په غزني کې د یوه ماین د چاودنې له امله نهه ماشومان وژل شوي
د غزني ولایت لپاره د طالبانو د اطلاعات او کلتور مشر حمیدالله نثار وايي، یاده پېښه تېره ورځ د ګېرو ولسوالۍ په ځدراڼ سیمه کې شوې ده. ويل کیږي په وژل شویو ماشومانو کې نجونې هم شاملې دي.
د غزني ولایت لپاره د طالبانو د اطلاعات او کلتور مشر حمیدالله نثار وايي، یاده پېښه تېره ورځ د ګېرو ولسوالۍ په ځدراڼ سیمه کې شوې ده. ويل کیږي په وژل شویو ماشومانو کې نجونې هم شاملې دي.
د غزني ولایت لپاره د طالبانو د اطلاعات او کلتور مشر وايي، د یکشنبې په ورځ د (وري ۱۲مه) ناوخته د غزني ولایت د ګېرو ولسوالۍ په ځدراڼ سیمه کې د ماشومانو له لوري د یوه پخواني ماین له پیدا کېدو وروسته ماین چاودنه کړې چې له امله یې نهه ماشومان وژل شوي دي.
د طالبانو تر واک لاندې باختر خبري اژانس د غزني د اطلاعات او کلتور د مشر حمیدالله نثار له قوله ویلي چې یاد ماین د پخوانیو جګړو له وخته په سیمه کې پاتې و.
له غزني څخه سرچینو افغانستان انټرنشنل ـ پښتو ته ویلي چې په په وژل شویو ماشومانو کې پنځه نجونې وې چې عمرونه یې له پنځه تر لس کلو او څلور هلکان وو چې عمرونه له لس تر ۱۴ کلو پورېوو.
د تېر جمهوري حکومت پر مهال به طالبانو د تېر حکومت او بهرنیو ځواکونو د امنیتي کتارونو ته پرته له کومې نقشې په لارو او پټیو کې ماینونه خښول چې بیا به یې ځای ترې هېرېده او هغه به وخت نا وخت پر خلکو الووتل او مرګ ژوبله به یې ور اړوله.
