کرېکټ بورډ: د وزیر محمد اکبر خان دویمه درجه ولایتي سیالۍ پیلوو

د هند او افغانستان په لوبه کې پچه کوربه هېواد وګټله او افغان لوبډلې ته يې د توپوهنې بلنه ورکړه.

افغان کرېکټ لوبډلې په ۲۰ اورونو کې د ټولو لوبغاړو په سوځېدو هند ته ۱۷۲ منډې هدف وټاکه.

افغان لوبغاړي ګلبدين نایب په ۳۵ توپونو تر ټولو ډېري ۵۷ منډې جوړې کړې.

هند کرېکټ لوبډلې د ۴ لوبغاړو په سوځېدو په ۱۵.۴ اور کې دغه هدف پوره کړ.

هندي لوبغاړو يشاسوي جيسوال په ۳۴ توپونو ۶۸ او شيوام دوبی په ۳۲ توپونو ۶۳ ناسوځېدلې منډي وکړې.

افغان کرېکټ ملي لوبډلې دغه لوبه د ۶ ويکټو په توپير وبايلله.

بل لور ته بيا د ۱۹ کلنو کم عمره نړۍوالو ۵۰ اوريزو لوبو ته د تياري په موخه افغان ۱۹ کلنو ځوانانو له انګلستان څخه د ۶۷ منډو په توپير لوبه وګټله.

د افغانستان او انګلنډ تر منځ د دې تمريناتي سيالۍ پچه انګلنډ وګټله او افغانستان ته یې د توپوهني بلنه ورکړه.

د افغان ۱۹ کلنو کم عمره لوبډلې د خپلو ټولو لوبغاړو په سوځېدو انګلنډ کرېکټ لوبډلې ته ۲۳۸ منډې هدف وټاکه.

په افغان لوبډله کې نعمان شاه ۶۵، سهيل خان ۵۲ او خالد تڼيوال ۳۰ تر ټولو ډېرې منډې جوړي کړې.

انګلستان لوبډلې د ټولو لوبغاړو په سوځېدو ۱۷۱ منډې جوړې کړې.

افغان توپ اچوونکي محمد غضنفر تر نورو لوبغاړو بهترينه توپ اچونه وکړه او د سيالې لوبډلې پنځه لوبغاړي يې وسوځول.

بايد وويل شي، چې د افغانستان او هند تر منځ د درېيو شل اوريزو لوبو لړۍ درېيمه لوبه به د رواني جنوري میاشتي په ۱۷ مه نېټه وي.

د نيوزيلنډ او پاکستان ترمنځ دغه پنځه شل اوره لوبې د نيوزيلنډ په کوربتوب په ايډين کرېکټ لوبغالي کې جريان لري.

پاکستان کرېکټ لوبډلې د دوهمې لوبې پچه وګټله او توپ اچونه یې غوره کړه.

د نيوزيلنډ کرېکټ لوبډلې په شلو اورونو کې د ۸ لوبغاړو په سوځېدو ۱۹۴ منډې هدف وټاکه.

د نيوزيلنډ پيليز لوبغاړي ۲۴ کلن پاين الين په ۴۱ توپونو تر ټولو ډېري ۷۴ منډي جوړي کړې.

پاکستاني تېز توپ اچونکي حرث روف د نيوزيلنډ درې لوبغاړي وسوځول.

پاکستان د خپلو ټولو لوبغاړو په سوځېدو په ۱۹.۳ اور کې ۱۷۳ منډې جوړي کړې.

پاکستاني لوبغاړي بابر عظم په ۴۳ توپونو ۶۶ تر ټولو ډېرې منډې وکړې او فخرزمان بيا په ۲۵ توپونو ۵۰ منډې جوړې کړې.

د نيوزيلنډ لوبډلې ۳۱ کلن ادم ميلني د پاکستان څلور لوبغاړي وسوځول.

دا د پنځو شل اوريه سیالیو دوهمه لوبه ده، چې نيوزيلنډ يې له پاکستانه ګټي.

د دې سياليو درېيمه لوبه به د رواني جنوري مياشتي په ۱۷ نېټه د چهار شنبې په ورځ تر سره شي.

د افغانستان او هندوستان تر منځ د یادې شل اوریزې لوبلړۍ لومړۍ لوبه دوه ورځې وړاندې د هندوستان ملي لوبډلې له افغان لوبډلې څخه د شپږ ویکیټو په توپیر وګټله.

