سپینې ماڼۍ د امریکا د اوبو پر سیستم د ایران د سایبري برید د ګواښ په اړه خبرداری ورکړ

د سویلي او مرکزي اسیا لپاره د بهرنیو چارو وزارت لوړپوړي استازي ډونالډ لو، د کانګرس یوې کمیټې ته ویلي، " که د پاکستان د ټاکنو کمیسیون په ټاکنو کې بې نظمۍ ثابتې کړي، باید په هغو ټاکنیزو حوزو کې چې لاسوهنه شوې،‌ باید ټاکنې له سره ,شي."

د پاکستان ټاکنې د فبرورۍ په لومړیو کې له رای اچونې مخکې د ځینو کسانو له نیولو او تاوتریخوالی سره مل وې.

د ټاکنو په ورځ د انټرنیټ بند شوی او په غیر معمولي ډول د ټاکنو د پایلو اعلان ځڼډيدلی وو، هغه څه چې په ټاکنو کې د درغلیو تورونو لامل شو.

شهباز شریف د مارچ په څلورمه وروسته له هغه د لومړی وزیر په توګه وټاکل شو، چې ګوند یې د پخواني لومړي وزیر عمران خان په ملاتړ د کاندیدانو په پرتله لږې څوکۍ وګټلې خو وتوانیده چې د بیلابیلو ګوندونو د ایتلاف مشري ترلاسه کړي.

ښاغلي لو چې د استازو جرګې د بهرنیو چارو کمیټې ته د پاکستان ډیموکراسي او د امریکا سره د دغه هیواد د اړیکو په اړه معلومات ورکول، وویل: "موږ هیڅکله د پاکستان د ټاکنو لپاره د 'آزاد او عادلانه' ټاکنو اصطلاح نه ده کارولې."

هغه وویل: «مونږ د ټاکنو څخه مخکې د حاکمې فضا په اړه جدي اندېښنې څرګندې کړې وې، لکه: د ترهګرۍ له خوا رامنځ‌ ته شوې تاوتریخوالی او سیاسي تاوتریخوالی.»

هغه زیاته کړه: "مونږ د انفرادي نوماندانو او سیاسي ګوندونو د نوم لیکنې د نه ترسره کیدو، د اپوزیسیون د غړو د ډله ییزو نیولو، د انټرنیټ بندول، او په خبریالانو باندې د سانسور او فشار په اړه اندیښنه څرګنده کړې وه."

بریتانیا او اروپايي ټولنې هم د پاکستان په انتخاباتو کې د بې نظمیو په اړه اندیښنه څرګنده کړې او د پلټنو غوښتنه یې کړې ده.

د ملګرو ملتونو سرمنشي انتونیو ګوتریش د تاوتریخوالي او د مخابراتي خدماتو د ځنډولو په اړه اندیښنه څرګنده کړې ده.

د استازو پوښتنو په ځواب کې، ښاغلي لو د عمران خان هغه تورونه رد کړل چې په ​​۲۰۲۲ کې له واکه د هغه په لرې کیدو کې ګواکي ده لاس لروده.

ښاغلی لو وویل، "دا تورونه، دا د توطیې تیوري، درواغ دي. دا یو بشپړ دروغ دی."

خان د پاکستان د ځواکمن پوځ سره له لانجو وروسته له واکه ګوښه شو. خو پوځ په سیاست کې مداخله ردوي. عمران خان تور لګولی چې د امریکا او د پاکستان پوځ د پارلمان له خوا د هغه نه د اعتماد رای په اخیستو کې لاس لري.

د پاکستان پوځ وايي، دغه برید یې د ټولو اتو وسلوالو په وژلو سره شنډ کړی او په مقابل کې یې یو سرتېری وژل شوی دی.

د پاکستان دولتي رادیو د راپور له مخې، شهباز شریف هم دې برید ته په ځواب کې د پوځ هڅې ستايي.

خو بلوځ ازادیپال پوځ چې د پروني برید مسوولیت منلی وايي، د پاکستان د مختلفو امنیتي ادارو ۲۶ کسان یې وژلي دي.

دا ډله دا هم مني چې په مقابل کې د دوی اته وسلوال وژل شوي دي.

د پاکستان پر امنیتي ځواکونو نن د پښتونخوا په دېره اسماعیل خان کې هم برید شوی او ځايي رسنۍ د دوو سرتېرو د وژل کېدو او ۲۲ نورو د ټپي کېدو خبره کوي.

