طالبان: لسګونه زره بې ځایه شوې کورنۍ خپلو اصلي سیمو ته د ستنېدو په تمه دي

د پاکستان رسنۍ ډان خبر ورکړی، چې دغه دوه وروڼه د جمعې په ماښام (د کب ۱۸مه) په یوه هدفي برید کې وژل شوي دي.

د پاکستان د پولیسو یوه چارواکي شفیق صدیقي رسنیو ته ویلي، چې د دغه برید قربانیان په سهراب ګوټ کې اوسېدل.

د دغه پاکستاني چارواکي په وینا دوو افغان وروڼو غوښتل د واده د مراسمو لپاره موټر کرایه کړي؛ چې د دوو موټرسایکل سپرو له خوا پرې برید وشو.

پولیسو رسنیو ته ویلي، چې ښايي دا برید د دې کسانو د لوټلو لپاره شوی وي.

د راپورونو له مخې د پېښې د قربانیانو جسدونه د معایناتو لپاره روغتون ته وړل شوي دي.

ډان ورځپاڼې د "عيني شاهدانو" له خولې ليکلي، چې ظاهرا بریدګر هم افغانان وو. پاکستاني پولیسو ویلي، چې په دې اړه یې پلټنې پیل کړې دي.

دغه ایراني چارواکي څرګنده نه کړه، هغه کسان چې دوی «ترهګر» بللي دي، له کومې ډلې سره تړاو لري.

د سې شنبې په ورځ دولتي خبري اژانس ایرنا دغه کسان د «مخدره توکو د قاچاقبرانو» په توگه یاد کړي وو.

د ایران د پولو ساتو ځواکونو قوماندان له څو ورځو وروسته د دغې پیښې په اړه نوي جزیات وړاندې کړل.

د سوېلي خراسان د پوله ساتونکو قوماندان څرګنده کړه: «يوې ترهګرې ډلې د سې شنبې په ورځ د کب ۱۵مه نيټه پلان درلود چې دغه هيواد ته ننوځي؛ خو د پوله ساتونکو له خوا له مقاومت سره مخامخ شول او وسلې، مهمات او د ترهګریز وسایل یې پاتې شول او دوی د افغانستان خاورې ته وتښتيدل.»

د ایران پوله ساتو ځواکونو په دغه نښته کې د ایران د پوله ساتو ځواکونو د یوې پوستې د قوماندان وژل کېدو پخلی کړی.

په ورته وخت کې، حسین دهکي داد له طالب چارواکو سره د ایران د پوله ساتو ځواکونو د ناستې خبر ورکړی دی.

هغه وویل چې د ایران د پوله ساتو ځواکونو او د طالبانو ترمنځ په لیدنه کې «ایران له خپل لوري سخت احتجاج واوراوه.»

د ایران پولو ساتونکو له طالبانو سره په لیدنه کې ټینګار کړی چې دغه ډله «مجبوره ده چې د ګډو پولو ساتنه او پالنه وکړي».

طالبانو تر اوسه په دې اړه څه نه دي ویلي.

یو شمېر كابل ښاريانو له افغانستان انټرنشنل - پښتو سره په خبرو کې ووېل، چې هر کال د روژې میاشتې له را رسېدو مخکې د خوراکي توکو بیې لوړیږي، سوداګر او هټېوال هڅه کوي، چې د روژې په مياشت كې ډېره ګټه وكړي.

فرحناز سروري افغانستان انټرنشنل پښتو څانګې ته وويل چې روژه لا پیل شوې نه ده په بازار کې د توکو بیې دومره لوړې شوې چې تصور یې نکیږي.

هغه وړاندې وايي که دا حالت همداسې دوام وکړي خلک به د لوږې له ګواښ سره مخ شي.
طالبان وايي، هڅه کوي چې د خوراکي توکو بیې مهار کړي.
د طالبانو د کابل ښاروالۍ مسوولانو، د سوداګرۍ، مالیې، عدلیې، کورنیو چارو وزارتونو، استخباراتو، د افغانستان بانک ریاستونو، د سوداګرۍ او پانګونې خونې او د بېلابېلو صنفي ټولنو استازو د بیو د کنټرول او له احتکار څخه د مخنیوي ګډ کمیسیون د نرخپاڼو د جوړولو په موخه غونډه وکړه.
په دې غونډه کې د کابل په بازارونو کې د خوراکي توکو د بیو د مهار، د خوراکي توکو د بیو د کمولو لپاره د تګلارې په جوړېدو او له ګاونډیو هېوادونو څخه د خوراکي توکو د واردولو د څرنګوالي په اړه بحث او خبرې اترې شوې.
د طالبانو تر واک لاندې باختر خبري اژانس د یادو مسوولانو په حواله لیکلي، اوسمهال چې پر خوراکي توکو لګېدلي بندیزونه لرې شوي او د بهرنیو اسعارو بیه راټيټه شوې، نو پلورونکي باید د افغانستان د خلکو اقتصادي شرایط په پام کې ونیسي.
د کابل ښار یو اوسیدونکی حشمت الله وایي، چې د ناوړه اقتصادي وضعیت او په بازارونو کې د خوراکي توکو د بیو د لوړوالي له امله تر اوسه پورې نه دی توانیدلی چې د روژې لپاره خوراکي توکي وپيري.
نوموړی وایي، که د طالبانو حکومت له خوا بیې کنټرول نه شي د سږکال روژه به د افغانانو لپاره ډېره سخته وي.
پر افغانستان د طالبانو له واکمنۍ وروسته د زرګونو هېوادوالو وزګارېدل، اقتصادي ځوړه، د بهرنیانو د مرستو کمېدل، د مالیو لوړېدل او نړۍ له ډېرو هېوادونو سره د افغانستان د راکړې ورکړې کمېدل هغه څه دي چې د افغانستان د خلکو ژوند یې له اقتصادي پلوه اغېزمن کړی دی.

