د موبي ګروپ په اډانه کې د طلوعنیوز خبري شبکه چې په کابل کې د طالبانو تر واکمنۍ لاندې خپرونې کوي، د روسیې د بهرنیو چارو وزارت د ویاندې ماریا زاخارووا عکس یې سانسور کړ. طالبان چې د ۱۴۰۰ کال د زمري په میاشت کې چې کله په کابل واکمن شول، پر سیمهییزو رسنیو یې پراخ بندیزونه ولګول.
له هغې وروسته شاوخوا ۶۰۰ افغان خبریالانو په یوه سرخلاصي لیک کې د ملګرو ملتونو سرمنشي ته ولیکل، چې په افغانستان کې د طالبانو تر واکمنېدو وروسته د بیان پر ازادیو سخت بندیزونه لګېدلي؛ خو له هغه مهاله بیا تر اوسه د ملګرو ملتونو او نورو نړۍوالو سازمانونو لهخوا پر طالبانو فشارونه نه دي راوړل شوي.دغو خبریالانو په لیک کې دا رنګه لیکلي و، چې د بیان له ازادیو سرغړوونه، د رسنیو د خپلواکۍ سلبول او په افغانستان کې اطلاعاتو ته د خلکو د نه لاسرسي له امله باید په نړۍواله کچه دغه کړنه د «انساني تراژیدۍ» په توګه په رسمیت وپېژندل شي.د افغانستان د خبریالانو د ملاتړ سازمان وایي، چې د طالبانو تر واکمنېدو وروسته له نیمایي زیاتې رسنۍ په افغانستان کې تړل شوې او هغه رسنۍ چې لا هم خپرونې کوي، د طالبانو لهخوا تر سختو فشارونو لاندې دي.
