د پاکستان نوي حکومت د کورنیو، بهرنیو، دفاع، مالیې او یوشمېر نورو وزارتونو ته وزیران ونومول

په دغه توغندي کې د MIRV ټېکنالوژي کارول شوې، چې له مخې یې یو توغندی په هم مهاله توګه څو موخې په نښه کولای شي.

هندي ساینس پوهانو دغه ټېکنالوژي د هندوستان د Agni-V د توغندیو د لړۍ سره یو ځای کړی، چې له مخې په یو توغندي کې ځای پر ځای شوې بیلابیلې سرګولولې، کولای شي چې په یو وخت کې څو هدفونه په نښه کړي.

د هند په اټومي وسلو کې دې ته ورته ټېکنالوژي کارول شوې ده.

د هندوستان Agni-V توغندي د ۵۰۰۰ کیلومتره واټن د وهلو وړتیا لري او د نورو هېوادونو سره د لویو وچو د په نښه کولو لپاره د اوږد واټن ویشتونکو بالسټیک توغندیو په برخه کې رقابت کوي.‌

امریکا، برېتانیا، فرانسه، چین او روسیه د هغو هېوادونو څخه دي، چې د مخه یې په MIRV ټېکنالوژۍ سمبال توغندي کاروي دي، په داسې حال کې چې پاکستان په ۲۰۱۷ کال کې په لومړۍ ځل د دغې ټېکنالوژي ازموینه کړې ده.

د هند MIRV توغندی د دغه هېواد د پوځي څېړنو، د دفاعي څېړنو او پراختیا موسسې له خوا جوړ شوی دی.

غزت الله سعید د طالبانو تر کنټرول لاندې باختر خبري اژانس ته ویلي،‌ چې د ایراني سرحدي چارواکو سره یې د تهانه تپې سیاه ته نږدې د سړک جوړولو او په اسلام قلعه ګمرک کې د طالب جنګیالیو او د دوغارون ګمرک کې د ایراني ځواکونو ترمنځ پر لانجو یې خبرې کړې دي.

نوموړي ویلي،‌ چې دواړو لورو په دغه غوڼډه کې د سرحدي ستونزو د هواري په اړه موافقې ته رسیدلې؛ خو د موافقې د جزییاتو په اړه یې کوم معلومات نه دی ورکړی.

طالبان ګاونډیو هېوادونو ته اجازه نه ورکوي، چې د دوی له موافقې پرته په سرحدي سیمو ساختماني چارې ترسره کړي او دغه چاره تر ډېره د طالبانو او ګاوډیو هېوادونو د ځواکونو ترمنځ د نښتو لامل کیږي.

په دې وروستیو کې څو ځلې د طالبانو د جنګیالیو او ایراني ځواکونو ترمنځ نښتې رامنځ‌ ته شوي دي او ایراني چارواکو د طالبانو د نه مسلکي‌توب نه سر ټکولی دی.

تېره مياشت له ټاکنو وروسته هېڅ ګوند هم په دې نه و توانیدلی، چې په پارلمان کې اکثریت خپل کړي او له همدې امله د یو ایتلافي حکومت له جوړېدو وروسته شهباز شريف د دغه هيواد د اقتصادي او سياسي بحرانونو د پای ته رسولو په موخه د دویم ځل لپاره د لومړي وزیر په توگه وټاکل شو.

شریف په خپله نوې کابینه کې دحبیب بانک مشر محمد اورنګزیب شامل کړی او هغه ته یې د پاکستان په حساسو اقتصادي شرایطو کې د مالیې وزارت دنده ورکړې ده.

د حبیب بانک له خوا په خپره شوې اعلامیه کې راغلي: "اورنګزیب دحبیب بانک څخه استعفا کوي ترڅو د پاکستان لپاره د مالیې د فدرالي وزیر دنده په غاړه واخلي."

حکومت تر اوسه په رسمي ډول د هغه د ټاکل کېدو پخلی نه دی کړی.

د یو شمیر پخوانیو مشرانو له ډلې چې پخوا یې د پاکستان ۳۵۰ میلیارد ډالري اقتصاد مدیریت کړی، غوره شوی دی.‌ په دغه کسانو کې د اسحاق دار، هم شامل و، چې څلور وارې د پاکستان د مالیې وزیر پاتې شوی و.

100%

په ورته وخت کې پاکستان له ای ایم ایف څخه یو ځل بیا د پور د غوښتلو وړاندیز کړی، چې له دغه وړاندیز سره په کور دننه د عمران خان په ګډون ګڼو سیاستوالو نارضایتي ښودلې ده او د پور اخیستل یې د پاکستان په زیان بللي دي.

په داسې حال کې چې پاکستان له غښتلي اقتصادي ځوړ سره مخ دی، د مالیې وزیر په توګه د حبیب بانک د مشر ګومارنه د یو شمېر اقتصادي بنسټونو له نیوکو سره مخ شوې ده.

