په سوریه کې د اسراییل په برید کې یو قوماندان او ۱۴ ایراني ملاتړي ملېشې وژل شوي دي
په سوریه کې د ایران د اسلامي انقلابي ګارډ قول اردو اړوند پر څو مرکزونو په برید کې ۱۵ تنه وژل شوي دي، چې په وژل شویو کسانو کې یو د ایران د سپاه پاسداران قوماندان دی.
په سوریه کې د ایران د اسلامي انقلابي ګارډ قول اردو اړوند پر څو مرکزونو په برید کې ۱۵ تنه وژل شوي دي، چې په وژل شویو کسانو کې یو د ایران د سپاه پاسداران قوماندان دی.
یوه اسراییلي امنیتي چارواکي ایران انټرنشنل ته ویلي، چې دا برید د ایران د سپاه پاسداران د هغې هڅې په ځواب کې دی چې لویدیځې غاړې ته یې وسلې ولېږدولې.
دغه امنیتي چارواکي وویل، چې په سوریه کې د (۱۸۸۴۰) ځانګړو عملیاتو په قطعې باندې د اسراییل برید او د سپاه پاسداران د استخباراتو د ادارې د ځانګړو عملیاتو واحد (۴۰۰۰) د هغو اوږده او پرله پسې عملیاتو برخه ده، چې له ایران څخه اسراییل ته د وسلو د وړلو جریان کشف کړي.
د هغه په وينا؛ دغه بريد د دې قطعې د قوماندان جواد غفاري د هغې هڅې په غبرګون کې شوى، چې غوښتل يې اسراییل ته وسلې ولېږدوي.
دغې باخبرې سرچینې تاکید وکړ، چې په دغو عملیاتو کې د وسلو د انتقال لاره د اسراییل د پوځ له خوا کشف او ویجاړه شوه.
جواد غفاري د سوریې د پوځ د قدس ځواکونو پخوانی قوماندان و او د حلب قصاب په نوم هم یادیږي.
د ایران انټرنشنل سره په مرکه کې په اسراییل کې امنیتي چارواکو یادونه وکړه، چې د هېواد پوځ به "د هر هغه چا په وړاندې خپلو اقداماتو ته دوام ورکړي چې غواړي اسراییل ته زیان ورسوي".
د سوریې د بشري حقونو د څار ډلې د دغه برید د تلفاتو د شمېرې په وړاندې کولو سره ویلي، چې د وژل شویو شمېر ۱۵ تنو ته لوړ شوی دی.
د دغه راپور له مخې؛ په وژل شویو کې د ایران د سپاه پاسداران د یوه سلاکار او د دغه ارتباطي مرکز د یوه ډګروال په ګډون ۱۴ د سپاه پاسداران ځواکونه هم شامل دي.
په برېتانيا کې د سوريې د بشري حقونو د څار ډلې مخکې ويلي وو ،چې وژل شوي کسان په يوه کلي کې وو، چې د ارتباطي مرکز په توګه ترې کار اخيستل کېده.
د برید په قربانیانو کې ۹ عراقیان او دوه سوریایان هم شامل دي، چې د پاسداران انقلابي ګارډ سره کار کوي او یو سوریایي انجینر هم شامل دي.
دانشجو خبري اژانس د سې شنبې په ماسپښین په دغو بریدونو کې د بهروز وحیدي په نوم د سپاه پاسداران د یوه سلاکار د وژل کېدو خبر ورکړ.
