طالبان وايي، چې ډېر ژر به کابل ته د پنجشیر سیند د اوبو لېږد پیل شي

حبیب الرحمان حکمتيار وايي، چې د عدل او قانون ادارې مشر په دې نه پوهيږي، چې سرپرستان فيصلي نه شي کولای.

د طالبانو د عدليې وزير مولوي عبدالحکيم شرعي نن په کابل کې يوې غونډې ته ويلي، چې له پخواني استوګنځي په وتلو کې یې حکمتيار ته وخت ور کړی او بل ځای یې ورته برابر کړی، «له دې سره که بیا هم نوموړی دا کار بې احترامي بولي، عقل يې کار نه کوي.»

د حزب اسلامي ګوند د مشر زوی حبیب الرحمان حکمتيار نن شنبه د طالبانو عدليې وزير تر څرګندونو وروسته پر اېکس ټولنیې شبکې یو پیغام کې لیکلي، چې د ادب او بې ادبي په اړه د قضاوت لپاره همدا څو دقيقې خبرې بسنه کوي.

نوموړي ليکي: «دا زموږ بدبختي ده چې يو شمېر واړه خلک په غټو څوکيو ناست دي او افغانانو ته د خپل ولس پر ځای د کوم فتح شوي ملت په سترګه ګوري.»

حبیب الرحمان حکمتيار ليکلي، چې د طالبانو د عدل او قانون د ادارې په مشرۍ کې کسان په خپله خوښه فيصلې کوي.

هغه زياتوي: « د عدل او قانون ادارې مشر په دې نه پوهیږي، چې سرپرستان سرپرستي کوي، نه دا چې فيصلې.»

حکمتيار په افغانستان کې د حزبونو د فعالیت قانوني ختمولو ته د طالبانو د عدليې وزير د خبرو په غبرګون کې ليکلي: « پخواني قوانين لغوه کول او نوي جوړول د يوې قانون سازی مرجعې کار وي نه دا، چې يو شخص يا يو ډله په خپله خوښه دا کار وکړي.»

هغه ليکلي، چې اوسني واکمنان بايد له تېرو تجريبو زده کړه وکړي؛ ځکه تر اوسه لا په دې نه پوهيږي، چې سبا ته به څه پېښ شي.

د طالبانو عدليې وزير ويلي، چې د کور په مسله کې يې د حکمتیار درناوی کړی او د هغه په خوښه يې ځای ورکړی؛ خو په ورته وخت کې يې د حزب اسلامي ګوند مشر ګلبدين حکمتيار ته خبرداری ورکړی، چې د دوی په نظام کې حزبونه ځای نه لري او نوم اخيستل يې جرم دی.

دا تلوېزون وايي، ښايي د بایډن ځینې ملګري ډیموکراتان هم له ډونلد ټرمپ سره ومني چې ولسمشر جو بایډن په ۲۰۲۱ کې له افغانستان څخه په بریالۍ توګه د امریکایانو د حضور په پای ته رسولو کې ناکام شو.

د دې تلوېزون د راپور له مخې، د ډونلډ ټرمپ دا ادعا له مبغالغې ډکه ده چې ډیری وخت په خپل ټاکنیز کمپاین کې وايي، په افغانستان کې سلګونه یا زرګونه امریکایي وګړي پاتې او لا هم یرغمل دي.

ښاغلي ټرمپ د مارچ میاشتې په پیل کې د ټاکنیز کمپاین پر مهال په څرګندونو کې وویل: "د ۱۸ میاشتو لپاره موږ په افغانستان کې هیڅ سرتیری یا امریکایي وکړی له لاسه نه و ور کړی. بیا مونږ په داسې وحشت کې له افغانستانه راووتلو چې په ترڅ کې یې ۱۳امریکايي سرتیري ووژل شول، ۳۸ سخت ټپیان شول، او ډیر امریکایان په افغانستان کې پریښودل شول."

هغه زیاتوي: "لا هم په افغانستان کې امریکایان پریښودل شوي دي، تاسې یې د یرغملو په توګه هم یادولای شی."

د ټرمپ د ټاکنیزې ډلې له خوا تیره اونۍ په خپره شوې ویډيو کې، ټرمپ دغه ادعاوې بیا تکرار کړې دي.

هغه ویلي: "موږ لا هم په افغانستان کې ډېر امريکايي وګړي لرو، چې ښايي د يرغمل په توګه ژوند وکړي."

