حال‌وش د ایران پر سیستان او بلوچستان سیمو د توغندیز برید خبر وکړ

د ایران بهرنیو چارو وزیر پاکستان یو ښه ګاونډی، دوست او ورور وباله او ویې ویل: "د جیش العدل په نامه ډلې د پاکستان په ځینو برخو کې پناه اخیستې او په دې اړه مو څو ځلې د پاکستان له لوړ پوړو پوځي، امنیتي او سیاسي چارواکو سره خبرې کړې دي او دغو ترهګرو ډلو په تېرو ورځو کې په ایران کې عملیات کړي دي. د نورو شیانو تر څنګ یې د راسک په قوماندانۍ کې زموږ د پولیسو سرتیري شهیدان کړل. دا ایراني ترهګرو ته په پاکستان کې زموږ ځواب دی."

امیر عبداللهیان ویلي، چې له رسنیو سره تر خبرو مخکې یې د پاکستان د بهرنیو چارو له وزیر سره د برید په اړه خبرې کړې وې.

ایران پر پاکستان سربېره په عراق او سوریه کې هم بریدونه کړي، چې اسلام اباد او بغداد د خپلې بشپړتیا خلاف ورزي بللې ده.

په مقابل کې حسین امیر عبدالهیان وايي، ایران د پاکستان او عراق ملي حاکمیت او ځمکنۍ بشپړتیا ته احترام لري خو : "مونږ به هغوی ته اجازه ورنه کړو چې زمونږ د هېواد له ملي امنیت سره لوبې وکړی او مونږ له ترهګرو سره د خپل هېواد د ملي امنیت په تامینولو کې هېڅ ډول پېژاند نه لرو."

له دې مخکې د پاکستان د بهرنیو چارو د وزارت ویاندې ممتاز زهرا بلوچ د دغه هېواد پر خاوره د ایران د توغندیزې حملې په غبرګون کې دغه اقدام د ایران له خوا د پاکستان له ځمکنۍ بشپړتیا څخه سرغړونه وبلله او ټینګار یې وکړ، چې د تېرې شپې حملې بې اساسه او څرګندې دی.

د هغې په خبره، د ایران دا برید د پاکستان له ملي حاکمیت او د نړۍوالو قوانینو او د ملګرو ملتونو د منشور له اهدافو او اصولو سرغړونه ده.

نوموړې زیاته کړې: " دغه غیر دقانوني اقدام په بشپړه توګه د منلو وړ نه دی او هېڅ توجیه نه لري."

بلوچ وايي، پاکستان د دې غیر قانوني اقدام پر وړاندې د ځواب ویلو حق لري او پایلې به یې په ایران پورې تړلې وې.
اسلام اباد ټینګار کړی، چې خپل پیغام یې د ایران حکومت ته رسولی دی.

د بهرنیو چارو وزارت ویاندې ویلي: «موږ دوی ته خبر ورکړی چې پاکستان له ایرانه د خپل سفیر د رابللو پرېکړه کړې او په پاکستان کې د ایران سفیر چې دا مهال په ایران کې دی، د بېرته ستنېدو اجازه نه ‎لري. موږ دا پرېکړه هم کړې چې د پاکستان او ایران ترمنځ ټول هغه لوړ پوړي سفرونه وځنډوو چې په راتلونکو ورځو کې روان وو یا پلان شوي وو."

خو د ایران د بهرنیو چارو وزیر بیا ویلي؛ کوم اقدام چې دوی کړی د ایران، پاکستان، عراق او سیمې له امنیت سره د مرستې لپاره دی.

هغه ویلي، چې دوی د عراق او پاکستان امنیت د ایران امنیت ګڼي.

د پاکستان بهرنیو چارو وزارت د اعلامیې په خپرولو سره وایي؛ دې برید کې دوه ماشومان وژل شوي دي، خو ایرانۍ رسنۍ وايي، په دغه برید کې د جیش العدل دوه مرکزونه په نښه شوي دي.

100%

100%

100%

100%

100%

100%

100%

100%

100%

100%

100%

100%

100%

لومړۍ نړۍواله جګړه چې د سترې جګړې په نوم هم یادیږي، د بشر په تاریخ کې تر ټولو خونړۍ جګړه وه. دا جګړه په ۱۹۱۴ میلادي کال کې پیل تر ۱۹۱۸ میلادي کاله پورې یې دوام وکړ او د نړۍ له ګوټ - ګوټ څخه میلیونونه سرتېري او ملکي وګړي پکې ښکیل وو.

د دغو عکسونو جالبه اړخ دا دی، چې سرتېري د کامرې مخ ته ډېر ځانونه عادي نیسي، له جګړې څخه خپلې شیبې شریکوي. تازه ګمارل شوي سرتېري د مرګ له ګواښ سره - سره خپل ورځینی ژوند کوي.

د لومړۍ نړۍوالې جګړې انځورونه دا څرګندوي؛ هغه کسان چې په جګړه کې جنګیدلي بې څوکه او بې نومه جنګیالي نه وو، بلکې د کورنیو، هیلو او خوبونو سره رېښتیني خلک وو.

