د افغانستان او سریلانکا تر منځ د دویمې یو ورځنۍ لوبې پچه سریلانکا وګټله او توپ وهنه کوي

په ورته وخت کې د افغانستان کرېکټ بورډ د همدې يو ورځينو لوبو لپاره د حشمت الله شهيدي په لوبډلمشرۍ د افغان لوبغاړو ۱۵ کسېزه نوملړ هم اعلان کړ، چې د دې نومونو ترڅنګ ۴ احتياطي لوبغاړي پکې شته.

د افغانستان کرېکټ بورډ غوراوي کمېټې دغه لوبغاړي ټاکلي دي.

«حشمت الله شهیدي "لوبډلمشر"، رحمن الله ګربز "ویکټ ساتونکی"، ابراهیم ځدراڼ، رحمت شاه، عظمت الله عمرزی، اکرام علي خېل، محمد نبي، ګلبدین نایب، نور احمد، مجیب الرحمن، فضل حق فاروقي، نوید ځدراڼ، فرید ملک، ریاض حسن او قیس احمد شامل دي.»

کرېکټ بورډ په احتياطي لوبغاړو کې « شرف الدین اشرف، شاهد کمال، عبدالرحمن او بلال سمیع» ټاکلي دي.

د افغانستان کرېکټ بورډ اجراييوي مشر نصيب خان ۲۰۲۴ د افغان کرېکټ لوبډلې لپاره بوخت کال بللی دی.

هغه زياتوي: « زموږ موخه ملي لوبډلې ته د ډېرو سیالیو تنظیمول دي، سږ کال د ټېسټ لوبو ترڅنګ د نړۍوالو یو ورځنیو او شل اوریزو سیالیو له اړخه هم بوخت کال لرو.»

د افغانستان او سريلانکا ترمنځ درې يو ورځینۍ سيالي د رواني فېبرورۍ مياشتي پر ۹ نېټه د جمعې ورځ پيليږي.

د سیاليو دویمه لوبه به د فېبروري په ۱۱ او درېیمه لوبه په ۱۳ مه نېټه تر سره شي.

د افغانستان کرېکټ بورډ د غوراوي کمېټې د یک شنبې په ماښام د (سلواغې ۱۵مه) د سریلانکا په وړاندې د درېیو نړیوالو یو ورځنیو سیالیو لپاره پنځلس کسیز نوملړ اعلان کړ، په دغه نوملړ کې څلور احتیاطي لوبغاړي هم اخیستل شوي.

د افغانستان کرېکټ بورډ ویلي چې، له سریلانکا سره د پنځوس اوریزو سیالیو لومړۍ لوبه د روانې فبرورۍ میاشتې په نهمه نېټه د کېنډي په پالیکلي کرېکټ لوبغالي کې تر سره شي.

په دغه پنځلس کسیز نوملړ کې حشمت الله شهیدي (لوبډلمشر)، ابراهیم ځدراڼ او رحمان الله ګربز (ویکټ ساتونکی)، رحمت شاه، عظمت الله عمرزی، اکرام عليخېل، محمد نبي، ګلبدین نایب، نوراحمد، مجیب الرحمن، فضل حق فاروقي، نوید ځدراڼ، فرید ملک، ریاض حسن او قیس احمد شامل دي. او د دوی تر څنګشرف الدین اشرف، شاهد کمال، عبدالرحمن او بلال سمیع هم د یاد نوملړ په احتیاطي لوبغاړو کې ځای پر ځای شوي دي.

د افغانستان کرېکټ بورډ اجراییوي مشر نصیب خان د یاد نوملړ په اړه وايي: «زموږ موخه ملي لوبډلو ته د ډېرو سیالیو تنظیمول دي، سږ کال د ټېسټ لوبو ترڅنګ د نړیوالو یو ورځنیو او شل اوریزو سیالیو له اړخه هم بوخت کال لرو، د کرېکټ اسیایي شورا په ناسته کې مو هم د شورا له غړو هېوادونو سره په نورو موضوع ګانو سربېره د لا ډېرو دوه اړخیزو سیالیو پر برابرولو خبرې اترې وکړې.»

یادې درې نړیوالې یو ورځنۍ لوبې به د روانې فبروري میاشتې په نهمه،۱۱مه او ۱۳مه نېټه ترسره شي چې ورپسې به د همدې میاشتې په ۱۷مه، ۱۹ او ۲۱مه نېټه هم درې شل اوریزې نړیوالې لوبې ترسره شي.

د هندوستان د ټېنس ټیم د دغو بریاو په تر لاسه کولو سره په لومړي ګروپ کې د ټېنس نړۍوالو لوبو ته لاره پېدا کړه.

په دغه لوبو کې د هندوستان د ټیم لوبغاړو یاکو بامبري او ساکت مینني د پاکستان د ټیم لوبغاړي مزمل مرتضی او عاقل خان مات کړل او وروستۍ لوبه یې د خپل ټیم په ګټه پای ته ورسوله.

د هندي رسنیو د رپوټونو له مخې؛ د هند او پاکستان تر منځ د سپورټ سیالۍ د امنیتي شرایطو په پام کې نیولو سره، او د ټېنس نړۍوال فدراسیون د لارښوونو له مخې په اسلام اباد کې ورزشي کمپلیکس ته یوازې ۵۰۰ نندارچیانو پرېښودل شوي وو.

افغان لوبډله به د سريلانکا په وړاندي سبا په څلورمه ورځ لومړی د سريلانکا هدف پوره کوي او بیا به سيالي لوبډلې ته نوی هدف ټاکي.

ابراهيم ځدران د نن په لوبه کې سليزی پوره کړه او سبا به لا هم خپلې لوبې ته دوام ورکړي.

د افغان لوبډلې په توپ اچونه کې نويد ځدران، چې دا يې د افغانستان لپاره لومړنۍ ټېسټ لوبه وه د سريلانکا ۴ لوبغاړي وسوځول.

د افغانستان او سریلانکا ترمنځ د کرېکټ ټېسټ لوبه د سریلانکا په کوربه‌ توب د دغه هېواد په کولمبو ښار کې شروع دي.

د افغانستان او سریلانکا د کرېکټ لوبدلو ترمنځ یواځنۍ ټیسټ سیالۍ درې ورځې وړاندې پیل شوه، د سیالۍ لومړۍ ورځ د افغان لوبډلې لپاره ښه نه وه او ټوله لوبډله د ۱۹۸ منډو په جوړولو سره وسوځېده.

د افغانستان کرېکټ بورډ وايي، د یک شنبې په ورځ د (سلواغي ۱۵مه) د سریلانکا لوبډلې د افغانستان د ۱۹۸ منډو په ځواب د سیالۍ د دریمې ورځې په پیل کې د ۴۳۹ منډو په جوړېدو ټول لوبغاړي وسوځیدل.

د افغانستان له لوري چټک توپ اچونکي نوید ځدراڼ څلور، قیس احمد او نجات مسعود دوه دوه لوبغاړي وسوځول.

دمګړۍ افغان لوبډله ۲۴۱ منډې له سریلانکا لوبډلې څخه پوروړې ده. افغان لوبډله به د نن ورځې تر پایه لومړی د سریلانکا لوبډلې د ۲۴۱ منډو قرض پوره کوي او له هغې وروسته اضافه منډې به د سریلانکا لپاره هدف ټاکل کیږي.

له دغې ټیسټ سیالۍ وروسته به د سریلانکا په کوربه توب افغان لوبډله له سریلانکا سره درې نړیوالې یو ورځنۍ او درې شل اوریزې سیالۍ هم ترسره کوي.