یوه قطري خیریه موسسه په هلمند کې د ۵۰۰ یتیمانو له پاره یو ښارګوټی جوړوي
د طالبانو تر کنټرول لاندې ملي راډیو او ټلویزیون د جمعې په ورځ خبر ورکړ چې د هلمند ولایت مرکز لښکرګاه ته څېرمه د ۵۰۰ یتیمانو له پاره د یو ښارګوټي د جوړولو کار پیل شوی دی.
د طالبانو تر کنټرول لاندې ملي راډیو او ټلویزیون د جمعې په ورځ خبر ورکړ چې د هلمند ولایت مرکز لښکرګاه ته څېرمه د ۵۰۰ یتیمانو له پاره د یو ښارګوټي د جوړولو کار پیل شوی دی.
طالبانو ویلي، چې دغه ښارګوټی به د قطر د شاهي خیریه بنسټ په مالي مرسته په عصري او اساسي ډول جوړ شي.
طالبانو د دغه ښارګوټي او د هغې د جوړیدو د لګښت په اړه نور جزئیات نه دي ورکړي.
که څه هم په افغانستان کې د یتیمانو په اړه کره شمیرې په لاس کې نشته، خو د طالبانو د شهیدانو او معلولینو وزارت ویاند تېر کال اعلان کړی و، چې په دغه وزارت کې ۱۲۰ زره ۳۷۸ یتیمان، کونډې او معلولین ثبت شوي دي.
د افغانستان له پخواني حکومت سره د طالبانو په شل کلنې جګړه کې ګڼ شمېر ملکي وګړي او افسران ووژل شول او معلول شول، ډېرې میرمنې کونډې او ډېری ماشومان یتیمان شول.
د طالبانو سرچېنو د دغو مرستو د رسېدلو او د غزې پر بې ځایه شوو ماشومانو د وېشلو انځورونه او ویډیو هم افغانستان انټرنشنل - پښتو ته ورکړې ده.
دا مرستې په شنو پلاستکي کڅوړو کې اچول شوې وې، چې پرې د یو افغان سوداګر استاد عبدالحلیم نوم لیکل شوی او د طالبانو د حکومت نښان او بیرغ ورباندې لیدل کیږي.
طالبانو دغه سوداګر د افغانستان «اهل خیر» هېوادوال په لقب یاد کړی دی.
افغانستان انټرنشنل د معلوماتو مخې په دغو مرستو کي د افغانستان د مالې وزارت او يو شمېر مخکښو تجارانو شاوخوا دوه ميليونه افغانۍ نغده مرسته شوې وه.
دا لومړی څل دی، چې له افغانستان غزې ته مرسته شوې ده.
معلوماتو زیاتوي طالبان به له افغانستان څخه نوري اضافي مالي مرستي د متحده عربي امارات لخوا د مرستو د هوايي رسولو لړۍ کې غزې ته واستوي.
د اسراییل پر جنوب د حماس د اکتوبر د اومې په برید پسې تل ابیب پر غزه برید کړی چې لا هم روان دی.
د اسراییل د بریدونو په پایله کې تر اوسه ۳۴ زره ۱۸۳ کسان وژل شوي او ۷۷ زره ۱۴۳ کسان ژوبل شوي دي، چې ډېری یې ښځې او ماشومان دي.