خو د بایډن د ادارې د ملي امنیت دوو جګپوړو چارواکو اېن بي سي ته ویلي، چې طالبانو دوه امریکایان نیولي چې د امریکا حکومت یې د خوشې کیدو لپاره کار کوي.

دغه سرچیني وايي، چې په افغانستان کې نور امریکایان په خپله خوښه پاتې دي.

د امریکا د ملي امنیت ادارې یوه چارواکي وویل: "هر امریکایي چې غوښتل له افغانستانه ووځي هغه وتلی دی." "په حقیقت کې، موږ یو کس هم په افغانستان کې نه دی پریښی. موږ هم هره میاشت خپل افغان متحدین هم له دغه هیواده وباسو."

د امریکا د بهرنیو چارو وزارت چارواکو ویلي، چې په افغانستان کې امریکايي وکړو د شمېر په اړه دقیق ارقام نه شي برابرولی چې له دغه هیواده یې د وتلو غوښتنه کړې وي.

د امریکا د بهرنیو چارو وزارت یوه ویاند وايي: "دا ناشونې ده چې په ډاډ سره ووایو چې نن په افغانستان کې څومره امریکایي وکړي شته دي. په تیرو ۳۰ میاشتو کې چې په کابل کې زموږ سفارت تړل شوی، ډیری امریکایي وکړي افغانستان ته تللي، بیرته راستانه شوي او بیا تللي دي."

د امریکا د ملي امنیت ادارې دغو سرچینو ویلي،‌ چې دوه امریکايي وکړي د طالبانو په بند کې دي او دواړه له افغانستانه د امریکايي ځواکونو له وتلو وروسته دغه هیواد ته تللي دي.

د طالبانو د عدليې وزير نن په کابل کې د دې وزارت له اړوند «مدرسة العدالة» د حديثو د لوېی دورې د طالبانو په فراغت غونډه کې وويل، چې د کور په مسله کې يې ګلبدين حکمتیار ته پوره درناوی کړی.

مولوي عبدالحکيم شرعي وايی، چې د دوی د مشرانو په غوښتنه یې حکمتيار ته پرله پسې له دولتي کوره د وتلو وخت ورکړ او بیا يې د هغه په خوښه ځای هم ورکړ: هفته وخت مو ور کړ، بیا د دوی مشران راغلل څلور هفتې یې وغوښتې، بیا مو څلور هفتې وخت ور کړ. بیا مشرانو خبره وکړه چې ژمی دی تر پسرلي وخت ور کړه، پسرلي د حوت تر پنځلسمه وي، موږ د حوت تر اخره وخت ور کړ.»

طالب وزير شرعي زياتوي دا وخت پوره کېدو سره د دې ډلې مشرانو وویل، ښاغلي حکمتیار ته بل ځای برابروي: «هغوی په خوښه حکمتیا ته ځای برابر کړ، که حکمتيار دا بې احترامي بولي؛ نو هغه په احترام نه پوهيږي او عقل يې کار نه کوي.»

د طالبانو عدليې وزير د حزب اسلامي ګوند مشر ګلبدين حکمتيار ته په اخطاريه ډول وویل، چې د دوی په نظام کې حزبونه ځای نه لري او نوم اخيستل يې جرم دی.

هغه وايي: « تېرکال زموږ په تشکيلاتو کې د احزابو رياست لغوه شو، احزاب په نظام کې په قانوني لحاظ ځای نه لري او د حزب نوم اخیستل تاته يو قانونوني جرم دی.»

طالبانو د حزب اسلامي مشر ګلبدین حکمتیار له خپل استوګنځي او دفتر څخه په دې دلیل وایسته چې د کور او دفتر ځمکه یې دولتي ملکیت و.

طالبانو هغه د دولتي ځمکو په غصب تورن کړ؛ خو د حکمتیار استدلال دا و، چې د تېر حکومت د هوکړې له مخې په دغو ملکیتونو کې پاتې شوی دی.

د حکمتیار د کور د نیولو امر د طالبانو د مشر هبت الله اخوندزاده له خوا صادر شوی او دا کار د طالبانو د عدلیې وزیر عبدالحکیم شرعي کړی دی.

د ګلبدین حکمتیار زوی حبیب الرحمن حکمتیار له دولتي کور څخه د ګلبدین حکمتیار د ویستلو په غبرګون کې د طالبانو د حکومت پر خپلسرۍ نیوکه کړې او له دولتي کوره د خپل پلار اېستل "بې احترامي او نامناسب عمل" بللی.

هغه ویلي: "د طالبانو په حکومت کې نږدې هرڅوک ځان ته امیرالمؤمنین دی."

