د افغانستان بانک د افغانیو پر وړاندې د ډالرو د ارزښت ټیټولو په موخه ۱۷مېلیونه ډالر لیلاموي

هغه ویلي، چې د دغو سوالګرو له ډلې ۱۴۹۳۲ یې ښځینه، ۲۲۷۲۵ یې نارینه او ۴۰۶۵ ماشومان وو.

د دغو شمېرو له مخې، د سوالګرو لویه برخه ښځینه جوړوي.
د هغه په وینا، دغه سوالګر له راټولو وروسته ځانګړو کمېسیونونو ته ورپېژندل کېږي او له تثبیت وروسته دوی ته لازمې حرفوي زده‌کړې ورکول کېږي او ترڅنګ یې ورسره نورې مرستې هم کېږي.
خو کابل ښاریان وایي، د دغې پروسې له پیل راهیسې لاتراوسه په پلازمینه کې د سوالګرو شمېر نه دی کم شوی.
د کابل یو اوسېدونکی احمد وایي، چې وزګارۍ او بې وزلۍ خلک سوالګرۍ ته اړ اېستي دي.
د هغه په وینا، نن سبا مېندې او پلرونه د ماشومانو د نس مړولو لپاره سوالګري کوي او طالبانو د ښځینه دولتي کارکوونکو تر څنګ ډېر نارینه هم له دندو شړلي او د شاوخوا درې کالو په تېرېدو یې متقاعدو کارکوونکو ته د هغوی امتیازات نه دي ورکړي.

داسې راپورونه هم شته، چې په دغو سوالګرو کې یو شمېر یې د دولت پخواني کارکوونکي او تقاعد شوي کسان دي.

دغه مرکز وایي، د طالبانو دغه ادعا چې د داعش پر وړاندې جنګېږي او له القاعدې سره یې پرېکون کړی «پوچه او بې مانا» ده.

دغه انسټیتوت د پنجشبنې په ورځ (د وري نهمه) په یوه راپور کې لیکلي، چې دغه ډلې د ګډې ایډیولوژۍ له مخې هڅه کوي چې ټول مسلمان هېوادونه یو موټی او د یوې واکمنۍ تر سیوري لاندې راولي.

د دغه انسټیتوت په باور، طالبان د واشنګټن «د خوشالولو او حسن نیت» لپاره د داعش سره د مبارزې خبره کوي.

دغه اسټرالیایي څېړنیز بنسټ وایي، د داعش سره د مبارزې د دې ادعا سره، سره چې طالبان یې کوي دغه ډله لا هم پیاوړې ده او په کندهار او د مسکو د کنسرټ په یوه تالار کې په وروستیو پېښو کې دغې ډلې خپل واک او ځواک نړۍوالو ته ښکاره کړ.

دغه بنسټ ټینګار کوي، چې طالبان او القاعده د پخوانۍ ملګرتیا له امله لا هم یو بل ته وفاداره دي او القاعده توانېدلې چې په ټول افغانستان کې خپلو هڅو او فعالیتونو ته دوام ورکړي.

د دغه بنسټ د رپوټ په یوې برخې کې راغلي، چې په افغانستان کې د طالبانو د واکمنېدو سره هم مهاله د سیمې لیدلوری د ترهګریزو ډلو په ګټه د پام وړ بدل شوی دی.

د دغه راپور له مخې، ۲۱ نورو ترهکرو ډلو په افغانستان کې د طالبانو تر واک لاندې سیمه‌ییز عملیاتي مرکزونه پرانیستي دي.

د اسټرالیا د سټراتیژیکو مطالعاتو انسټیتوت دا رنګه ویلي، چې طالبانو د پاکستان د طالبانو له تحریک سره اړیکې ټینګې کړې او د دغې ډلې پر سر چې یوه ترهکره ډله ده، د خپل اصلي ملاتړي پاکستان سره هم په لانجه کې اوښتي دي.

دغه اسټرالیایي بنسټ خبرداری ورکړی، چې د ترهګرۍ ګواښ هم په افغانستان او هم په سیمه کې د زیاتېدو په حال کې دی.

د اسټرالیا د سټراتیژیکو مطالعاتو بنسټ ویلي، چې په کندهار او مسکو کې د داعش وروستي بریدونه باید سیمې او نړۍوالو قدرتونو ته د ترهګرۍ پر وړاندې د مبارزې لپاره لازمه انګیزه وروبخښي.

دغه بنسټ وایي، ژیوپولیټیکي سیالۍ د دې لامل شوي چې داعش، القاعده او طالبان د روښانه راتلونکې لپاره ښه فرصتونه تر لاسه کړي.

په غور ولایت کې د طالبانو د اطلاعاتو او فرهنګ رياست پر دغو کسانو لګېدلو تورونو ته له اشارې پرته ویلي، چې‌ پر دغو دریو کسانو د درو وهلو حکم د طالب چارواکو په شتون کې پلي شوی دی.

سیمه ییزو سرچینو افغانستان انټرنشنل ته ویلي، چې طالبانو د دولینه ولسوالۍ په جامع جومات کې د جمعې له لمانځه وروسته دغه درې کسان په درو وهلي دي.

