د طالبانو د ماليې وزارت مرستیال: د پانګوالو د ستونزو حل کول زمونږ لومړیتوب دی

د طالبانو تر کنټرول لاندې باختر خبري اژانس د عثماني له قوله ویلي، چې د افغانستان ګروندګر لا زیاتو مرستو او ملاتړ ته اړتیا لري او د دې لپاره چې پر پښو ودریږي لاسنیوی یې وشي.

عثماني ادعا کړې، چې د طالبانو له خوا د نشه یي توکو کرل بند شوي او دا چې خلکو د حلالو محصولاتو کرلو ته مخه کړې ده.

هغه زیاته کړې:“نو اړتیا ده چې دې د دې هېواد له بزګرو سره مرستې وشي چې له بېوزلۍ او ستونزو خلاص شي."

خلیل ابراهیم له افغان بزګرو او مالدارانو سره د بشري مرستو د دوام او زیاتوالي خبر ورکړی.

د طالبانو د بهرنيو چارو وزات نن دوشنبه د اميرخان متقي او د ملګرو ملتونو ځانګړي همغږي کوونکي فريدون سينيرلي اوغلو د ليدنې خبر ورکړی.

د خبرپاڼې د معلوماتو له مخې؛ په ليدنه کې اوغلو د دوحې په ناسته کې د طالبانو د لوړې کچې د ګډون غوښتنه کړې.

په خبرپاڼه کې د اوغلو له قوله ليکل شوي: «د دوحې په ناسته کې د بهرنيو چارو وزارت ته بلنه ورکول شوې، اوس د دوحيې د ناستې ګډونوال د امارت د ګډون په اړه اجماع کوي. هیله ده، چې د دوحې په ناسته کې د امارت پلاوی په لوړه کچه ګډون وکړي.»

د اوغلو سره په دې لېدنه کې د طالبانو د بهرنيو چارو وزارت ويلي، چې د دوحې د ناستې د اجنډا او معلوماتو د تر لاسه کولو وروسته به د ګډون او نه ګډون پرېکړه وکړي.

متقي زياته کړې: «د دوحې ناسته يو ښه فرصت دی، د غونډې د جوړښت، اجنډا او ترکيب په تړاو له مفصلو معلوماتو وروسته به امارت د ګډون په اړه پرېکړه کړی.»

متقي په دې لېدنه کې ويلي، چې طالبان د ملګرو ملتونو له سازمان سره تعامل ته لېواله دي.

اميرخان متقي د ملګرو ملتونو همغږي کوونکي د خپلواکې ارزونې د مثبتو ټکو هر کلی کړی او ويلي دي، چې د افغانستان په اوسني وضعت کې د يوناما په شتون کې د بل ځانګړي استازي ګمارلو ته اړتيا نه شته.

د ملګرو ملتونو همغږي کوونکي د دوحې ناسته له افغانستان سره د دوامداره پروسې له لارې د نړۍوالې ټولنې سره د تعامل او په سياسي برخه کې د پرمختګ په معنا بللې ده.

اوغلو هيله څرګنده کړې، چې نړۍوال بانک به په نږدې راتلونکي کې د افغانستان په اړه مثبته پرېکړه وکړي.

په ورته وخت کې د طالبانو د دفاع وزارت مرستيال ملا فاضل اخوند هلته د يوه مړي د ښخېدو لپاره هم اجازه نه ده ورکړې.

له سېمې څخه افغانستان انټرنشنل پښتو ته په رسېدلې ويډيو او تصویرونو کې معلوميږي، چې څو طالب وسله وال د هغو کسانو مخه نيسې، چې غواړي هلته مړی دفن کړي.

دغه وسله وال په همدې سېمه کې د طالبانو د دفاع وزارت د مرستيال ملافاضل اخوند ملګري دي، چې هلته د مدرسې او د ملا فاضل اړوند د نورو رغنيزو چارو امنيت ور تر غاړې دی.

په ويډيو کې د مړي د کورنۍ او د ملافاضل د وسله والو ساتونکو ترمنځ جنجال دی او د مړي ښخولو لپاره ترې امر غواړي.

د سيمې يو اوسېدونکی دغه وسله والو ته وايي: « دا ۴۰۰ کال کيږي چې زموږ هديره ده، تا ته موږ د کومه ځایه د مړي پټولو لپاره امر راوړو، مسلمان د مسلمان هديره نه بندوي، تاسو د الله د نافرمانۍ لپاره د مخلوق فرمان منئ.»

