سرچینو افغانستان انټرنشنل پښتو ته ویلي، چې نن سهار ۹ بجې د کندهار ولايت مرکز لومړۍ حوزې ته مخامخ د کابل بانک ودانۍ ته څېرمه په ځانمرګي برید کې پنځه تنه وژل شوي او ۲۵ نور ټپیان دي. ویل کیږي په دغه برید کې ولسي کسان او د طالبانو نظامي کسان شامل دي.
ځینې نا تاييد شوي راپورونه وايي، چې په دغه برید کې تر شلو زیات کسان وژل شوي او تر ۴۰ ډېر ټپیان دي چې د یو شمېر ټپیانو حالت مرګونی دی.
د کندهار لپاره د طالبانو امنیه قومانداني د ځانمرګي برید دغه پېښه مني او وايي چې په دغه برید کې درې تنه وژل شوي او ۱۲ نور ټپیان دي.
کندهار کې د طالبانو امنیه قومانداني په یوه خبرپاڼه کې لیکي چې دغه برید د «خوارجو» لخوا شوی او وايي د پیښې ډیری قربانیان ولسي وګړي دي.
خو د افغانستان انټرنشنل پښتو سرچینې وايي، چې د دغه برید ډیری وژل شوي او ټپیان د طالبانو نظامي کسان دي.
کندهار کې میرویس روغتون تر دې مخکې اعلان کړی و چې د دغې پیښې ټپیانو ته د زیاتې وینې اړتیا ده او خلک دې د وینې ورکړې لپاره روغتون ته ورشي.
دغه پېښه د کندهار ښار لومړۍ حوزې ته مخامخ د کابل بانک ودانۍ ته څېرمه په هغو کسانو شوې چې له دغه بانک څخه یې معاشونه اخيستل.
یوې باوري سرچینې افغانستان انټرنشنل پښتو ته ویلي چې دغه بانک ته په کتارونو ولاړ ډیری د طالبانو نظامي کسان هم د پیسو اخیستلو په تمه وو.
تر اوسه پورې کومې وسله والې ډلې د دغه برید مسوولیت نه دی منلی.
درې ورځې وړاندې د کندهار لپاره د طالبانو والي ملا شیرین د دغه ولايت امنیتي ادارو ته د امنیت د ټینګښت سپارښتنې کړې وې.
په دې انځورونو کې د ښار د ګڼې ګوڼې سيمې، د خلکو ورځنۍ چارې او روژه ماتي پکې شامل دي.
په کندهار کې د طالبانو له لوري په دولتي ادارو کې پر عکس او ويډيو بندير پر ټولنه هم منفي تاثیر کړی.
ډېری عام خلک او طالب پلوه کسان خبريالان عکس او ويديو اخيستلو ته هم نه پرېږدي.
د همدې عکسونو د اخيستلو پر مهال ډېرو عامو ښاريانو له اقتصادي ستونزو او د کار د نه شتوالي څخه شکايت کوي.
ښاریانو له طالبانو غوښتل، چې خلکو ته دې کاري فرصتونه برابر کړي.
