افغان اعتراض کوونکو ښځو د دوحې د غونډې له ګډونوالو وغوښتل چې له طالبانو سره تعامل ونه کړي

خالد ځدران وايي، د کابل ـ ننګرهار پر لویه لار سروبي کې د ترافیکي پېښو له امله په مړو کسانو کې دوه ماشومان او ۴ ښځې هم دي.

د ځدران په خبره، ژغورنډلې پر وخت سېمې ته رسېدلې او ټپیان یې روغتيايي مرکزونو ته انتقال کړي دي.

نوموړي په خپل اېکس کې د ټپیانو روغتیايی حالت ډاډمن بللی دی.

پر همدې مهال نن د پروان ولایت مرکز چاريکار کې د طالبانو د رنجر او دوو نورو موټرو د ټکر له کبله ۵ کسان ټپیان شوي دي.

د پروان ولایت لپاره د طالبانو د مطبوعاتي دفتر د معلوماتو له مخې، درې کسان د رنجر موټر سپرلي او دوه د نورو موټرو چلوونکي وو.

غزني کې هم د طالبانو د امنيه قومندانۍ مطبوعاتي دفتر بيا نن په يوه خبرپاڼه کې ويلي، چې د دې ولایت په اب بند ولسوالۍ کې د يوه موټر د چپه کېدو له کبله يو کس مړ شوی او څلور نور زخمیان شوي دي.

د ننګرهار لپاره د طالبانو د امنيه قومندانۍ ویاند بصير زابلي هم نن په دې ولایت کې د دوو موترو د ټکر له کبله د پنځو کسانو د ټپي کېدو خبر ورکړی.

طالب مسولينو د ټولو ترافيکي پېښو لامل د موټر چلوونکو بې احتیاطي بللې ده.

خو پر دې سربېره د سړکونو تنګوالی او بې معیاریتوب هم د ورته پېښو بل لوی لامل دی.

طالبان وايي، د روان لمریز کال په لومړیو شپږو میاشتو کې په افغانستان کې ۲۲۸۸ ترافیکي پېښې شوې چې له امله یې ۱۰۲۹ کسان مړه او نږدې ۴ زره ټپیان شوي.

د طالبانو په خبره، د دې پېښو په تړاو یې ۸۲۱ کسان نيولي او ۱۴۰نور د پوليسو تر څار لاندې دي.

د طالبانو د بهرنیو چارو وزارت د خبرپاڼې له مخې، په دې ناسته کې به د افغانستان او د سیمې د هېوادونو ترمنځ د سیمه ییزو همکاریو پر پراختیا خبرې وشي.

دا هم ویل شوي چې طالبان غواړي په دې ناسته کې "د ګډو ګټو، متقابل درناوي او همداراز د سیمه ییزو اړیکو او ترانزیت پر فرصتونو د سیمه ییز تعامل پر لارو چارو خبرې وشي".

تر دې مخکې ایراني او روسي ډیپلوماټانو په کابل کې د دغې غونډې د جوړېدو یادونه کړې وه.

په کابل کې د طالبانو له غونډې وروسته، ټاکل شوې د ملګرو ملتونو د سرمنشي په کوربه توب د یکشنبې او دوشنبې په ورځو (د لیندۍ ۲۹ او ۳۰) په دوحه کې غونډه جوړه شي.
​

په دې وروستیو کې د فلسطیني کډوالو د ملاتړ دفتر خپل ۱۲ کارکوونکي وروسته له هغه له دندو ګوښه کړل، چې ویل کېږي د اسراییل پرضد د اکتوبر د ۷ مې د حماس د بريد په طرحه کې يې لاس درلود.

وړاندې تر دې د انتونيو ګوترش ویاند اعلان وکړ، چې ښاغلي کوترش د فلسطيني کډوالو لپاره د ملګرو ملتونو د مرستندويه او کاري ادارې «انروا» د مشر فیلیپ لازاريني د راپور له اورېدو وروسته «وېرېدلی» دی.

په ورته وخت کې اعلان شوی، چې د ملګرو ملتونو اړوند دغه دفتر د اسراییلي سرچینو د معلوماتو له ترلاسه کولو وروسته دغه کارکوونکي له دندو ګوښه کړي دي.

له دغو تورونو وروسته د امريکا، استراليا، کاناډا او ايټاليا په ګډون يو شمېر هېوادونو د ملګرو ملتونو مرستندويه ادارو ته د فلسطيني کډوالو د لېږلو لپاره خپلې مالي مرستې بندې کړې.

انتونیو ګوترش له هېوادونو وغوښتل، چې د فلسطیني کډوالو لپاره د ملګرو ملتونو د مرستې او کار ادارې «انروا» ملاتړ ته دوام ورکړي.

د ملګرو ملتونو سرمنشي په يوه بيان کې ټینګار وکړ، چې د انروا لسګونه زره نارينه او ښځينه کارکونکي، چې د بشري مرستو لپاره په خطرناکو شرایطو کې کار کوي باید مجازات نه شي.

فاریاب له هغو ولایتونو څخه دی، چې له ایران څخه تر ټولو ډېر اېستل شوي ماشومان لري.
د دغه وزارت په خبره؛ د روان لمریز کال له پيل راهیسې سلګونه دا ډول ماشومان د کار او ټولنیزو چارو ریاست له خوا کورنیو ته یې سپارل شوي دي.
پر ځوانانو سربېره له اتلسو کلونو کم عمره ماشومان ډېری وخت د افغانستان له کلیوالي سیمو د ناوړه اقتصادي وضعیت او د کار کولو په موخه په ناقانونه توګه د ایران په څېر هېوادونو ته ځي.

خو په وروستیو میاشتو کې له ایران او پاکستان څخه په جبري او ډله ییزه توګه د افغان کډوالو د اېستلو په بهیر کې سلګونه ماشومان له خپلو کورنیو څخه جلا شوي وو، چې د یو شمېر ادارو له خوا ډېری ماشومان بیا ځلې له خپلو کورنیو سره یو ځای شوي دي.

د یادولو ده، چې یو شمېر ځوانان او له اتلسو کلونو کم عمره ماشومان نه یوازې دا چې ګاونډیو هېوادونو ته مهاجرت کوي؛ بلکې یو شمېر غربي هېوادونو ته هم په قاچاقي لارو سفرونه کوي.

د منبع الجهاد په نوم د دې مدرسې ۴۴۴۲ تنو ته د فارغت لپاره نن یوه لویه غونډه جوړه شوې وه، چې له کابل هم د طالبانو ځینې چارواکي ورغلي وو.

دې غونډې ته په خپله وینا کې محمد خالد حنیفي وویل، تر پایه به هڅه وکړي چې شریعت پلی کړي.

هغه زیاته کړه: «که د دوښمن دا برداشت وي چې په تبلیغاتو متاثره کیږو، موږ نه متاثره کېږو، د خپل اسلامي نظام له یو رکن څخه هم نه تېریږو.»

د طالبانو د امربالمعروف وزیر په داسې حال دا څرګندونې کوي چې په وروستیو کې دغه وزارت د پلازمینې کابل په کډون یو شمیر ولایتونو د بې حجابۍ په پلمه ښځې نیولې او زنداني کړې دي.

د طالبانو دغو چارو پر افغان فعالانو سربېره د یوناما او نورو بشري ادارو غبرګون هم را پورته کړی دی او له دې ډلې یې د ورته چلن د درېدو غوښتنه کړې ده.