړي او په باجوړ کې د ملا فضل الرحمان په پلویانو بریدونه کوي.

په کابل کې د طالبانو حکومت وايي، چې په افغانستان کې یې د داعش ډله ځپلې او اوس په دغه هېواد کې فعالیت نه لري.

افراسیاب خټک په لاهور کې د تفکر میلې په نوم د یوې غونډې پر مهال د خلکو پوښتنو ته په ځواب کې وويل، چې په باجوړ کې د ملا فضل الرحمان د ګوند کسان د داعش له لوري ځکه په نښه کیږي، چې باجوړ ډېورنډ کرښې ته څېرمه له کونړ سره نږدې پروت دی.

هغه وايي؛ له تېر یوه کال راهیسې چې د جمعیت علمای اسلام ګوند پر پلویانو چې کوم بریدونه شوي، هغه ټول د افغانستان له کونړ ولایت څخه را اوښتي وو.

نوموړي زیاته کړې، چې ملا فضل الرحمان د طالبانو ملاتړی او دوست ګڼل کیږي، له همدې امله د داعش ضد تبلیغات هم کوي، چې د داعش له خوا یې ملګري په نښه کيږي.

د جولای پر ۳۱ سوات ته څېرمه په باجوړ کې د جمعیت علمای اسلام پر غونډه ځانمرګی برید وشو چې پکې ۶۳ کسان ووژل او تر سلو ډېر ټپیان شول.

د ملا فضل الرحمان په مشرۍ دا ګوند د افغان طالبانو نږدې ملګری دی؛ خو په پاکستان کې د وسلوالو بریدونو غندنه کوي.

د جولای پر ۳۱ سوات ته څېرمه په باجوړ کې د جمعیت علمای اسلام پر غونډه د ځانمرګي برید مسوولیت،اسلامي دولت نومې وسله والې ډلې یا داعش پر غاړه اخیستی و.

جمعیت علمای اسلام د پاکستان په شمال او لوېدیځ کې د دیني مدرسو او جوماتونو پراخه شبکه لري.

په افغانستان کې د طالبانو له واک ته رسېدو وروسته په پاکستان کې د تاوتریخوالي پېښې ډیرې شوې دي او ډیری دغه بریدونه په خیبرپښتونخوا کې شوي، چې تحریک طالبان پاکستان یې د ډېرو بریدونو مسووليت منلی.