د خارکیف والي: روسیه د وړو بریدګرو ډلو په مرسته په اوکراین کې د خارکیف جبهه پراخوي

هند د چابهار بندر چې د ایران په سویل ختیځ ساحل کې د عمان خلیج په اوږدو کې موقعیت لري، ایران افغانستان او د منځنۍ اسیا هېوادونو ته د توکو د لیږدولو لپاره کاروي.

هند په دې توګه د خپل سیال پاکستان کراچۍ او ګوادر بندر ته یوه بدیله لاره جوړوي.

پر ایران د متحده ایالاتو بندیزونو د دغه بندر د پراختیا چارې ورو کړي دي.

د هند د بار وړلو وزیر سربانندا سونوال په تهران کې د تړون له لاسلیک وروسته وویل، چې د چابهار بندر نه یوازې چې د هند او ایران تر منځ د تجارت لپاره اهمیت لري، بلکې د یوې مهمې سوداګریزې لارې په توګه هند له افغانستان او منځنۍ اسیا هېوادونو سره نښلوي.

هغه زیاته کړه: "دغه لاره په سیمه کې د سوداګرۍ او قوي اکمالاتو لپاره یوه نوی بدیل رامنځته کوي او د سوداګرې د پراختیا سبب کرځي."

دغه اوږدمهاله تړون د هند پورټس ګلوبل لمیټډ (IPGL) او د ایران د بندر او سمندري سازمان ترمنځ لاسلیک شو.

د ایران د سړکونو او ښاري پراختیا وزیر مهرداد بازرپاش وویل، چې د تړون له مخې؛ IPGL به په لومړي قدم کې شاوخوا ۱۲۰ ميلیون ډالر پانګونه وکړي په داسې حال کې چې ۲۵۰ میلیونو ډالرو اضافي پانګونه به هم کوي، چې د قرارداد ارزښت به ۳۷۰ میلیون ډالرو ته ورسوي.

دغه هندي شرکت د لومړي ځل لپاره د ۲۰۱۸ کال په پای کې د دغه بندر چارې پر غاړه واخیستې او له هغه وخته راهیسې د ۹۰ زره کانتینرونو د ۸.۴ میلیون ټنو څخه ډېر کارګو له دغې لارې انتقال کړي دي.

دغه چارواکي زیاته کړه، چې د چابهار بندر له لارې له هند څخه افغانستان ته ۲.۵ میلیونه ټنه غنم او دوه زره ټنه دال لېږدول شوي دي.

د هند د بهرنیو چارو وزیر ایس جی شنکر د دوشنبې په ورځ په ممبۍ کې خبریالانو ته وویل، "دغه تړون به په یاد بندر کې د لویو پانګونو لپاره لاره هواره کړي."

په همدې حال کې اسراییلي ځواکونو خپل ټانکونه او سرتېري د رفح ښار په لور روان کړي دي.

په داسې حال کې چې د غزې په شمالي او سویلي برخو کې له څو اونیو راهیسې سختې جګړې روانې دي، په سلګونو زره فلسطینیان یو ځل بیا د خپلو سیمو پرېښودو ته اړ شوي، او مرستندویه ډلې خبرداری ورکوي، چې بشري ناورین به په چټکۍ سره نور هم شدید شي.

اسراییلي ځواکونو د غزې شمال ته د خپلو سرتېرو د بیرته راستنېدو په اړه ویلي، چې دا سیمه یې د حماس له جنګیالیو له پاکولو وروسته پنځه میاشتې وړاندې پرېښې وه؛ خو اوس ځکه بېرته راستانه شوي، چې دلته د دغو جنګیالیو د دېره کېدو مخه ونیسي.

دغو ځواکونو ویلي، چې تل یې د جنګیالیو د حضور د مخنیوي په موخه داسې عملیات کړي‌ دي.‌

فلسطینیان وايي، چې د جګړې پخوانیو ډګرونو ته د ستنېدو اړتیا د دې ثبوت دی، چې د اسراییل پوځي اهداف د لاسته راوړلو وړ نه دي.

د غزې جبالیا کمپ چې ۷۵ کاله وړاندې د هغو فلسطیني کډوالو د اوسېدو لپاره جوړ شوی و، چې د اوسني اسراییل څخه بې ځایه شوي وو، د اسراییل تر برید لاندې راغلی.

