د نوي زیلنډ کرېکټ ملي لوبډلې نن پاکستان ته په شل اوره لوبلړۍ کې څلورمه پرلپسې ماته ور کړه. د پاکستان لوبډلې د پنځو لوبغاړو سوځېدو سره په شلو اورنو کې ۱۵۸ منډې جوړې کړې. په ځواب کې نوي زیلنډ د دری ویکټو په زیان په ۱۸.۱ اور کې دا هدف پوره او لوبه یې وګټله.
په نننۍ لوبه کې محمد رضوان د ۹۰ منډو جوړولو سره د پاکستان تر نورو لوبغاړو ښه وځلېد.
پاکستانۍ لوبډلې په توپ اچولو کې هم د نوي زیلنډ لومړني درې لوبغاړي تر شلو منډو جوړولو وسوځول، خو وروسته د کوربه لوبډلې لوبغاړو پښه ټینګه کړه او پاکستان ته یې ماته ور کړه.
نوی زیلنډ او پاکستان په اوسنۍ لوبلړۍ کې پنځه لوبې لري او د لومړنیو دریو سیالیو په ګټلو سره نوي زیلنډ دا لوبلړۍ په خپل نوم کړه.
