د ایران انټرنیشنل ویاند، ادم بیلي، د "حرف اخیر" د خپرونې کوربه پوريا زراعتي باندې د برید په غبرګون کې بي بي سي راډیو ته وویل: «د ګواښونو سربیره، د ایران انټرنشنل خبریالان هوډ لري، چې راپور ورکولو ته دوام ورکړي.» هغه زیاته کړه: «زموږ لپاره بل هیڅ بدیل نشته.»
په همدې حال کې د ایران انټرنیشنل پخوانۍ ویاندې سیما ثابت اعلان وکړ، چې په پوريا زراعتي باندې له برید وروسته د لندن د میټروپولیټن پولیسو د تروریزم ضد څانګې له هغې څخه غوښتي، چې خپل کور پریږدي او تر بلې خبرتیا پورې دې په بل ځای کې پاتې شي.
هغې زیاته کړه، چې د بريتانيا حکومت د ایران د حکومت له ترهګرۍ سره د مقابلې لپاره کافي اقدام نه دی کړی.
سټنډرډ ورځپاڼې د یوه عیني شاهد له قوله، چې په لندن کې د پوريا زراعتي د برید په ځای کې اوسېده لیکلي، چې دوه ځوانان د ایران د انټرنشنل خبريال ۴ ځايه په چاقو له وهلو وروسته د خندا په حالت کې موټر ته وختل او په بېړه یې سيمه پرېښوده. هغه وويل، چې د موټر پلېټ يې ځان سره ولیکه او ويې ليدل، چې د زراعتي څخه ډېره وينه روانه ده.
د ایران انټرنشنل ویاند وايي، چې پوریا زراعتي د جمعې په ورځ د (وري ۱۰مه) په لندن کې له خپل کوره د وتلو پر مهال د نامعلومو کسانو له خوا د چاقو پر مټ له برید لاندې راغی او ټپي شو.
نوموړی دا مهال په روغتون کې بستر دی او روغتیايي وضعیت یې د ډاډ وړ دی.
د ترهګرۍ سره د مبارزې مشر دومینیک مورفي وویل: «چې د دوی ځواکونه د دغه بريد تر شا د هر ډول انګېزې په اړه باخبره دي.»
تر اوسه د دغه برید په تړاو څوک نه دي نیول شوي او نه هم د برید کوونکو د احتمالي انګیزې په اړه څه ویل شوي دي.
د تېرې جمعې په ورځ، د مارچ په ۲۲مه، وسله والو د کروکوس پر تالار برید وکړ، چې لږ تر لږه ۱۴۴ کسان یې ووژل او تر ۱۸۰ ډېر یې ټپیان کړل. دا په روسیه کې په تېرو دوو لسیزو کې تر ټولو بد برید بلل شوی.
د روسیې د مامورینو له خوا په نیول شویو لسو کسانو کې څلور د تاجکستان او شپږ نور یې د پخواني شوروي د نورو غړو هېوادونو دي.
د تاجکستان د کار او کډوالو چارو د وزیر مرستیالې شخنوزا نودیري، د روسیې دولتي خبري اژانس تاس ته وویل، «موږ ډېر تلیفونونه ترلاسه کوو. که څه هم د ځورونې شکایت پکې نشته، خو زموږ ډېری اتباع غواړي له وېرې له روسیې ووځي. تاجکستان ته د راستنیدونکو کسانو شمېر تر وتلونکو ډیر دی.»
د تاجکستان امنیتي ځواکونو د مسکو برید او داعش ډلې سره چې د دغه برید مسوولیت یې منلی دی، د تړاو په تور ۹ کسان نیولي
د روسیې د جوړونکو د ملي اتحادیې مشر انتون ګلوشکوف ویلي، چې د مهاجرو کارګرو وتل به د هېواد اقتصاد ته زیان ورسوي.
د روسیې مرکزي بانک هم ویلي، چې د کارګرو کمښت او په پایله کې د معاشونو زیاتوالی د انفلاسیون خطر پیدا کوي، چې له امله یې دغه بانک د سود کچه لوړه ساتي.
د تاجکستان د کار وزارت تمه لري چې له روسیې د کډوالو وتل به موقتي وسي.