د دغو سرچینو په وینا، طالبانو له دغې ډلې هر یو یې ۳۹ درې وهلی دی.

طالبان وخت په وخت په ځینو ښارونو کې یو شمیر خلک په بیلابیلو تورونو د خلکو په مخ کې په درو وهلي دي. د طالبانو له خوا پر عامو خلکو د دغه ډول مجازاتو په پلي کولو له نیوکو سربیره، دغې ډلې د خلکو مجازاتو ته دوام ورکړی دی.

د بشري حقونو مدافعین وايي، چې تورن کسان مدافع وکیل او عادلانه محاکمو ته لاسرسی نه لري.

تر دې مخکې ځایي سرچینو د کابل په لوېدیځ کې د دوو چاودنو د غږونو د اورېدلو خبر ورکړی وو.

د مقاومت جبهې د جمعې په ورځ (د وري لسمه) په یوه اعلامیه کې لیکلي، چې د دې ډلې ځواکونو ماښام شاوخوا ۷بجې د کابل ښار د پنځمې امنیتي حوزې اړوند د کوټې سنګي پله ته څېرمه د طالبانو پر یوه پوسته برید کړی. د دغې جبهې د معلوماتو له مخې، په دې بريد کې دوه طالبان وژل شوي او دوه نور ټپيان دي.

دغه جبهه وايي، چې دويم بريد هم د جمعې په ورځ ماښام ۷:۳۰بجې د دغې جبهې ځواکونو د کابل ښار د اوومې حوزې اړوند د حبيبيې لېسې ته څېرمه د طالبانو پر پوسته کړی، چې په پايله کې يې يو طالب وژل شوی او بل ټپي دی.

د ملي مقاومت جبهې د بریدونو د څرنګوالي په اړه څه نه دي ویلي.

دغې جبهې له دغو دوو بریدونو څخه یوه ویدیو خپره کړې، چې د دغې جبهې غړي د طالبانو پر یوې پوستې د ډزو کولو پرمهال لیدل کیږي. په دغه ویډیو کې یوه لویه چاودنه هم لیدل کیږي.

تر دې مخکې د کابل اوسېدونکي د دغه ښار په دریمه او شپږمه ناحیه کې د دوو چاودنو د غږونو د اوریدلو خبر ورکړی و.

ځینو سرچینو افغانستان انټرنېشنل ته وویل، چې یوه چاودنه تر یوه بریده زوروره وه او په میرویس میدان یا کوټې سنګي کې شوې ده.

طالبانو په دې اړه تراوسه څه نه دي ویلي.

په وروستیو ورځو کې د غور په ګډون په کابل او ځینو نورو سیمو کې د طالبانو پر وړاندې د مقاومت د جبهې د ځواکونو بریدونو زور اخیستی خو طالبانو یې په اړه له کومې تبصرې ډډه کړې ده.

تر دې وړاندې د افغانستان د ښځو غورځنګ د جنسیتي توپیر د پېژندلو غوښتنه کړې وه.

د بشري حقونو نړیوال فدراسیون د پنجشنبې په ورځ د - وري د میاشتې په نهمه نېټه - اعلان وکړ چې د نړۍ په ګوټ ګوټ کې د فیمینستانو، څیړونکو او کارپوهانو له خوا په تیرو کلونو کې د نه ستړي کیدونکو هلوځلو ته د درناوي په موخه، دغه فدراسیون پوره باور لري چې د دې وخت رارسیدلی چې د «توکمپالنې» تعریف ته پراختیا ورکړل شي.

دغه فدراسېون په یوه اعلامیه کې لیکلي، چې د "توکمپالنې" په تعریف کې باید ظلم او ستم هم شامل شي چې د یو ځانګړې جنسیتي ډلې په وړاندې ترسره کیږي. په اعلامیه کې د افغان نجونو او ښځو وضعیت د جنسیتي توپیر د بېلګې په توګه یاد شوی دی.

دغه فدراسیون په خپله اعلامیه کې لیکلي چې چیرې چې تبعیض بنسټیز او سیستماتیک وي هلته د "جنسیتي توپیر" اصطلاح کارول ، غوره انتخاب دی.

دغې اعلامیې زیاته کړې، چې په ۲۰۲۱ کال کې واک ته د طالبانو له ناقانونه راستنیدو راهیسي په افغانستان کې د ښځو او نجونو پر وړاندې پراخ ظلم او تبعیض روان دی چې دغه فدراسیون پام یې دې حقیقت ته راړولې چې د افغانستان حالت ته د رسیدنې لپاره کافي نړیوال قوانین شتون نه لري.

د بشری حقونو د نړیوال فدراسیون مرستیال، ګیسو جهانګیری ویلي، چې د یوه جرم په توګه د توکم پالنې په رسمیت پیژندل به د نړیوالو قوانینو تشه ډکه کړي او له عاملینو سره به د حساب کولو برخه کې مرسته وکړي.

دغه فدراسیون په خپلې اعلامیه کې ویلي، چې جنسیتي توپیر باید د جرم په توګه وپیژندل شي ترڅو قربانیانو ته د عدالت د ترلاسه کولو لپاره فرصت ورکړل شي او عاملین یې مجازات شي.