په ۲۰۲۴ کال کې افغان مېرمنو ته د کوسوو د جمهوري ریاست د زړورتیا مډال ورکړل شو

د امرالله صالح په مشرۍ زرغون بهير نن دوشنبه د (وري ۲۷مه) په خپله اېکس پاڼه ليکي، چې د طالبانو د دفاع وزارت د ننه د سلګونو داخلي او پټو اسنادو ته یې لاس رسی پيدا کړی.

د دې حرکت استخباراتي برخې «رسا» د طالبانو د دفاع وزارت تشکيلات په شپږو مادو کې تشریح کړي دي.

رسا زياتوي، چې د طالبانو د فاع وزارت څخه يې د ۵۰ زره کسانو د ګمارولو فورمې ترلاسه کړي، چې ۹۳ سلنه يې پښتانه او پاته يې دري ژبي دي.

د دې ادارې د معلوماتو له مخي، چې «طالبانو په افغانستان کې د خپلو ځواکونو شمېر یولک ۷۰ زره ښودلی؛ خو په اصل کې يې شمېر ۷۰ زره دی.»

رسا ويلي، چې د طالبانو يو شمېر وسله والو ته د قومي او قبيلوي اړيکو پر بنسټ پر کورنو امتيازات ورکول کيږي.

د زرغون بهير «رسا» استخباراتي څانګې د خپل راپور په دوهمه ماده کې ليکي، چې د طالبانو دفاع وزارت د ځينو «مشرانو د خيال او ګټو» په پام کې نيولو سره «خيالي او حقيقي» ځواکونه نشي معلومولای.

په خبره، چې په تېرو دوو کلنو کې دې ادارې پنځه ځله د يوه خاص هيت په ټاکلو تصفيه ترسره کړې، چې د طالب مشرانو د ګټو په پام کې نيولو سره به نيمګړې پاته شول.

د زرغون بهير معلوماتي ادره رسا د خپل راپور په يوه بله برخه کې زياتوی، چې د ولایتونو د طالبانو دفاع وزارت اړوندو مرکزونو کې مسولين د خوراکي توکو د ترلاسه کولو لپاره د اصلي کسانو پر ځای خیالي کسان ليکي.

دغه بهیر وايي، چې «د طالبانو په روزنيزو مرکزونو کې تر ۵ سوه زيات کسان نه وي؛ خو دوی له ۱۵ زره څخه تر ۲۰ زرو د کسانو اعاشه اخلي.»

تر اوسه طالبانو په دې اړه څه نه دي ویلی .

د زرغون بهیر مشر امرالله صالح د تېري دوشنبې په ورځ د (وري ۲۰مه) هم د طالبانو تر واک لاندې د ۱۴۲ فعالو او غيري فعالو الوتکو نوملړ خپور کړی و.

دغه بهير ویلي و، چې د طالبانو په ۸ نظامي مرکزونو کې ۶۴ فعالې الوتکې او ۷۸ غیر فعالې الوتکې شته.

رغون بهير ادعا کړې وه، چې طالبان په افغانستان کې د فعالو الوتکو د شمېر په اړه ناسم معلومات ورکوي.

د طالبانو د ترافیکو عمومي ریاست د دوشنبې په ورځ د (وري ۲۷مه) د یوې خبرپاڼې په خپرولو سره ویلي چې، د اختر په ورځو کې په ټول هېواد کې ۱۰۲ ترافیکي پېښې رامنځته شوي دي.

د ترافیکو ریاست د معلوماتو له مخې په مړو شویو کې ۲۹ تنه نارینه، ۸ښځې او ۱۳ ماشومان دي.

یاد ریاست په خپره شوې خبرپاڼه کې زیاتوي، چې په ټپیانو کې ۱۱۸ تنه نارینه، ۳۵ ښځې او ماشومان شامل دي.

د موټر او موټرسایکل چلوونکو له لوري د ترافیکي اصولو په پام کې نه نیول، ګړندی تګ او د ماشومانو له لوري د وسایطو چلول د ترافیکو پېښو د رامنځته کېدو لاملونه بلل کیږي.

د طالبانو د ترافیکو عمومي ریاست وايي، هرات د ۱۹، غزني د ۱۱ او پکتیکا د ۱۰ ټرافیکو پېښو په درلودلو سره هغه ولایتونه دې چې ډيرې ټرافیکي پېښې پکې رامنځته شوې دي.

د طالبانو د کورنیو چارو وزارت د دوشنبې په ورځ د (وري ۲۷مه) په خپله اېکس پاڼه لیکلي، چي د هرات د والي مولانا اسلام جار او قزاقستان د سفیر له لوري په هرات ولایت کې د قزاقستان د سوداګرۍ خونه پرانیستل شوه.

د دغه وزارت د معلوماتو له مخې په هرات کې د طالبانو د والي او قزاقستان د سفیر تر منځ د سوداګرو تر منځ تبادلې، د ګمرکي تعرفو د کمولو، د سوداګرو د ستونزو حل او د ویزو د ورکړې په اړه تړون وشو.

په هرات کې د طالبانو سیمه ییزو چارواکو ویلي چې، د قزاقستان د سوداګرۍ خونې په پرانیستلو سره به د دواړو هېوادونو د سوداګرو تر منځ اسانتیاوې او په سوداګریزو راکړو ورکړو کې به زیاتوالی راشي.

یاده اداره وايي، د دغو ۱۹ ټانکره تېلو کیفیت د طالبانو د سټنډرډونو سره په ټکر کې و.

دغې ادارې له سوداګرو غوښتي چې افغانستان ته د بې کیفیته نفتي توکو له واردولو څخه ډډه وکړي.

څو ورځې وړاندې ایراني چارواکو پر طالبانو نیوکه کړې وه او ویلي و چې طالبان د سټنډرډونو د معلوملو لپاره مناسب سیسټم نه لري.

خو د وري میاشتي په شلمه د طالبانو د سټنډرډ ادارې د ایراني چارواکو نیوکو ته په غبرګون کې ویلي، د افغانستان په ټولو بندرونو کې یې د نړۍ د پرمختللو کمپنیو د سټنډرډ معلومولو سیسټم لګولی او اجازه نه ورکوي چې هېواد بې کیفیته او ضرر رسوونکي توکي وارد شي.

د طالبانو کډوالو او راستنېدونکو چارو وزارت وايي،‌ له پاکستانه په جبري ډول ستانه شوي افغان کډوال ۲۴ کورنۍ وي چې شمېر یې ۱۰۳ تنه و د تورخم دروازي له لارې هېواد ته راستانه شول.

یاد وزارت ویلي له پاکستان څخه په جبري توګه راستانه شوي تازه افغان کډوال یې د مرستو ترلاسه کولو په موخه د ملګرو ملتونو د کډوالو عالي کمیشنرۍ ته ورپيژندلي دي.

د طالبانو حکومت په سر کې ژمنې کړې وې چې له ګاونډیو هیوادونو ورتلوونکو کډوالو سره د مرستو تر څنګ به دوی ته د اوسېدو لپاره ځمکې ویشي خو اوس ډیری هغه کډوال چې افغانستان ته تللي وايي، چې لا یې برخلیک نه دی معلوم او ځمکې یې نه دي ترلاسه کړې.

د پاکستان حکومت په تازه اعلان کې ويلي چې له کوچني اختر وروسته د روانې اپریل میاشتې له ۱۵نیټې وروسته به یو ځل بیا د افغان کډوالو د ایستلو لړۍ چټکه کړي.