دغه هديره د کاکړانو د قوم اړوند ده، په داسې حال کې چې ملافاضل اخوند هم په قوم کاکړ دی.

د زاړه ښار منډیګک کلا ته څېرمه د دې هديرې سره نژدې ملا فاضل اخوند پر يوه دولتې ځمکه په غيرې قانوني ډول مدرسه او تر ۵۰ زيات دوکانونه هم جوړ کړي دي.

د سرچينو د معلوماتو له مخې؛ په مدرسه کې د زون په کچه تر ۸ سوه زيات طالبان دیني زده کړه کوي.

يوه مياشت مخکې د طالبانو د کندهار ښاروالۍ د دې ډلې د مشر هبت الله اخوندزاده په امر د ملافاضل د دوکانونو جوړولو چاري ودرولې.

د طالبانو دغه جنګي او ځواکمن قوماندان ته نږدې سرچينې وايي، چې د دوکانونو د جوړېدو د مخنيوي او د غصب ځمکې اړوند موضوعاتو باندي هغه له خپلو مشرانو خفه شوی او دامهال په هلمند کې دی.

نوموړی نه خپلې دندې او نه هم کندهار ته تللی.

د طالبانو په واکمنېدو پسې ملا فاضل چې منډیګک ته څېرمه لویه برخه غصب کړه، هغه مهال د اطلاعاتو او کلتور رياست ويليو، چې د تاريخي کلا ځینې برخې غصب شوې او یوه برخه یې په مدرسه ګډه شوې ده.

د طالبانو د غصب شويو ځمکو د خلاصون کمېسیون تر اوسه د دې تاريخې ځمکې او هديرې د خلاصون او د دغو دوکانونو د نړېدو اړوند کوم اقدام نه دی کړی.

اوچا د دوشنبې په ورځ (سلواغې ۱۶مه) په اېکس ټولنیزه شبکه کې په خپله رسمي پاڼه کې له افغانستان سره د جرمني د دې اضافي مرستو مننه وکړه.

جرمني تېر کال په افغانستان کې د بشري مرستو د رسولو لپاره پنځه میلیونه یورو مرسته کړې وه.

د اوچا د راپور له مخې؛ په افغانستان کې د بشري مرستو د صندوق له جوړېدو راهیسې دغه هېواد له دې صندوق سره څه باندې ۲۱۰ میلیونه یورو مرسته کړې ده.
​

دغه وزارت د دوشنبې په ورځ د (سلواغي ۱۶مه) په اېکس پاڼه لیکلي چې، تېره ورځ ۲۳۲ افغان کډوال په جبري ډول د سپین بولدک او تورخم له لارو هېواد ته راستانه شوي.

یاد وزارت وايي په یادو جبري راستانه شویو کډوالو کې ۲۰ کورنۍ چې شمېر یې ۱۰۳ تنه کیږي د سپین بولدک له لارې او ۲۴ کورنۍ چې شمېر یې ۱۲۹ تنه کیږي د تورخم له لارې هیواد ته راستنې شوې دي.

همدارنګه د کډوالو چارو وزارت ویلي چې د یک شنبې په ورځ ۸۳۸ تنه کډوال له ایرانه په خپله خوښه او جبري ډول د هرات د اسلام کلا له لارې راستانه کړل شوي.

له ایرانه په راستنو شویو کډوالو کې ۳۸ تنه بې سرپرسته ماشومان دي چې د کډوالو چارو وزارت له لوري په هرات کې د وار چایلډ موسسې ته سپارل شوي.

د کډوالو چارو وزارت ویلي چې، له پاکستان او ایرانه په جبري ډول راستانه شوي کډوال یې د کډوالۍ نړیوال سازمان ته د مرستو ترلاسه کولو په موخه ورپيژندلي دي.

دا په داسې حال کې ده چې د پاکستان حکومت له خوا د ۲۰۲۳ کال د اکتوبر لومړیو کې کډوالو ته د وتلو په خبرداري پسې تر اوسه پورې له دغه هېواد څلور لکه او ۸۱ زره ۲۵۶ افغانان د اوسېدو اسنادو نه لرلو په پلمه له دغه هېواده ایستل شوي دي.