اسراییلي پوځ وايي، چې له غزې څخه یې د دریو یرغمل شویو مړي ترلاسه کړي دي
د اسراییل د پوځ ویاند دانیل هاګاري د جمعې په ورځ وویل، چې د پنجشنبې په شپه اسراییلي ځواکونو د غزې له تړانگې د درېیو یرغمل شویو کسانو جسدونه موندلي دي.
د اسراییل د پوځ ویاند دانیل هاګاري د جمعې په ورځ وویل، چې د پنجشنبې په شپه اسراییلي ځواکونو د غزې له تړانگې د درېیو یرغمل شویو کسانو جسدونه موندلي دي.
هاګاري د دغو درېیو کسانو نومونه شاني لوک، امیت بسکیلا او یتزاک ګیلرنټر یاد کړ، او وې ویل: «دغه کسان د اکټوبر په اوومه د نووا میوزیک له فیسټیوال څخه د تېښتې پرمهال د حماس له خوا وژل شوي او جسدونه یې غزې ته وړل شوي وو".
لومړي وزیر بنیامین نتنیاهو د جمعې په ورځ د پوځي عملیاتو ستاینه وکړه او د ټولو یرغمل شویو د بیرته ستنولو ژمنه یې تکرار کړه.
هغه په یوه اعلامیه کې وویل: «موږ به خپل ټول یرغمل هغه که ژوندي وي یا مړه، بیرته راولو.»
د وروستیو معلوماتو له مخکې د اسراییل او حماس د جګړې له پیل راهېسې تر دې دمه، لږ تر لږه ۳۵زره او ۲۷۲ فلسطینیان وژل شوي او لږ تر لږه ۷۹زره او ۲۰۵نور ټپیان شوي دي.
بل خوا، اسراییل وایي، چې په دې جکړه کې یې یو زره او ۱۳۹ کسان یې له لاسه ورکړي او لږ تر لږه ۸ زره او ۷۳۰ نور ټپیان شوي او ۱۳۰ تنه په غزه کې یرغمل دي.
بل خوا، اسراییل وایي، چې په دې جکړه کې یې یو زره او ۱۳۹ کسان له لاسه ورکړي او لږ تر لږه ۸ زره او ۷۳۰ نور ټپیان شوي دي.
