طالبان د امنیتي پېښو له وېرې په کابل کې خپلو وسله والو غړو ته معاشونه په دفترونو کې ورکوي

د طالبانو د دغه چارواکي د خبرو یوه ویډیو خپره شوې، چې په کې یې ټینګار کړی چې مشران، وزیران او واليان باید د خپلو خلکو په منځ کې وي.

د طالبانو د بهرنیو چارو وزارت سیاسي مرستیال د خلکو په منځ کې "د اسلام د پیغمبر حضور" ته په اشارې سره وویل: "هر هغه حکومت چې بنسټ یې پر اسلامي او شرعي احکامو ولاړ وي، باید له خلکو سره ورته چلند وکړي."

هغه ټینګار وکړ، چې مشران او قوماندانان باید د خلکو په منځ کې د هغوی ستونزې هوارې کړي.

د ښاغلي ستانکزي د وینا ویډیويي برخه په دې وروستیو کې د طالبانو له خوا په ټولنیزو شبکو کې خپره شوې؛ خو معلومه نه ده چې دا وینا کله او چېرته شوې وه.

تر دې وړاندې ښاغلي ستانکزي په ښکاره د طالبانو د مشر پر سیاستونو نیوکې کولې؛ خو دا لومړی ځل دی چې د طالبانو د بهرنیو چارو وزارت مرستیال په ښکاره د طالبانو د مشر د "انزوا" خبره کوي او د خپل حکومت د بې ثباتۍ په اړه خبرداری ورکوي.

دوه نیم کاله تېر شول چې طالبانو د افغانستان واک تر لاسه کړ؛ تر اوسه هبت الله اخوندزاده چې طالبان یې مشر بولي، هېڅکله هم د رسنیو د کمرې یا د خلکو په مخ کې نه دی څرګند شوی.

تر دې دمه د هبت الله اخوندزاده له پخواني انځور پرته بل کوم انځور نه دی خپور شوی.

طالبانو تر دې وړاندې هم څو ځلې د دې ډلې له چارواکو سره د هبت الله اخوندزاده د لیدنې خبر ورکړی؛ خو تر اوسه یې د دغو ناستو عکسونه یا ویډیو نه ده خپره کړې.

نوموړي په دې وينا کې وويل: "افغانستان ستاسو خلکو ته عجيبه پاتې دى، هغه څوک پرېږدئ چې ستاسو خلکو او وينو ته سپکاوى وکړي."

ښاغلي ستانکزي په دې خبرو کې زیاته کړه: "په اسلام کې اقلیت او اکثریت نه شته هر څوک چې د تاجک او پښتون په نوم غږ پورته کوي د هماغو خلکو په څېر دی چې د جاهليت په زمانه کې له اسلام مخکې وو."

د عباس ستانکزي د خبرو دغه ویډیويي برخه د هغه زوی هم پر خپلې اېکس پاڼې خپره کړې ده.

د طالبانو د عدليې وزارت د یکشنبې په ورځ د (وري ۱۹مه) په يوې خبرپاڼه کې ويلي، چې په تېر ۱۴۰۲ کال کې يې د سلګونو مدني ټولنو او خيريه بسنټونو د فعاليتونو څارنه کړې ده.

دغه وزارت لیکلي، چې له دې ډلې یو شمېر سیاسي ګوندونه او لسګونه ټولنیز بنسټونه امنیتي ادارو ته معرفي کړي دي.

د طالبانو عدليې وزارت په خبرپاڼه کې د دغو ګوندونو او ټولنو نومونه نه دي ياد شوي.

د خبرپانې د معلوماتو له مخې؛ دوی په تېر يوه کال کې د ۳۶ نورو خیريه ټولنو فعالیتونه څېړلي، چې له جملې څخه يې له ۱۷ بنسټونو څخه د اصولو سره سم د فعالیت کولو ژمنې اخيستي او د ۱۹ بنسټونو فعالیت د جوازونو د نه نوي کولو امله لغوه کړي دي.

څو ورځې وړاندي د طالبانو د عدليې وزارت ویاند قاري برکت الله رسولي په يوه ويډيوي پيغام کې افغانانو ته خبرداری ورکړ، چې که چا سياسي فعالیت وکړ له سخت قانوني چلند سره به مخ شي.

هغه ويلي وو، چې اوس مهال يوازي خيريه بنسټونه فعالیت کولای شي.

درې ورځي وړاندي د طالبانو سترې محکمې خبر ورکړ، چې په کندهار کې يې په لومړي ځل دوه کسان د سیاسي فعالیت په تور په ۱۵ - ۱۵ کاله بند محکوم کړل او یو بل کس یې د سیاسي فعالیت له امله ۳۰ دورې وواهه.

نجیب الله مهاجر زیاته کړه، چې د ځوانانو د "وخت او پیسو د مصرفولو" او "غیر اخلاقي مسالو" لیدلو لپاره یې فېسبوک بند کړی.

هغه له طلوع نیوز سره په مرکه کې وویل: «زموږ ځوانان په داسې حال کې دي چې له علمي پلوه کمزوري دي او اکثریت یې نالوستي دي او خپل وخت او پیسې په دې شیانو (ټولنیزو شبکو) ضایع کوي، چې د شرکت په ګټه او د ملت په زیان دي.»

که څه هم دغه طالب چارواکي څرګنده نه کړه، چې دا تګلاره به کله عملي کېږي؛ خو ویې ویل چې د دې مسالې د مخنیوي لپاره د مخابراتو او ټکنالوجۍ وزارت په افغانستان کې د فېسبوک د بندولو تګلاره جوړه کړې ده.

