پخوانی افغان ولسمشر حامد کرزی په بامیان کې پر بهرنیو سیلانیانو پرونی برید غندي او وايي، دا یو ترهګریز برید و. د طالبانو د کورنیو چارو وزارت وايي، پرون د بامیان په مرکز کې په دغه برید کې درې اسپانویان او یو افغان ووژل او درې افغانان او یو بهرنی ټپي شول.
خو خپلواکې سرچینې وايي، په دې برید کې ۷ کسان ژوبل شوي دي.
حامد کرزی نن خپل اېکس کې لیکي، چې د اسپانیا حکومت او ولس ته د دې برید د قربانیانو تسلیت وايي او ټپیانو ته یې ژر تر ژره روغتیا غواړي.
د ایران بهرنیو چارو وزارت هم دا برید غندلی او ترهګریز عمل یې بللی دی.
د طالبانو په واکمنۍ کې دا لومړی ځل دی چې پر بهرنیو سیلانیانو برید کېږي.
د دې ډلې په واکمنېدو سره چې افغانستان ته د بهرنیو سیلانیانو شمېر ورځ تر بلې ډېرېږي، ښايي دا برید یې پر شمېر اغېز وکړي.
بامیان په جمهوریت هم تر ټولو امن ولایت و او د طالبانو په وخت کې هم ښايي دا لومړنۍ وسلواله پېښه وي چې ان د دې ولایت په مرکز کې پېښېږي.
تر اوسه د دې برید مسوولیت کومې ډلې نه دی منلی.
نوموړي په اېکس پاڼه لیکلي، د دغه ولایت د ټولګټو چارو ریاست هڅه کوي چې دغه لویه لار ژر تر ژره په پشپړه توګه پاکه کړي.
دغه لاره تزره ورځ د غر ښویېدنې له امله د ټرافیکو پرمخ تړل شوې وه.
له بل پلوه بیا د فیض اباد-بهارک لویه لاره هم د تګ راتګ لپاره وتړل شوه.
په بدخشان کې د طالبانو د اطلاعاتو او فرهنګ مشر ذبیح الله امیري وایي، چې دغه لاره په اب افچک سیمه کې د سېلاب راوتو له امله تړل شوې ده.
