د افغانستان لپاره د متحده ایالاتو شارژدافیرې کندهار کې ځانمرګی برید وغانده
د افغانستان لپاره د متحده ایالاتو د سفارت شارژدافیرې کندهار کې د نوي کابل بانک مخې ته ځانمرګی برید بزدلانه عمل بللی او غندلی یې دی.
د افغانستان لپاره د متحده ایالاتو د سفارت شارژدافیرې کندهار کې د نوي کابل بانک مخې ته ځانمرګی برید بزدلانه عمل بللی او غندلی یې دی.
کرن ډکر په خپله اېکس پانه کې لیکلي: «موږ ټولې ترهګریزې کړنې، هغه که د کابل په دشت برچي سیمه او یا هم په کندهار کې د نوي کابل بانک مخې ته ترسره کیږې د یوه بزدلانه عمل په توګه غندو افغانان باید د روژې میاشت په سوله ییزه توګه او له وېرې پرته ولمانځي.»
اغلې ډکر خپله خواخوږي د قربانیانو له کورنیو سره هم شریکه کړې ده.
د کندهار ښار لومړۍ ناحیه کې د پنجشنبې په سهار هغه مهال د نوي کابل بانک مخ ته ځانمرګی وشو چې د طالب نظامیانو په ګډون ولسي وګړي هم د پیسو اخېستلو لپاره د بانک د دروازې مخ ته ټول شوي وو.
د کندهار ښار میرویس روغتون کې سرچینو افغانستان انټرنشنل ته ویلي، برید کې ۲۱ تنه وژل شوي او شاوخوا ۵۰ نور ټپیان دي.