په پاکستان کې یو شمېر خصوصي بانکونو هم د نیوکې په دود د نوموړي ګومارنه په داسې حساسو شرایطو کې غوره ګومارنه نه ده بللې.

د پاکستان نوې ۱۹ کسیزې کابینې نن دوشنبه لوړه وکړه، چې له مخې یې اسحاق ډار د بهرنیو چارو د وزیر او خواجه اصف د دفاع د وزیرانو په توګه ګومارل شوي دي.

که د هغه مړینه تایید شي، مروان عیسا به د حماس تر ټولو لوړ پوړی چارواکی وي، چې د اسراییل له خوا په روانه پنځه میاشتنۍ جګړه کې وژل کیږي چې فلسطین یې له خاورو سره خاورې کړې او د زرګونه کسانو ژوند یې اخیستی.

د اسراییل د پوځ راډیو ویلي، چې اسراییلي ځواکونو د شنبې په شپه د غزې په مرکزي سیمه کې د النصیرات کمپ په داسې حال کې بمبار کړی، چې هلته یې د حماس د پوځي څانګې عزالدین القسام لېوا د مرستیال قوماندان عیسا د شتون په اړه استخباراتي معلومات ترلاسه کړي وو.

د راپورونو له مخې؛ په دغه برید کې پنځه تنه وژل شوي دي.

اسراييلي ورځپاڼې هارتز راپور ورکړى، چې اسراييل په دې لټه کې دی، چې دا ومومي چې په وژل شویو کې عیسا هم شامل دی او که نه.

نه د اسراییل پوځ او نه هم د حماس چارواکو تر اوسه په دې اړه څه ویلي دي.

د عیسا مړینه که تایید شي، د اوربند او د یرغمل شویو کسانو خوشې کېدو هڅې به لا پسې پیچلې کړي.

که څه هم اسراییل وايي، چې د مصر او قطر د منځګړیتوب له لارې د اوربند خبرې روانې دي.

د اسراییل استخباراتو موساد د اونۍ په پای کې ویلي وو، چې دواړه خواوې د اوربند په اړه یوې موافقې ته د رسېدو په لټه کې دي.

د رویټرز خبري اژانس د راپور له مخې، د روسیې د دفاع وزارت په یوه بیان کې اعلان وکړ، چې د جنګي بېړیو سربېره به پوځي الوتکې هم په دغه تمرین کې چې د (سمندري امنیتي کمربند) په نوم برخه اخلي.

وزارت ویلي، چې د دې تمرین د ترسره کولو هدف "د سمندري اقتصادي فعالیتونو امنیت ارزونه" ده او زیاته یې کړه، چې د دې عملي برخه به د عمان خلیج په اوبو کې ترسره شي.

د روسيې د دفاع وزارت د معلوماتو له مخې؛ د اذربايجان، قزاقستان، پاکستان، جنوبي افريقا، عمان او هند د سمندري ځواکونو استازي به د څارونکو په توګه په دې تمرين کې ګډون وکړي.

دا تمرینات په داسې حال کې کیږي، چې د حماس او اسراییل ترمنځ د جګړې له پیل راهیسې د یمن حوثي یاغیانو چې د ایران یوه نیابتي ډله ده، په سور سمندرګي کې په نړۍوالو کښتیو په بریدونو سره په سیمه کې د تګ راتګ امنیت له خطر سره مخامخ کړی دی.

د باب المندب تنګی او د عدن خلیج د تهران او مسکو ترمنځ د پوځي همکارۍ په وروستیو کلونو کې په ځانګړې توګه پر اوکراین د روسیې له یرغل وروسته ډېره پراخه شوې او دا مسالې د لویدیځو هېوادونو د اندېښنې لامل شوې دي.

د ایران د اسلامي جمهوریت د وسله والو ځواکونو لوی درستیز محمد باقري ویلي، چې ایران او مسکو غواړي د اوږدمهاله تړون په چوکاټ کې خپلې پوځي او تخنیکي همکارۍ پیاوړې کړي.

د برېتانيا د دفاع وزير گرانټ شاپس هم په لندن کې د ترلاسه شويو معلوماتو پر بنسټ اعلان کړی و، چې ایران روسيې ته له ځمکې څخه ځمکې ته ويشتونکي بالستيک توغندي ورکړي دي.

شاپس روسیې ته د بې پیلوټه الوتکو او توغندیو د ورکولو په برخه کې د ایران د حکومت اقدام ته په اشارې سره وویل: "موږ شاهدان یو چې کله هم په نړۍ کې شخړه رامنځته کیږی، ایران اکثراً هغې ته لمن وهی."

د ایران حکومت چې د مسکو یو له مهمو متحدینو څخه دی هم تورن دی، چې د شاهد ۱۳۱ او شهید ۱۳۶ ډرون الوتکې یې روسیې ته استولي چې په اوکراین کې د پوځي عملیاتو پر مهال ترې کار واخیستل شي.