د پاکستان پوځ په دغه هیواد کې له انتخاباتو وروسته د سیاسي ګډوډۍ په اړه خبرداری ور کړ

په دغه راپور کې ویل شوي، چې د دواړو ګوندونو مشرانو د پنجاب د سرپرست اعلی وزیر محسن تقوي په کور کې شاوخوا ۴۵ دقیقې خبرې وکړې او د پاکستان لپاره یې په ګډه د کار کولو هوکړه وکړه.

جیونیوز د خپلو سرچینو په حواله لیکلي، چې شهباز شریف د پاکستان د پیپلز ګوند له مشرانو غوښتي، چې په پاکستان کې د سیاسي او اقتصادي ثبات لپاره له مسلم لیګ نواز ګوند سره خبرې وکړې.

سرچينې زياته کړې، چې د دواړو ګوندونو مشرانو د ايتلافي حکومت پر جوړېدو هوکړه او پرېکړه يې وکړه، چې په راتلونکو ناستو کې به پر دې خبرې کوي، چې واک څه ډول وېشل کېږي او څوک به په کومو ساحو او برخو کې کار کوي.

دوی د پاکستان له نورو ګوندونو هم وغوښتل، چې د خپل هېواد د ژغورلو لپاره د ایتلافي حکومت پر جوړولو موافقه وکړي.

په داسې حال کې، چې تر اوسه وروستۍ پایلې نه دي اعلان شوې او د ۹۰ سلنه پایلو له مخې خپلواک نوماندان مخکښ دي، د مسلم لیګ ګوند مشر نواز شریف پرون د خپلو پلویانو په منځ کې راڅرګند شو او خپله بریا یې اعلان کړه.

دا په داسي حال کې ده، چې د تحریک انصاف ګوند مشر او زنداني شوی پخواني لومړي وزير عمران خان هم ادعا کړې، چې د ده د ګوند ملاتړي نوماندانان د پاکستان په ملي اسمبلۍ کې دوه پر درېیمه څوکۍ ګټلې دي.

د پاکستان د ملي ټاکنو وروستۍ پایلې لا نه دي اعلان شوې.

د ټاکنو کمېسون د پایلو له مخې، د عمران خان ګوند او ازادو کاندیدانو یې ۹۱، د نواز شریف ډلې ۷۲ او پیپلز ګوند ۵۲ څوکۍ ګټلې دي.

ګوهر علي خان د شنبې په ورځ د پاکستان پر ټولو ادارو غږ وکړ چې د دغه ګوند منشر ته درناوی وکړي.

هغه ګواښ وکړ چې که د شنبې ورځې تر ماښام د ټاکنو پایلې اعلان نه شي، دوی به د یکشنبې په ورځ مظاهرې وکړي.

هممهاله د نواز شریف په مشرۍ مسلم لیګ نواز ډلې هم ټاکنو کې د بریالیتوب ادعا کړې ده.

د جیو نیوز د راپور له مخې، دا ډله له پیپلز ګوند سره د ګډ حکومت جوړولو هڅه کوي.

خو د ټاکنو پایلې ښيي چې د بندي عمران خان د ګوند خپلواکو نوماندانو ډېرې څوکۍ ګټلې دي.

علي وزیر خپل اېکس کې لیکلي: «د میران شاه شمالي وزیرستان پولیسو او ملېشه له خوا پر محسن داوړ او ملګرو یې مخامخ ډزې خورا بزدلانه او شرمناکه پېښه ده. محسن داوړ ټپي شوی. ریاستي فاشېزم اوج ته رسېدلی دی.»

لا هم ځايي چارواکو په دې تړاو څه نه دي ویلي، خو راپورونه وايي، کله چې محسن داوړ او ځینې نورو سیاستوالو د ټاکنو د پایلو د ځنډېدو له امله د رایې شمېرنې مرکز مخ ته مظاهره کوله، د مرکز ساتونکو دروازې وتړلې او ډزې وشوې.

د نوموړي تر ټپي کېدو څو ګړۍ وروسته د پاکستان د ټاکنو کمېسون وویل، چې د ملي ډیموکراټیک غورځنګ مشر او له شمالي وزیرستان پارلمان تو نوماند محسن داوړ د قامي اسمبلۍ څوکۍ وبایلله.

محسن داوړ پرون ویل چې ټاکنو کې تر نورو نوماندانو مخکې دی، خو د رایې شمېرنې مرکز کې نتایجو د بدلولوهڅه کېږي.

محسن داوړ تېر پارلمان کې د بهرنیو اړیکو د کمېټې مشر و.

نوموړي نن هم خپل اېکس کې لیکلي و چې د اېن اې ۴۰ حوزې اړوند د ځینې رایې مرکزونو کارمنان نه پوهېږي او خدای پوهېږي چې دوی به څه نتیجه را باسي.

هغه دا هم لیکلي و چې په پي کې ۱۰۴ حوزه کې درغلۍ بریالۍ شوې او یو اقبال وزیر چې له ټولو یې کمې رایې ګټلې وې په ۲۴ زره رایو سره ګټونکی شو.

محسن دوړ ورته تور پرون هم لګولی و او نن یې د خپلې حوزې د پایلو د ځنډېدو پرضد احتجاج کاوه، چې د پوځي مرکز مخ ته ډزې پرې وشوې.

ویل کېږي په دې برید کې د نوموړي څلور ملګري هم ټپیان شوي او روغتون ته لېږدول شوي دي.

تر اوسه د برید مسوولیت کومې ډلې نه دی منلی.

محسن داوړ تېر پارلمان کې د بهرنیو اړیکو د کمېټې مشر و.

سرچينې وایي، چې د محسن داوړ د ميرانشاه روغتون ته رسول شوى دى.

پاکستانۍ رسنۍ جیونیوز راپور ورکړی، چې د ښاغلي داوړ روغتیایي وضعیت ښه دی؛ خو ځینې سرچینې بیا د هغه روغتیایي حالت د اندېښنې وړ ګڼي.

له بلې خوا په دغو ډزو کې د محسن داوړ اته پلویان هم ژوبل شوي دي.

د عیني شاهدانو په خبره، د پېښې ټول ټپیان د میرانشاه روغتون ته لېږدول شوي دي.