د طالبانو د مخابراتو او ټکنالوجۍ وزیر ټینګار کړی، چې افغان ځوانان زده کړو ته اړتیا لري او باید خپل وخت په ټولنیزو شبکو تېر نه کړي.

څه موده وړاندې د طالبانو مشر ملا هبت الله اخوندزاده د دې ډلې کابینې ته امر وکړ، چې د فېسبوک بندولو پر پلان له سره کتنه وکړي.

په یوه بل اقدام کې د طالبانو کابینې د مخابراتو او ټکنالوجۍ وزارت ته دنده وسپارله چې ځینې نور سایټونه او چینلونه لکه ټیک ټیک او پابجي بند کړي.

د طالبانو کابینې ویلي، چې د پابجي او ټیک ټاک لوبې "ځوانان ګمراه کوي" او باید منع شي.

طالبان په داسې حال کې په افغانستان کې د فېسبوک د بندولو هڅې کوي، چې د فېسبوک مالک "میټا" شرکت د امریکا د "ترهګرۍ سره د مبارزې" د قوانینو پر بنسټ د دولتي ادارو او د طالبانو د ځینو غړو د کاروونکو اکاونټونه بند کړي دي.

په هغه ویډیو کې، چې د یکشنبې په ورځ (د وري په ۱۹مه) د افغانستان انټرنشنل ته رسېدلې، لیدل کېږي چې د طالبانو پوځي موټر د کندهار د عیدګاه جومات شاوخوا امنیتي دېوالونه ښکته کوي.

د عیني شاهدانو په وینا، طالبانو د عیدګاه جومات په شاوخوا کې امنیتي دېوالونه جوړوي.

دا ویډیو یوه ورځ وروسته له هغې خپره شوه، چې د افغانستان انټرنشنل د باخبرو سرچینو په حواله په دغه ولایت کې د طالبانو د یوې امنیتي غونډې جزیات خپاره کړل.

د افغانستان انټرنشنل ته د ورکړل شویو معلوماتو له مخې، د جمعې په ورځ د وري په ۱۷مه، طالب چارواکو په کندهار کې په یوه امنیتي غونډه کې د اختر پر لمانځه د داعش د برید د احتمال په اړه اندېښنه څرګنده کړه.

په غونډه کې ویل شوي، چې داعش ښايي په کندهار کې د کوچني اختر د لمانځه پر مهال د طالبانو پر مشر برید وکړي.

په دې لړ کې طالب چارواکو پرېکړه کړې، چې د اختر د لمانځه ځای له اختر یوه شپه مخکې وټاکي.

په دې غونډه کې دا پرېکړه هم وشوه، چې په کندهار کې به د کوچني اختر د لمانځه د ادا کولو لپاره استخباراتي او کشفي تدابیر زیات شي.

زموږ د معلوماتو له مخې، د طالبانو د مشر هبت الله اخندزاده لپاره د لوی اختر د لمانځه لپاره دوه ځایونه ټاکل شوي دي. یو یې د حضرت محمد جامع جومات او بل یې د کندهار عیدګاه جومات دی.

خو په غونډه کې ویل شوي، چې د هبت الله اخندزاده امنیتي ځواکونه به د اختر په شپه د لمانځه د ځای په اړه پرېکړه کوي.

د طالبانو په غونډه کې دا خبرداری هم ورکړل شوی چې داعش خلکو په منځ کې نفوذ کړی دی.

د معلوماتو له مخې، طالب چارواکو د کندهار د مرکزي زندان له مسوولینو په کلکه غوښتي، چې د اختر په ورځو کې د دغه زندان امنیت ته ډېره پاملرنه وکړي.

دا اندېښنې په داسې حال کې راپورته کېږي، چې څو اوونۍ وړاندې په کندهار کې د نوي کابل بانک د څانګې مخې ته په ځانمرګي برید کې لږ تر لږه ۴۳ کسان ووژل شول او ۴۵ نور ټپیان شول، چې پړه یې داعش ډلې منلې وه.

طالبان وايي، په دغه پروژه کې ۱۴۰۰ ودانۍ شاملې دي چې ټول لګښت یې د چین له لوري ورکول کیږي.

د طالبانو د کور او ښار جوړونې وزارت د مسکن، د زونونو پراختیا مرستیال روح الله احمدي وايي، په یاده پروژه کې ۱۴۰۰ ودانۍ شاملې دي او ۷۱ میلیونه ډالر لګښت پرې راځي چې د چین له لوري ورکول کیږي.

د چین او افغانستان د هوکړې له مخې به د دغې پروژې چارې به په درېیو کلونو کې بشپړې شي، او د ځانکړي طرزالعمل له منظوری وروسته به د ملا هبت الله له لوري دولتي کسانو ته وویشل شي.

د طالبانو د کور او‌ ښار جوړونې وزارت چارواکي وایي، په یاده پروژه کې به پنځه زره کسان په مستقیم او غیر مستقیم ډول ګټه واخلي.

د یادې پروژې د چارو د پرانیستي پر مهال د رییس الوزرا اداري مرستیال عبدالسلام حنفي وویل، د واحد چین له پالیسۍ څخه ملاتړ کوي.

حنفي وايي: «هیله لرو چې چین او افغانستان د یو کمربند په یوې لارې د طرحې او واخان ځمکني دهلیز په بشپړېدو سره نیغ په نیغ له یو بل سره ونښلي.»

د ملکي دولتي کارکوونکو لپاره د کورنو جوړولو دغه پروژه په ۲۰۱۴ کال کې د تېر جمهوري حکومت او چین تر منځ په بیجینګ کې لاسلیک شوې وه.