د افغانستان کرېکټ بورډ پر خپلو ټولنیزو پاڼو لیکلي دي، چې افغان ملي لوبډله د هندوستان انډور ښار ته رسیدلې او د نننۍ لوبې لپاره یې تمرینات پیل کړي دي.

د هندوستان او افغانستان ملي لوبډلو تر منځ د دریو شل اوریزو لوبو دغه لوبلړۍ د افغانستان د شل اوریزې کرېکټ لوبډلې د لوبډلمشر راشدخان په نه شتون کې ترسره کیږي.

هندي رسنیو ویلي چې د افغانستان او هندوستان تر منځ د شل اوریزو لوبو په لومړۍ لوبه کې د هندوستان د ملي لوبډلې غړی ویرات کهولي د شخصي بوختیاو له امله په لوبډله کې ګډون نه درلود، خو نوموړی چمتو دی چې په نننۍ لوبه کې د افغانستان په وړاندې د سیالۍ ډګر ته راشي.

هندي رسنیو ویلي چې، د یادې لوبلړۍ په لومړی سیالۍ کې د افغانستان په لوبډله کې د ورو توپ اچوونکو نه شتون د دې لامل شو چې هندۍ لوبډله پر افغان لوبډله برلاسې شي.

د لوبې پچه هند وګټله او د توپ اچونې پرېکړه وکړه.

افغان لوبډلې د ۵ وېکټو په سوځېدو سره د ۱۵۸ منډو هدف وټاکه.

د هند ملي لوبډلې د ۴ لوبغاړو په سوځېدو سره په ۱۷،۳ اورونو کې د ۱۵۸ هدف پوره او لوبه یې وګټله.

لوبه په موهالي کې ترسره شوه.

افغان لوبډلې کې تر ټولو ډېر منډې محمد نبي وکړې، چې ۴۲ منډې وې او مجیب دوه ویکټې واخیستې.

د لوبې غوره لوبغاړی شیوام ډوبي وټاکل شو. شیوام د افغان لوبډلې پر وړاندې ۶۰ منډې وکړې او یوه ویکټه یې واخیسته.

افغان لوبډله به د هند لوبډلې پر وړاندې خپله دویمه شل اوریزه لوبه د راتلونکې یکشنبې په ورځ د کابل پر وخت د ماښام ۶:۰۰ بجې د انډور په هولکر کرکټ لوبغالي کې پیل کړي.

ابراهیم ځدراڼ د چهارشنبې په ورځ (د جنورۍ ۱۰مه) هندي رسنیو سره په مرکه کې ویلي، چې له ملي لوبډلې د خلکو تمې ډېرې شوي. په هېواد کې یوازینی شی چې د افغانستان خلکو ته خوښي ورکوي هغه کرېکټ دی.

هغه زیاته کړه؛ په کور کې دننه له هند سره مخ کېدل به ستونزمن وي؛ خو دوی د شل اوریز نړۍوال جام څخه د مخه د خپل توپ وهنې ښه کولو په لټه کې دي.

ابراهیم ځدړان وایي: «د هند پر وړاندې په خپله خاوره کې لوبه کول ستونزمن کار دی، خو موږ د ګټلو لپاره راغلي یو، خپل مهارتونه به وښیو. موږ شل اوریز لوبو لپاره ډېر ښه لوبغاړي لرو او موږ په دې فارمټ کې ښه یو، زه ډاډه یم چې موږ به ښه لوبه وکړو.»

ځدراڼ زیاته کړې، موږ د نړۍ یو له غوره سپېنرانو څخه یوو، تېز توپ اچوونکي هم لرو خو زموږ موخه د توپ وهنې مهارتونو ته وده ورکول دي.

افغانستان د ای سي سي په شل اوریز نړۍوالو لوبو لېست کې لسم ځای لري.

افغانستان او کوربه هېواد هند به د پنجشنبې په ورځ (د جنورۍ په ۱۱مه) د خپلو درې شل اوریزو لوبو لومړۍ لوبه کې د موهالي په پي سي ای لوبغالي کې سره مخامخ شي. دویمه او درېیمه لوبه به اندور او بنګلور کې ترسره شي.

د افغانستان او هند تر منځ پنځه شل اوره نړۍوالې لوبې ترسره شوي، چې یوه یې هم افغانستان نه ده ګټلې. په پنځو لوبو کې ۴ هند ګټلي او یوه بې پایلې پای ته رسیدلې.