نوموړي دا هم ویلي چې د طالبانو د دفاع وزیر ملا یعقوب مجاهد په ګډون ځینې چارواکو په پخواني کور کې د ښاغلي حکمتیار د پاتېدو هڅه وکړه، خو بریالي نه شول.

طالبان وايي، په دې وسلو کې «۱۰ مېله توپانچې، ۲۱ شاجورونه او یو کنداغ» شامل دي.

دغه وزارت په دې اړه نور جزيات نه دي ورکړي او نه یې هم په دې تړاو د کسانو د نيولو اړوند څه ويلي دي.

د طالبانو ماليې وزارت په خپله خبرپاڼه کې ليکي، چې په ټولو ګمرکونو کې د صادراتو او وارداتو پر مهال د ممنوع او قاچاقي توکو جدي څارنه کوي.

ډېر وخت په تورخم طالبان د بېلابېلو قاچاقي موادو د نیولو او مخنيوي خبر ورکوي.

یوه میاشت مخکې ماليې وزارت ويلي، چې ‏د تورخم ګمرک کارکوونکو د ۱،۸ کیوګرامه سرو زرو له قاچاق څخه مخنیوی کړی.

عاطف الله مشعل د طالبانو د استخباراتو اړوند المرصاد وېبپاڼه کې «د سیمې امنیتي وضعیت او د پاکستان دوه مخي سیاست» په نوم یوه تحلیلي مقاله خپره کړې ده.

مشعل په دې باور دی، چې د داعش د پروژې تطبیقول او داعش ته په سیمه کې یو مصون کاري دهلیز مهیا کول یواځې د افغانستان او (سی پیک) پر ضد عمل او اقدام نه دی، بلکې د منځنۍ اسیا، روسیې او ایران لپاره هم یو لوی ګواښ دی.

نوموړی په دې باور دی چې، غرب د پاکستان په همکارۍ د داعش پروژه پلي کول غواړي.

مشعل وايي د پاکستاني جنرالانو او سیاسیتوالو دغه اقدام تنها له افغانستان سره په ټکر کې نه ده، بلکې د افغانستان په ګاونډ کې د ټولې سیمې لکه روسیې، چین او ایران لپاره یو جدي تهدید او بالقوه ګواښ دی، ځکه غرب دا ځل د داعش ډله تنها د یو ملک پر ضد نه، بلکې د سیمې د څو هیوادونو لپاره تمویلوي او تقویه کوي.»

دغه پخوانی افغان ډیپلوماټ وايي داسې نښې نښانې شته چې د پاکستان په پوځ او سیاسي مقاماتو کې ځینې ډلې، چې په احتمالي توګه د لویدیځ د ګټو تر اغیز لاندې دي، د چینایي شرکتونو پر ضد، په وسله والو بریدونو کې ښکیل دي.

مشعل وايي دا کړنې ممکن د یوې پراخې اجنډا برخه وي چې پاکستان د نړۍ د لویو ځواکونو ترمنځ د رقابتونو او سیالیو په مرکز مبدل کړي.

خو معشل بیا وايي چې د پاکستاني پوځ او سیاستوالو دغه غرب-پلوه ډله د غرب په مخفي اشارو هڅه کوي، تر څو په ځانګړې توګه د چین پاکستان اقتصادي دهلیز (CPEC) په څېر د لویو سیمه ییزو اقتصادي پروژو د تطبیق لپاره مشکلات ایجاد کړي.

نوموړی په چترال کې د ناامنۍ زیاتېدو ته په اشاره لیکي، چې پاکستاني جنرالان په دې کار سره غواړي د واخان له لارې د افغانتسان او چین د وصلېدو مخه ونیسي.

پاکستان کې تېره دوشنبه پر چینايي انجینرانو له برید وروسته دغه هېواد په پاکستان کې پر دریو برېښنا بندونو کار بند کړ.

عاطف مشعل د لیکنې په پای لیکلي دي، چې پاکستان ته پکار ده، چې داسې سیاست او پالیسي غوره کړي، چې که له منطقې سره په یوه لاره نه ځي، حد اقل باید په ټکر او تضاد کې ور سره لاړ نه شي.

مشعل زیاتوي د پاکستان په پوځ کې چې بعضې جنرالانو او ځینې سیاستمدارانو کومه د غرب په ګټه او لمسون پالیسي غوره کړې، دا په ښکاره له منطقې سره په تضاد او ټکر کې پر مخ تلل دي.