هغه د طالبانو تر واک لاندې ملي ټلویزیون ته ویلي چې، د کډوالو په موضوع کې نرمښت، د سوداګرۍ وده او د دواړو هېوادونو ترمنځ د تګ راتګ اسانتیا برابره شي.

د طالبانو ویاند نن یکشنبه د (کب ۲۰مه) د دغې ډلې تر واک لاندې ملي ټلویزیون ته ویلي چې له پاکستانه د افغان کډوالو په زور ایستلو په موضوع دې له سره کتنه وشي او نوی حکومت دې په دغه برخه کې له نرمښت راولي.

تېره ورځ شنبه ‏د کب ۱۹مه د پاکستان حکومت له لوري۲۷ کورنۍ چې د غړو شمېر یې ۱۴۲ تنه کیږي په جبري ډول افغانستان ته په جبري توګه له پاکستانه ستانه کړي.

مجاهد زیاته کړې چې د دوی حکومت له پاکستان سره په سیاسي او اقتصادي برخه کې ښې اړیکې لري او غواړي دغو اړېکو ته همداسې دوام ورکړي.

په دې اړه لا د پاکستان له لوري رسمي دریځ نه دی څرګند شوی خو تر دې وړاندې د څه باندې دوو کلونو په اوږدو کې د پاکستان حکومت په کابل کې طالبان په دې تورن کړي وو چې د پاکستان په نا امنیو کې لاس لري او له افغانستانه د پاکستان امنیت ته ګواښونه پیښیږي.

د پاکستان حکومت دعوه لري چې له هغه ورځې چې طالبان په افغانستان کې واک ته رسیدلي، د پاکستاني طالبانو ډلې ته یې په افغانستان کې امن پټنځایونه ورکړي او هغوی له هغه ځایه په پاکستان کې بریدونه کوي او د دوی امن ګډوډوي.

د طالبانو کډوالو او راستنېدونکو چارو وزارت نن یکشنبه د (کب ۲۰مه) په ایکس پاڼه د ننګرهار ولایت د تورخم سرحدي امریت له قوله لیکلي چې ۲۷ کورنۍ چې د غړو شمیر یې ۱۴۲ تنه کیږي په جبري توګه هېواد ته راستنې شوې.

د وزارت د معلوماتو له مخې دغه شمېر کډوال وړمه ورځ د کب په ۱۹مه هیواد ته راستانه شوي.

د دغه وزارت په وینا، دغه کډوال تر ثبتېدو وروسته د مرستو ترلاسه کولو په موخه د ملګرو ملتونو عالي کمېشنرۍ او د کډوالۍ نړېوال سازمان ته ورپېژندل شوي دي.

تېره اوونۍ د پاکستان دولتي راډیو خبر ورکړی و چې؛ افغانستان ته د افغان کډوالو د پلان له پلي کېدو راهیسې پنځه لکه، درې زره او ۷۲۱ افغان کډوال په جبري ډول افغانستان ته ستانه کړل شوي.

د طالبانو کډوالو او بېرته ستنېدونکو چارو وزارت تېره ورځ شنبه ‏د ننګرهار د تورخم سرحدي امریت د معلوماتو له مخې خبر ورکړی و، چې ۴۷۱ تنه افغان کډوال د کب پر ۱۷مه په جبري توګه له پاکستانه ستانه کړل شوي.

که څه هم د پاکستان مخکني لومړي وزیر انوارالحق کاکړ ویلي و، چې د کډوالو پر وړاندې دغه پرېکړه سمه وه او راتلونکی حکومت باید دغه لړۍ روانه وساتي. خو د شهباز شریف په مشرۍ نوي راغلي حکومت لا په دې اړه څه نه دي ویلي چې د کډوالو په زور ایستلو لړۍ به روانه ساتي او که بدلون به پکې راولي.