د دغه وزارت د وېبپاڼې د معلوماتو له مخې، په ۲۰۲۳کال کې د دغه هېواد ۶۵۲زره ۱۴ کډوال کارګر له روسیې وتلي، په داسې حال کې چې دا شمېر په ۲۰۲۲کال کې ۷۷۵زره ۵۷۸تنو ته رسیده.
پر غزې دغه بریدونه وروسته له هغه پیل شول چې حماس پر اسراییل د اکټوبر په اوومه نېټه برید کې ۱۱۳۹ کسان ووژل. لسګونه نور کسان په دغه برید کې د حماس له خوا یرغمل شوي چې یو شمیر یې لا هم د دغې ډلې په بند کې دي.
اسراییل په ځوابي برید کې له هغه راهیسې د غزې مختلفو برخو کې روغتیايي بنسټونه او روغتونونه هم په نښه کوي.
په همدې حال کې، د روغتیا نړیوال سازمان مشر ټیډروس اډانوم غیبریوس ویلي، چې شاوخوا ۹۰۰۰ ناروغان د ژوند ژغورونکي روغتیایی خدماتو لپاره باید له غزې څخه په بیړنۍ توګه بهر ولیږل شي.
په دغو کسانو د سرطان ناروغان ، د بمباریو له امله سخت ټپي شوي او داسې کسان شامل دي چې پښتورګي یې له کاره لویدلي دي.
هغه پر اېکس ټولنیزې شبکې یو پوست کې ویلي: "په ټوله غزه کې یوازې ۱۰ روغتونونه فعال دي، خو په لسګونه زره ناروغان لا هم له روغتیا پاملرنې بې برخې دي."
هغه دا هم وویل: «تر اوسه له ۳۴۰۰څخه زیات کسان د رفح ښار له لارې بهر ته استول شوي چې ۲۱۹۸ تنه یې د جنګ ټپیان او ۱۲۱۵ تنه یې نور ناروغان دي.»
د روغتیا د نړیوال سازمان د مشر په وینا: " ډیری نور کسان باید د درملنې لپاره له غزې و ایستل شي. موږ له اسراییل غوښتنه کوو چې دغو ناروغانو ته له غزې د وتلو اجازه ورکړي ، ترڅو د جدي ناروغانو درملنه وشي. د دوی لپاره هره شیبه مهمه ده.»
د حزب الله پر ضد د اسراییلو عملیات
د اسراییلو پوځ د لبنان په سویل سرحدي ښار رمیش کې د ملګرو ملتونو پر لنډمهاله ځواک (UNIFIL) برید رد کړی دی.
خو د اسراییلو د دفاع وزیر یوف ګالانت ویلي، چې د اسراییل پوځ به د حزب الله پر ضد خپل عملیات پراخ کړي.
هغه زیاته کړې: "موږ به هرچیرې چې دا سازمان فعالیت کوي، ځان ورسوو، که هغه بیروت وي، که دمشق او یا نور لرې ځایونه."
له اسراییل سره د امریکا د مرستو دوام
بل خوا واشنګټن پد وسټ ورځپاڼې د راپور له مخې، د سپینې ماڼۍ چارواکو اسراییل ته د ۲.۵ ملیارد ډالرو په ارزښت د جنګي الوتکو بمونو او وسلو د لیږد اجازه ورکړې.
د امریکا دفاع وزارت یا پنټګان او د بهرنیو چارو وزارت چارواکو په وینا، د وسلو په نوې کڅوړه کې ۱۸۰۰ دانې MK84 بمونه شامل دي، چې هر یو یې ۱۰۰۰ کیول وزن لري.
په همدې حال کې د مرستو په دغه کڅوړه کې ۵۰۰ MK82 بمونه شامل دي، چې هر یو یې نږدې ۲۲۵ کیلو وزن لري.
د فلسطین د بهرنیو چارو وزارت وروسته پر امریکا نیوکه کړې، چې په رفح کې د اسراییل عملیاتو د پراخیدو په اړه د اندیښنو سربیره یې اسراییلو ته د ۲.۵ ملیارد ډالرو د وسلو د استولو موافقه کړې.
