پاکستان: د ښه نسل څارویو لومړۍ جوپه له برازیل څخه راورسیده
د پاکستان د ځانګړې پانګې اچونې شورا (ایس ای ایف سي) په چوکاټ کې له برازیل څخه د وارد شویو د ښه نسل څارویو لومړۍ جوپه پاکستان ته رسیدلې ده.
د پاکستان د ځانګړې پانګې اچونې شورا (ایس ای ایف سي) په چوکاټ کې له برازیل څخه د وارد شویو د ښه نسل څارویو لومړۍ جوپه پاکستان ته رسیدلې ده.
د پاکستان د ځانګړې پانګې اچونې شورا (ایس ای ایف سي) په دغه هیواد کې د پانګونې د راجذبولو او اسانولو لپاره په دې وروستیو کې جوړه شوې ده.
د پاکستان دولتي راډیو د شنبې په ورځ - د وري یوولسمه - ویلي، چې د وارداتو دا پروسه به د ځانګړې پانګې اچونې شورا تر چتر لاندې د زرغون پاکستان لپاره د مالدارۍ نوښت پروګرام (جي پي ایل ای) په پراخولو کولو کې مرسته وکړي.
په دغه راپور کې راغلي، چې د څارويو نو نسل چې غوره جنیتیکي ځانګړتیاوې لري د غوښې او شیدو اړتیاوو د پوره کولو لپاره به ځایی بزګرانو ته ورکړل شي. د نهو نسلونو په وارد شویو څارویو کې د پاکستان او برازیل ځايي نسلونه شامل دي.
دغه څاروي له سیالکوټ څخه اوکارا ته لېږدول شوي چې د دوه اونیو لپاره به په قرنطین کې ساتل کیږي.
