چین: د عینک مس په داسې ډول استخراجوو چې د افغانستان تاریخي ابدات زیانمن نه شي

د طالبانو عدليې وزارت څه موده مخکې په ټول افغانستان کې پر سياسي فعاليت بنديز ولګاوه.

افغانستان انټرنشنل ـ پښتو ته د هلمند څخه ځينو سرچينو د دوشنبې په ورځ خبر ورکړ، چې د طالبانو استخباراتو د هلمند د بست ټولنې مشر عبدالغفار اسحاقزي پر کور عملیات کړي او هغه يې له دوو زامنو سره نيولی او بندي کړی دی.

سرچینه زياتوي، چې اسحاقزي د تېر جمهوري نظام پر مهال په هلمند کې د بست ټولنې مشر او د هلمند څخه د مشورتي لویې جرګې غړی و.

د سرچينو په خبره، چې د طالبانو استخباراتو د لښکرګاه ښار د اتمې حوزې اړوند په لښکري بازار کې د هغه پر کور عملیات کړي دي.

که څه هم د هغه کورنۍ د طالبانو له ويري له رسنيو سره جزیيات نه شریکوي؛ خو د هغه نږدې ملګري وايي، چې طالبانو په زندان کې اسحاقزی او د رفيع الله په نوم د هغه يوه زوی سخت وهلي او شکنجه کړي دي او د نوموړي دویم زوی یې تر دوو ورځو بند وروسته خوشې کړی دی.

100%

د معلوماتو له مخې؛ واک ته د طالبانو په رسېدو اسحاقزي له سياسي فعاليته لاس اخيستی او ازاد کاروبار يې مخ ته وړه.

د هلمند طالبانو په دې اړه تر اوسه څه نه دي ويلي.

د طالبانو د عدليې وزارت ویاند قاري برکت الله رسولي څه موده مخکي په يوه ويډيي پيغام کې افغانانو ته خبرداری ورکړی و، چې که چا سياسي فعالیت وکړ له سخت قانوني چلند سره به مخ شي.

هغه ويلي وو، چې اوس مهال يوازي خيريه بنسټونه فعالیت کولای شي.

د طالبانو عدليې وزارت ويلي، چې دوی په تېر ۱۴۰۲ کال کې دوه سياسي ګوندونه او ۷۵ ټولنې او خيريه بنستونه د «غيرې قانوني» فعاليتونو له امله امنيتي ادارو ته ور پېژندلي دي.

د طالبانو سترې محکمې هم څو ورځي مخکي خبر ورکړ، چې په کندهار کې يې په لومړي ځل دوه کسان د سیاسي فعالیت په تور په ۱۵ - ۱۵ کاله بند محکوم او یو بل کس یې د سیاسي فعالیت له امله ۳۰ دورې وواهه.

د ښځو پر زده کړو او کار کولو بندیزونه، پر رسنیو پراخ محدودیتونه، د تعلیمي نظام بدلول، په هیواد دننه بهرنیو ترهګرو ته ځای ورکول، د سياسي او ټولنيزو فعاليتونو بندول او داسې نور لسګونه موارد د دې لامل شوي، چې ددې ډلې پر وړاندې نړۍوال غبرګونونه ډېر شي

د سیلر په یون یو اوکراینې عسکر د جګړې په کرښه کې رویټرز خبري اژانس ته ویلي، چې د توپ مرمیو د کمښت له امله، له پیاده عسکرو د دوی ملاتړ خورا ضعیفه شوی، چې په پایله کې یې اوکراین ځینې سیمې او ډېر شمېر عسکر له لاسه ورکړي دي.

هغه زیاته کړه:‌ "که دغه مرستې مخکې تصویب شوی وی؛ نو د جنګ وضعیت به یې خورا ډېر زمونږ په ګټه بدل کړی وی."

د امریکا د استازو په مجلس کې له شپږو میاشتو جنجالونو وروسته، تمه کیږي چې د ۶۱ میلیارد ډالرو مرستې کڅوړه به په دې اونۍ کې د متحده ایالاتو د سنا مجلس له خوا تصویب او د ولسمشر جو بایډن له خوا لاسلیک شي او بیا به د کییف د توپونو د مرمۍ او هوایي دفاع سیسټمونو خورا تشې زېرمې ډکې کړي.

د اوکراین د دفاع پخواني وزیر او یو اروپايي امنیتي چارواکي ویلي، چې دغه وسلې باید په ختیځ کې د روسیې د لوی پرمختګ د مخنیوي لپاره د کییف سره مرسته وکړي.

خو کییف لا هم د جګړې په ډګر کې د جنګیالیو له کمښت سره مخامخ دی.

