د طالبانو د اقتصاد وزارت وايي، چې د اسايي هېوادونو لپاره د اروپايي ټولنې استازو د د دغې ډلې د اقتصاد وزیر سره په لېدنه کې ويلي، چې افغان سوداګرو ښځو ته د وړو پورونو او د چاپیریال په برخه کې افغانستان سره ۳۱.۸ میلیونه یورو مرسته کوي.
اروپايي ټولنې د ماشومانو د خوار ځواکۍ سره د مبارزې او د څښاک پاکو اوبو ته د لاسرسي برخو کې هم د مرستو ژمنه کړې ده.
د طالبانو اقتصاد وزارت نن شبنه پر اېکس ټولنیزې شبکې خپره کړې اعلامیه کې ویلي، چې د دغې ډلې د اقتصاد وزیر دین محمد حنیف په کابل کې د اروپايي ټولنې د اسیايي اړیکو د څانګې له مشر پيترس اوستوبس او د افغانستان لپاره د اوپايي ټولنې له شارژدافیرې رافيلا يوديچې سره لیدلي دي.
د طالبانو اقتصاد وزارت ويلي، چې د اروپايي ټولنې دغو استازو ژمنه کړې، چې افغان سوداګرو ښځو ته د وړو پورونو د ورکړې لپاره به د ۱۱.۸ مېليونو يورو مرسته وکړي.
د وزارت د معلوماتو له مخي، اروپايي ټولنه د افغانستان په ۲۵۰ کليو کې د چاپيريال ساتنې په برخه کې د ۲۰ مېليونه يورو په ارزښت مرسته کوي او ځني پروژې به پيل کړي چې په سیمه کې به شاوخوا ۳۰ زرو کسانو ته د کار زمينه برابره شي.
د طالبانو د اقتصاد سرپرست وزير دین محمد حنيف د اروپايي ټولنو له مرستو هرکلۍ کړی او د نوري همکاريو هيله يې څرګنده کړې ده.
نوموړي د اروپايي ټولنې له استازو غوښتي، چې بشري مرستي دي په پراختيایي مرستو بدلي کړي، څو په افغانستان کې بيوزلي کنټرول، د بې کارۍ کچه ټیټه او د کورنيو اقتصادي وضعت ښه شي.
تر دې وړاندي اروپايي ټولنې ويلي و، چې د کډولو له نړیوال سازمان سره یې ۱۷ میلیونه یورو مرسته کړې څو له ایران او پاکستان څخه د ایستل شویو افغانانو سره همکاري وکړي.
افغانستان انټرنشنل ته رسېدلې ویډیو کې ښکاري چې الټو او ټوډي یو مخ له لویو ډبرو لاندې دي.
ویډیو لېږونکی هم وايي په دې پېښه کې څلور کسان مړه شوي دي.
خو د لغمان د ترافيکو مدير حبيب الله مبارز د طالبانو تر کنټرول لاندي باختر اژانس ته ويلي، چې دې پېښه کې یو کس مړ شوی او د دوو مېرمنو په ګډون ۷ کسان ټپیان شوي دي
طالبان وايي لار یې خلاصه کړې ده، خو خلګو ته یې خبر ورکړی، چې پر دې لار د باران او ورښتونو له امله د غر ښويېدني خطر شته او تر دوهمې خبرتيا دې پرې تګ راتګ نه کوي.
له تېري ورځي راهیسي د افغانستان په ختيځ کې بارانونه او سېلابونه زيات شوي دي.
افغانستان انټر نشنل ته په رسېدلو ويډیو کې معلوميږي، چې د جلال اباد ښار سړکونه له اوبو ډک دي.
د جلال اباد ښاروالۍ په يوې خبرتيا کې له خلکو غوښتي، چې له اړتيا پرته ښار ته له تګ ډډه وکړي .
تر اوسه په دې ورښت کې د نورو ځاني او مالي زیانونو په اړه لا معلومات نشته.