پاکستاني رسنیو نن پنجشنبه د (وري دویمه) نېټه خبر ورکړی چې د خیبرپښتونخوا په ډېره اسمعیل خان کې د پاکستاني پوځ په کاروان ځانمرګی برید شوی چې لږ تر لږ دوه پوځیان پکې وژل شوي او ۲۲ نور ټپیان دي.

خو سیمه ییزې سرچینې وايي، په برید کې د وژل شویو پوځيانو شمېر زیات دی.

سرچینې وايي، د پاکستاني پوځ دغه کاروان د خیبرپښتونخوا له ټانګ ولسوالۍ څخه د ډېره اسمعیل خان په لور روان و چې له کوڅو څخه پرې لومړی ډزې شوې او بیا ځانمرګی برید پرې شوی.

د بریدونو مسوولیت لا کومې ډلې نه دی منلی خو په دغه سیمه کې د ټي ټي پي وسله والو فعالیت زیات دی.

د دغې ډلې ویاند محمد خراساني په خپره شوې خبرپاڼه کې چې یوه کاپي یې افغانستان انټرنشنل ته هم رسېدلې لیکلي، زموږ جګړه د پاکستان پوځ او امنیتي ځواکونو پر خلاف د پاکستان په خاوره کې د خپلو خلکو او ولس په ننګه او ملاتړ روانه ده او موږ هیڅکله هم د نورو ګاونډیانو خاوره د خپلې مبارزې لپاره نه ده کارولې.

په خبرپاڼه کې دا رنګه راغلي چې دوی د هیڅ سیاسي ګوند او د پاکستان د سیاستوالو پر خلاف عمل نه کوي، دوی یوازې او یوازې د پاکستان پوځي او امنیتي اهداف په نښه کوي او دا کار د دوی لپاره لومړیتوب لري.
خبرپاڼې له پاکستاني چارواکو غوښتي، چې په ناحقه دې پر ګاونډیو هېوادونو تورونه نه پورې کوي او نه دې د خپلو ناکامو سیاستونو پړه پر نورو اچوي.
دغه خبرپانه د پاکستان د لومړي وزیر شهباز شریف له څرګندونو یوه ورځ وروسته خپرېږي، چې نوموړي د کابینې غونډې ته ویلي و، د دغه هېواد جغرافیايي امنیت ورته سرې کرښې دي او نور به له بهره هیڅ ډول ترهګري ونه زغمي.
که څه هم چې ښاغلي شریف په ځانګړې توګه د کوم هېواد نوم نه و اخیستی؛ خو په ښکاره یې طالبانو ته ګوته ونیوله، چې ګواکې له ټي‌ټي‌پي څخه د ملاتړ تر څنګ هغوی پر وسلو سمبالوي او په پاکستان کې د ټولو وسله‌والو بریدونو پلانونه هم په هغې خاوره کې جوړېږي.

د امریکا د استازو مجلس د بهرنیو اړیکو د کمېټې مشر مایکل مکال ویلي، چې نوی تړون د ۱۲۰۰۰ نورو ویزو د ورکولو اجازه ورکوي؛ خو د جوبایډن ادارې او په سنا کې د جمهوري غوښتونکو استازو د ۲۰ زره نویو ویزو د صادرولو غوښتنه کړې وه.

دا په داسې حال کې ده، چې د کډوالۍ د ځانګړې ویزې پروګرام تر ۲۰۲۶ کال پورې پای ته رسېږي.

ویل کېږي، چې د اضافي ویزو شمېر د امریکا د پخوانیو افغان شریکانو له غوښتنې سره سم شوی دی.

یو شمېر امریکايي چارواکو چې نه یې غوښتل نوم یې واخیستل شي، رویټرز ته ویلي چې د مارچ تر لومړۍ نېټې پورې د هغو افغانانو شمېر چې ویزو ته انتظار باسي له ۸۰ زرو څخه زیات وو، چې یو پر څلورمه برخه یې وروستۍ مرکې ته بلل شوي دي.

افغانانو ته د لا زیاتو ویزو ورکولو هوکړه په داسې حال کې کېږي، چې داسې اسناد خپاره شوي چې د طالبانو د واکمنۍ له پیل راهیسې د پخواني حکومت سلګونه امنیتي چارواکي او سرتېري نیول شوي، شکنجه شوي او وژل شوي دي.