په داسې حال کې چې د ولسمشر ولادیمیر زېلینسکي په وینا د روسیې د دوبي د عملیاتو تمرکز به د ۱۰۰۰ کیلومترو په اوږدو کې په لومړۍ کرښې وي، پوځي کارپوهانو دا پوښتنه راپورته کړې، چې اوکراین به وشي کولای چې دغه لوړمۍ کرښه په پوره قوت سره وساتي.

په پولنډ کې د روچان پوځي مشورتي ډلې مشر کونراډ موزیکا وویل: "د اوکراین د کمزورتیا تر ټولو مهمه سرچینه د جنګیالیو کمښت دی."

د څو میاشتو له بحثونو وروسته د اپریل په ۱۶ مه د زېلینسکي له خوا یو قانون لاسلیک شو؛ ترڅو هغه مقرراتو ته بیاکتنه وکړي، چې څنګه اوکراین په اردو کې ملکي خلک ځای پر ځای کړي او تمه کیږي، چې د می په میاشت کې دغه پروسه ګړندۍ، شفافه او په موثره توګه مخ ته ولاړه شي، چې اردو ته لا ډېر عسکر جذب کړي.

په کندهار کې د طالبانو د والي مطبوعاتي دفتر د دوشنبې په ورځ د ( غوايي ۳مه) خبر ورکړ، چې د دوی د پوهنې وزير مولوی حبيب الله اغا د کندهار د پوهنې له مشر فخرالدين نقشبندي سره د وزارت لاسته راوړنې او راتلوونکي پلانونه شریک کړي دي.

په اعلاميه کې د طالب وزير مولوي حبيب الله اغا له قوله لیکل شوي: « د پوهنې وزارت له لوري، چې کوم نصاب د مدارسو د پاره ځانګړی شوی دی بايد عملي شي.»

حبيب الله اغا زياتوي، چې د ديني مرکزونو لپاره یې جوړ شوی نوی نصاب د ښوونيزو خدمتونو د ښه والي او پراختيا په موخه د ټولو ولایتونو لپاره يو شان جوړ کړی دی.

د هغه په خبره، چې د ښوونيزو مرکزونو لپاره په ورته نورو «ځانګړو پلانونو او فعالیتونو» هم کار روان دی.

د طالبانو د پوهنې وزير دوې ورځې وړاندې په کندهار کې له سوداګرو سره هم ليدلي او سوداګرو د دې ولایت د پوهنې په چوکاټ کې د ۱۸۰ فعاله خصوصي ښوونځیو او مرکزونو ستونزې شریکې کړې دي.

د کندهار سوداګرو په دې لېدنه کې ويلي، چې د خصوصي ښوونیزو مرکزونو د جوازونو د اعتبار د مودې کموالی، د جوازونو د تصفیې سخت سیسټم او د مالیاتو ډېروالی د خصوصي ښوونځیو په مخ کې لويې ستونزې دي.

د پوهني وزیر هم دیني او عصري زده کړې مهمې وبللې او د ستونزو د حل ژمنه یې کړې ده.

طالبان واک ته په رسېدو له نږدې درېيو کلنو راهيسي بوخت دي، چې د تېر جمهوري نظام په تعليمي نصاب کې تغير راولي.

د طالبانو تمرکز په دیني علومو دی او د تېرو نېږدې درېيو کلنو راهيسي یې سلګونه دیني مدرسې جوړې کړې دي.
یادې ډلې د ښوونځيو په درسي نصاب کې هم بدلونونه راوستي او د دیني کتابونو شمېر یې زیات کړي دي.
تر دې وړاندې د طالبانو د پوهنې وزارت ویاند ویلي وو، چې د افغانستان د «شریعت او کلتور» خلاف درسي نصاب اېستل شوی دی.
دغه وزارت ویلي، چې عصري علوم به د هېواد له «ملي فرهنگ او اسلامي شریعت» سره برابر په نصاب کې ځای شي.
که څه هم د طالبانو ډېری غړي د عصري علومو په برخه کې محافظه کاره چلند لري؛ خو د دغې ډلې ځینې غړي بیا وخت ناوخته د دغو علومو د تدریس پر اړتیا ټینګار کوي.
تر دې وړاندې په پاکستان کې د طالبانو پخواني سفیر عبدالسلام ضعیف ویلي وو، چې د عصري علومو مخالفین جاهل او د اسلام په جامو کې د مسلمانانو دښمنان دي.

که څه هم امریکا په رسمي ډول ویلي، چې دغه هېواد په افغانستان کې سفارت نه لري او د دوی غیر مقیم سفارت په دوحه کې موجود دی.

هغه یو ځل بیا ویلي دي، چې افغانستان تر اوسه په بشپړه توګه ازاده شوی نه دی او د هېواد فضا لا هم د امریکا په واک کې ده.

