د روسیې په کرسک ښار د اوکراین د توغندي په برید کې یوه ښځه وژل شوې ده
د اوکراین پولې ته څېرمه د روسیې د کرسک سیمې والي د یکشنبې په ورځ ویلي، چې په کولباکي کلي کې د اوکراین د توغندي برید په پایله کې یوه ښځه وژل شوې او مېړه یې سخت ټپي شوی دی.
د اوکراین پولې ته څېرمه د روسیې د کرسک سیمې والي د یکشنبې په ورځ ویلي، چې په کولباکي کلي کې د اوکراین د توغندي برید په پایله کې یوه ښځه وژل شوې او مېړه یې سخت ټپي شوی دی.
والي رومن سټاروویټ پر ټیلیګرام ویلي: "یوه د استوګنې ودانۍ کې اور لګیدلی او یوې سیمه ییزې ښځینه اوسیدونکې خپل ژوند له لاسه ورکړی دی او مېړه یې بیخي ډېر سوځیدلی دی"
په دغه کلي کې يو بل کور هم ويجاړ شوى دی.
تر اوسه اوکراین د دغې برید په اړه څه نه دي ویلي.
له اوکراین سره په پوله د روسیې په سیمو کې له دوو کلونو راهیسې چې روسیې د اوکراین پر ضد جګړه پیل کړې، پرله پسې چاودنې او بریدونه شوي دي.
روسي چارواکو د دې بریدونو پړه پر اوکرایني ځواکونه او یا هم اوکراین پلوه تخریب کوونکو ور اچولې ده.
