د زابل د طالبانو د امنیه قوماندانۍ مرستيال وایي، چې د دې ولایت په سيوري ولسوالۍ کې يې له څلورو کسانو سره ۳ زره کیلو ګرامه چرس نيولي. طالبان وايي، چې د نشه يي توکو له کښت، پلور، قاچاق او استعمال د مخنيو سره یې مبارزه جدي ده.
د افغانستان سوېلي ولایت زابل د طالبانو د امنیه قوماندانۍ مطبوعاتي دفتر د چهارشنبې په ورځ په يوې خبرپانه کې د دوی د مرستیال نجم الهدا محمود له قوله ليکلي: «دغه چرس يې د سيوري ولسوالۍ د پيتلاخيلو په سیمه کې له ۴ کسانو سره نيولي، چې په يوه بای فور موټر کې ځای پر ځای شوي وو.»
د خبرپاڼې له مخې؛ نيول شوي کسان به له پښتنو وروسته د طالبانو قضايي ادارو ته وسپارل شي.
د زابل د طالبانو مرستیال قوماندان وايي؛ د خپل مشر هبت الله اخوندزاده د امر له مخې د نشه يي توکو مخه نيسي.
که څه هم د طالبانو مشر ډېر وخت مخکي د يوه فرمان له لارې د نشه یي توکو پر کر، پلور، قاچاق او استعمال بنديز لګولی؛ خو داسي ښکاري، چې په ډېرو سېمو کې طالب قوماندان او د هغوی پلویان دغه فرمان نه عملي کوي.
ځکه د افغانستان په سويلي ولايتونو کې لا هم د نشه يي توکو په خاص ډول کوکنارو د کښتونو کر لا هم دوام لري.