په دغو مراسمو کې په تهران کې «له چنګېزه تر تېموره د هرات تاریخ» د کتاب مخکتنه وشوه.

د جماران خبری اژانس د خبر له مخې؛ د ایران د سولې د مطالعاتو د علمي ټولنې او د دغه هېواد د معاصر تاریخ موزیم د سې شنبې په ورځ ( د مرغومی ۲۶) د «له چنګېزه تر تېموره د هرات تاریخ» » د کتاب د مخکتنې په مناسبت د یو تاریخي کلتوري پروګرام کوربه و.

د ګرځندوی وزیر د یو پیغام په استولو سره وویل: « د ایران او زموږ د ګران افغانستان (هرات جان) د ویاړمنو خو ځپلو ښارونو د یادولو لپاره یو ښه فرصت دی، چې په دې اړه بحث وکړو، چې ایران ښار څه شی دی او له شک پرته دغه بحث بېلابېل نظرونه لری.»

هغه زیاته کړه، افراطیت، ګواښونه، نا انډوله پراختیا او فرصتونه د ایران او افغانستان او د سیمې د ګاونډیو هېوادونو ترمنځ مشترکات دي، چې دا هېوادونه یوازې د همکارانو په خواخوږۍ او کار سره پر دې هر څه بريالي کېدی شي.

د ایران د ګرځندوی وزیر وویل: « سره له دې، چې په نړۍ کې د تمن تر ټولو ځواکمنه امپراتوري له دې سېمې څخه رامنځته شوې؛ خو هرات د تمدن يوه غوره بېلګه ده، چې د خپل جغرافيايي چوکاټ په پرتله ډېر ارزښت لري.»

د ګرځندوی د وزیر په پیغام کې راغلي، چې افغانستان او ایران د بډایه ايراني تمدن او کولتوري خراسان د وارثانو په توګه باید په بېلابېلو او ستراتیژیکو برخو کې له یو بل سره تعامل او اړیکې ولري.

هغه وويل: «لکه څنګه چې تبریز او هرات وکولی شول، چې د نړۍ تر ټولو عالي هنري مکتب جوړ کړي، له شک پرته هرات، کندهار، کابل، سمرقند، دوشنبه، مشهد، اصفهان، استانبول، بغداد، لاهور او ډهلي کولی شي د مشرتابه په ګډو برخو کې د متقابل عمل، تبادلې او همکارۍ پر اساس د نوي وياړ رامنځته کولو هڅه وکړي.»

د شېوان ماهندر راجاه له خوا ليکل شوی «له چنګېزه تر تيموره د هرات تاریخ» د کتاب فارسي نسخه، چې د علي محمودي سرچقايي له خوا ژباړل شوې، د افغانستان او ایران د يو شمېر استادانو، محصلينو او روڼ اندو په خضور کې مخکتنې ته وړاندې شو.

د چین د بهرنیو چارو د وزارت ویاندې ماو نینګ وايي، چې ایران او پاکستان نږدې ګاونډي او لوی اسلامي هېوادونه دي، چې په داسې حساسو شرایطو کې باید له احتیاط څخه کار واخلي.

نوموړې ویلي: «مونږ پر دواړو خواو غږ کوو چې له زغم څخه کار واخلي، له داسې کړنو ډډه وکړي چې تاوتریخوالی زیات کړي، هڅه باید وشي چې په ګډه سیمه کې سوله او ثبات وساتي.»

د ایران له خوا د پاکستان د بلوچستان صوبې برید له امله پاکستان خپل کلک غبرګون ښودلی او ویلي یې دي، چې دا د پاکستان پر ملي امنیت او ځمکنۍ بشپړتیا ښکاره تېری دی؛ خو د ایران د بهرنیو چارو وزیر امیر عبداللهیان بیا ویلي، چې د پاکستان پر خاوره برید یې د ایراني ترهګرو ته د ځواب په موخه کړی او په دغه برید کې د جیش العدل دوه مرکزونه په نښه شوي دي.

په وروستیو څلورو ورځو کې ایران په سوریه، عراق او پاکستان کې ځینې اهداف په نښه کړل.

دغې چارې نه یوازې د عراق او پاکستان غبرګون راپارولی بلکې د امریکا په ګډون د یو شمېر عربي هېوادونو له مستقیم او غیر مستقیم غبرګون سره مخ شوی دی.

د امریکا د بهرنیو چارو وزیر د چهار شنبې په ورځ ( د مرغومې ۲۷مه) وویل، چې د سیمې هېوادونه غواړي چې امریکا په سیمه کې فعال حضور او د رهبرۍ نقش ولوبوي، خو ایران د سیمې امنیت ته ستر ګواښ جوړوي.

د بلېنکن په خبره، د سیمې د هېوادونو په مرسته د اسراییل او فلسطین د کړکېچ حل کولی شي، چې په منځني ختیځ کې د ایران نیابتي ډلې او وسلوال منزوي کړي.

نوموړی دا خبرې پر داسې مهال کوي، چې د ایران د بهرنیو چارو وزیر امیر حسین عبداللهیان په داووس کې ویلي، چې د عراق او پاکستان امنیت د ایران امنیت دی او دوی په دواړو هېوادونو کې ترهګر په نښه کړي دي.