د اسراییل پوځ وايي، چې د غزې په سویل کې یې خپل پوځیان کم کړي دي
د اسرایيل د پوځ وياند د يکشنبې په ورځ ویلي؛ د دوی پوځ د غزې له سویلي تړانګې څخه خپل ځمکني ځواکونه ویستلي دي او د عملیاتو له پیله شپږ میاشتې وروسته یې اوس هلته يوازې يوه لېوا پاتې ده.
د اسرایيل د پوځ وياند د يکشنبې په ورځ ویلي؛ د دوی پوځ د غزې له سویلي تړانګې څخه خپل ځمکني ځواکونه ویستلي دي او د عملیاتو له پیله شپږ میاشتې وروسته یې اوس هلته يوازې يوه لېوا پاتې ده.
د اسراییل پوځ د عیسوي کال له پیل راهیسې د خپلو ځواکونو د دمې په موخه په غزه کې د خپلو ځواکونو شمېر کموي.
بل خوا؛ د اسراییل متحد واشنګټن پر دغه هېواد فشار زیات کړی، چې په غزه کې بشري وضعیت ښه کړي.
د اسراییل پوځ د خپلو ځواکونو د کمولو د دلیل او شمېر په اړه جزییات نه دي خپاره کړي.
په همدې حال کې مصر په غزه کې د اوربند او د اسراییلي یرغملو د خوشې کولو په موخه د خبرو اترو کوربهتوب ته چمتووالی نیسي.
اسراییل او حماس دواړو ویلي، چې په دغو خبرو اترو کې به ګډون کوي.
لومړي وزیر بنیامین نتنیاهو ویلي، چې اسراییل به نړۍوالو فشارونو ته غاړه کې نه ږدي او د حماس "سختو غوښتنو" ته به تسلیم نه شي.
دا لا معلومه نه ده، چې د غزې له سویل څخه د اسراییلي ځواکونو وتل به په رفح ښار د دوی برید وځڼډوي که نه.
نتنیاهو وايي، چې دغه برید د حماس د له منځه وړلو لپاره اړین دی.
د غزې د سویلي ښار خان يونس اوسېدونکي وايي، چې اسراييلي ځواکونه د ښار له مرکزه وتلي او ختيځو ولسواليو ته په شا شوي دي. دغه ښار په وروستيو مياشتو کې د اسرایيل تر سختو بمباريو لاندې راغلى و.
د تېر کال د اکټوبر په اوومه نېټه د حماس له خوا پر اسرایيل له بريد وروسته د اسرایيل پوځي عمليات په تېرو مياشتو کې د غزې د تړانګې پر سویل متمرکز دي.
د اسراییل د شمېرو له مخې؛ د اکتوبر د اوومې نېټې په برید کې تر ۲۵۰ډېر کسان یرغمل شوي او شاوخوا ۱۲۰۰ کسان وژل شوي وو.
په غزه کې د روغتیا وزارت بیا وايي، چې د اسراییل په بریدونو کې تر ۳۳ زره ۱۰۰فلسطینیان وژل شوي دي.
رفح ښار چې له مصر سره په پولې پورت دی، په سیمه کې د څه باندې یو میلیون فلسطینیانو لپاره وروستی پناه ځای بلل کیږي.