د سیمې اوسېدونکو خپلې کډې یو ځل بیا په شا کړي‌ او له ویجاړو سړکونو او کورونو له منځه د یوې امنې سیمې په لټه کې دي.

د هغوی په خبره؛ پر دغه کمپ د ټانک مرمۍ لګېدلې دي او هوايي بریدونو ګڼ کورونه ویجاړ کړي.

یوې ښځې چې خپل نوم یې نه دی ښودلی وویل: "موږ نه پوهیږو چې چېرته ولاړ شو. موږ څو ځلې له یو ځای څخه بل ځای ته بې ځایه شوي یو. موږ په کوڅو کې منډې وهو چې یو امن ځای پېدا کړو، زمونږ سیمې ته ټانکونه او بلدوزرې راننوتي او مجبوره شو چې خپل ځای پریږدو."

د یکشنبې په ورځ (د غويي ۲۳مه) د دغه سازمان پرمختیايي پروګرام په ایکس ټولنیزه شبکه کې یو یادښت خپور کړی او لیکلي یې دي: "د ملګرو ملتونو پراختیايي پروګرام د افغانستان د خلکو په غم کې شریک دی.موږ د معیشت بیا رغولو او د ټولنې مهم زیربنا بیا رغولو ته ژمن یو."

د افغانستان په یو شمېر ولایتونو کې سختو سېلابونو خلکو ته ځاني او مالي زیانونه اړولي دي.

تر دې مخکې د ماشومانو د ژغورنې صندوق ویلي وو، چې د بغلان په پنځو ولسوالیو کې ۶۰۰ زره کسان سېلابونو اغېزمن کړي، چې ۳۱۰ زره یې ماشومان دي.

د ملګرو ملتونو د ماشومانو د وجهي صندوق (یونېسف) د راپور له مخې؛ ویجاړونکو سېلابونو په بغلان، تخار او بدخشان کې څه باندې درې زره کورونه ویجاړ کړي دي.

د طالبانو د کډوالو وزارت وايي، چې په هېواد کې وروستیو سېلابونو په بغلان ولایت کې ۲۶۶۵ د استوګنې کورونه نړولي دي.

د ترکیې رسنیو د راپورونو له مخې؛ د دغه هېواد پولیسو هغه پناه غوښتونکي پېژندلي او نیولي چې له ترکیې څخه یونان او اروپا ته د «غیر قانوني» کډوالۍ پلان یې درلود.

د راپورونو له مخې؛ دغه پناه غوښتونکي توقیف ځایونو ته لېږدول شوي او له دوو قاچاق وړونکو څخه یو یې محکمې ته وړاندې شوی دی.

د ترکیې پولیسو د شنبې په ورځ هم ۴۱ تنه نور پناه غوښتونکي چې غوښتل یې یونان ته د کډوالۍ په نیت د موغلا په ښار کې نیولي دي.

د موغلا ښار د ځايي رسنيو د راپورونو له مخې؛ د دغه ښار پوليسو په تېرو دوو مياشتو کې په دغه ښار کې د انساني قاچاق په تور ۶۵ کسان نيولي دي.

ترکيې رسنیو خبر ورکړی، چې په دې موده کې په دغه ښار کې د بېلابېلو هېوادونو ۱۱۳۹ کډوال پیژندل شوي او نیول شوي دي.

پاکستاني رسنیو هم نن دوشنبه د (غوايي ۲۴مه) راپور ورکړی چې پاکستاني پوځ هغه مهال په وسله والو د درنو او سپکو وسلو برید وکړ چې هغوی له اغزن تار څخه تېرېدل او باجوړ ته اوښتل.

که څه هم د پاکستان پوځ لا په رسمي ډول په دې اړه څه نه دي ویلي، خو په خواله رسنیو کې د پوځ ځينو ادرسونو دغه خبر خپور کړی دی.

تر اوسه پورې تحریک طالبان پاکستان لا په دې اړه څه نه دي ويلي.

په سیمه کې خپلواک خبریال لال وزیر وايي، لا هم په یاده سیمه کې د ډزو غږونه اورېدل کیږي.

تېره ورځ ځینې داسې خبرونه هم خپاره شوي چې پاکستاني پوځ د تېرې پنجشنبې په ورځ ډیورنډ کرښې ته څېرمه د په پکتیکا کې پر ټي ټي پي هوايي بریدونه کړي او ګڼه مرګژوبله یې ور اړولې ده. خو کابل کې طالبانو لا په دې اړه غبرګون نه دی ښودلی.