د ایران کورنيو چارو وزارت په یوه اعلاميه کې لیکلي، چې د ځينو ویب سایټونو له خوا د افغانستان ضد هڅې د منلو نه دي. د ایران کورنیو چارو وزارت وايي، په ایران کې د افغانان اتباعو د منلو امکان نه شته.
د ایران کورنیو چارو وزارت دغه شپږ ماده يیزه اعلاميه د دوشنبې په ورځ د (وري ۲۰مه) د هغه څه په غبرګون کې خپره کړه، چې رسنیو په دغه هېواد کې د کډوالو په اړه خپاره کړي.
دغه وزارت د هغو پاڼو (سايټونو) نومونه نه دي په ډاګه کړي، چې د افغانستان ضد خپرونې کوي.
په دې اعلاميه کې د کډوالو موضوع په افغانستان باندي د بهرنیو هېوادونو د «تيري» او د جګړې له امله د يوه ناورين د رامنځته کېدو له امله یوه جدي بشري مساله بلل شوې ده.
د دې اعلامیې په یوه برخه کې راغلي: «افغان کډوال باید خپلې خاورې ته ستانه شي او افغانستان اباد کړي.»
د ایران خبری اژانس ایرنا د دغه هېواد د کورنیو چارو د وزارت له قوله یوه نسخه خپره کړې او لیکلي یې دي، چې د استوګنې له اسنادو پرته کډوال به بېرته خپل هېواد ته ستانه شی.
په افغانستان کې واک ته د طالبانو د بيا رسېدو سره سم، ډېری وګړي د ایران او پاکستان په ګډون ګاونډيو هېوادونو ته کډوال شول.
د ایران کورنيو چارو وزارت د شمېرو له مخې؛ په ایران کې شاوخوا پنځه ميليونه افغان کډوال ژوند کوي.
په همدې مهال په دې هېواد کې د کډوال ستونزې ورځ تر بلې زياتيږي او ایران هره ورځ لسګونه کډوال د استوګنې له اسنادو پرته بنديان او يا له هېواده باسي.
د ننګرهار د مرکز جلال اباد ښار د پنځمې حوزې د اوومې ویالې سیمې یو شمیر اوسیدونکو نن افغانستان انټرنشنل ـ پښتو ته وویل، بېنرونو کې د تعلیمي مرکزونو د زدکوونکو انځورونه وو.
هغه انځورونو چې افغانستان انټرنشنل ته رسېدلي، په کې لېدل کیږي، چې د طالبانو د امر بالمعروف مامورین د پولیسو د رنجر پر سر پورته شوي او بېنر کې انځورونه له منځه وړی.
یو بل انځور کې لېدل کیږي، چې طالبانو په بېنر کې د انسانانو مخونه په تور رنګ رنګ کړي دي.
له دې وړاندې د لغمان مرکز مهترلام ښار کې د طالبانو امر بالمعروف مامورینو په یو کمپاین سره په ښار کې د ټولو اعلاناتو له بېنرونو انځورونه لرې کړل، چې پکې د کرېکټ ستوري راشد خان انځور هم و.