نوموړي د طالبانو له مشرتابه غوښتي، چې د بهرنیو ځواکونو د وتلو له فرصته په استفادې سره افغانستان باید د بهرنيو له اغېز او سلطې څخه فارغ او خپلواك کړي.

اسلامي حزب د یوې خبرپاڼې په خپرولو سره ویلي، چې د امریکا بې پیلوټه الوتکې اوس هم د افغانستان په اسمان کې ګرځي او د خپلې خوښې بریدونه کوي.
په خبرپاڼه کې د امریکا د ځانګړي استازي ټام وېسټ هغو څرګندونو ته اشاره شوې، چې په کانګرس کې یې ویلي وو: "د تروريزم ضد ځواك او اداره په افغانستان كې فعال او ځواكمن حضور لري او په دې ارتباط طالبان له موږ سره پر خپلو ژمنو عمل كوي."
حکمتیار ویلي دي، چې طالبان باید امریکا مجبوره کړي، چې په افغانستان کې له شرارت څخه لاس واخلي.
په خبرپاڼه کې دغه راز د حکمتیار له قوله لیکل شوي: "افغانان هیله لري چې مسوول او اسلامي نظام ولري؛ خو اوسنیو شرایطو ته په کتو سره داسې ښکاري، چې دغو هیلو ته د رسېدو لپاره ډېر ګواښونه او خنډونه شته."

د ګلبدین حکمتیار له خوا په افغانستان کې د امریکا په سفارت کې د ځینو اشخاصو د موجودیت په تړاو مساله په داسې مهال مطرح کیږي، چې طالبانو هم په بار - بار ویلي، چې په کابل کې د امریکا په سفارت کې څوک نه شته.
حکمتیار په دغه خبرپاڼه کې زیاته کړې ده، چې افغانانو د شوروي او امریکا په ماتولو سره فعاله ونډه درلوده او دوی باید د یوه ډاډمن محور په رامنځته کېدو سره راغونډ کړی شي.
د ګلبدین حکمتیار په مشرۍ اسلامي حزب دغه خبرپاڼه په داسې کې خپره کړې، چې په وروستیو میاشتو کې د طالبانو او اسلامي حزب ترمنځ ناندرۍ زیاتې شوې دي.

شهادت ورځپاڼه چې د اسلامي حزب رسمي ورځپاڼه ده، د ګلبدین حکمتیار دغه خبر پاڼه یې د طالبانو د درېیو مشرانو ملا هبت الله، ملا حسن اخوند او سراج الدین حقاني له عکسونو سره یو ځای خپره کړې ده.

100%

طالبانو څه موده مخکې حکمتیار له هغه کور څخه و اېسته چې تېر حکومت د یوې هوکړې له مخې ورکړی و.
طالبانو ویلي، چې د حکمتیار د اوسېدو ځای دولتي ملکیت او ملي دفاع وزارت پورې اړوند دی.
طالبانو له دې اقدام وروسته اسلامي حزب پورې اړوند د بریا راډیو ټلویزیون نشرات هم بند کړل او د ګلبدین حکمتیار پر ناستو او لیدنو یې هم بندیز ولګولو.

حامد کرزي د دوشنبې په ورځ (د غويي ۳مه) په خپل اېکس کې لیکلي، چې په هېواد کې د سولې او ټيکاو لپاره ملي خبرې اړینې دي.

نوموړي دغه راز د ملګرو ملتونو د ځانګړي استازي له سیاسي مرستیال سره په کتنه کې د نجونو د ښوونځیو او پوهنتونونو پر پرانېستو هم ټینګار وکړ.
ښاغلي کرزي له مارکس پوتزل سره په ليدنه کې له افغانانو سره د پوهنې، روغتیا او هېواد ته د راستنېدونکو افغانانو سره د مرستې رسولو په برخو کې د ملګرو ملتونو سازمان له دوامداره همکاريو مننه کړې.

پر افغانستان د طالبانو له واکمنېدو وروسته حامد کرزی وخت ناوخته له بهرنیو چارواکو او استازو سره په لیدنو کې نجونو ته د زده کړو د اجازې ورکولو او د ملي خبرو پر پیلېدو ټینګار کوي.
د نوموړي دا دوه داسې غوښتنې دي، چې نړۍواله ټولنه یې هم په افغانستان کې د ټیکاو او د طالبانو د حکومت په رسمیت پېژندلو لپاره اړینې بولي.
طالبانو د دوحې تړون کې د ښځو او نجونو د کار او زده کړو او همدارنګه د ټولګډونه حکومت جوړولو ژمنه کړې وه؛ خو لا یې دا یوه ژمنه هم نه ده پوره کړې.