د افغانستان د ښځو، نجونو او بشري حقونو لپاره د امریکا ځانګړې استازې رینا امیري ویلي، چې د طالبانو د تحمیلي حجاب د فرمان مخالف کسان په دې اړه د خبرو کولو له امله له لویو ګواښونو سره مخامخېږي.
هغې په اېکس پاڼه لیکلي:« په سلګونه ښځې او نجونې نیول شوې، ځورول شوې او جریمه شوې دي او ډېریو یې د بدنامۍ له ویرې د ځان وژنې هڅه هم کړې ده.»
هغه زباتوي، د افغان ښځو او نجونو پر وړاندې د زور او د دغه شان ناوړه چلند د پای ته رسولو لپاره باید طالبان حساب ورکړي.
د هغې په وینا، دغه ډول کړنې د افغانستان په خلکو کې ځان بسیاینه، ټیکاو او هیلې له منځه وړي.
په دې وروستیو کې د طالبانو لهخوا د «بې حجابۍ» په تور د افغان ښځو او نجونو نیونو اندېښنې راولاړې کړې دي.
ډېرې ښځې اوسمهال د نیونې له وېرې په کور کې پاتې کېدل غوره ګڼي او ډېرو کورنیو هم خپلې مېرمنې له باندې تګه منعه کړې دي.