په کابل کې د ترکیې سفارت اعلان کړی، چې ۲۴ ټنه روغتیایي او بشري مرستې یې مزارشریف ته استولې او د افغانستان سرې میاشتې ټولنې ته یې سپارلې دي. د ترکیې سفارت د دغو مرستو د عکسونو په خپرولو سره ویلي، چې «په سختو ورځو کې د افغانستان له خلکو سره ولاړ یو.»
دغه سفارت د جمعې په ورځ د (غويي ۲۸مه) په خپلې اېکس پاڼه لیکلي، چې ترکیه پر ټپونو پټۍ لګولو ته دوام ورکوي.
د خپرو شویو مالوماتو پر بنسټ په پام کې ده، چې ډېر ژر به پر بشري مرستو بار د ترکیې موټریز کاروان هم د افغانستان پر لوري وخوځېږي.
د افغانستان په بېلابېلو ولایتونو کې مرګونو سېلابونو د ځاني زیانونو تر څنګ پراخ مالي تاوانونه هم اړولي دي.
د طالب چارواکو په وینا، یوازې د بغلان په ولایت کې سېلاب ۳۱۵ تنه وژلي او ډېر کورونه یې ویجاړ کړي دي.
نوموړي په اېکس پاڼه لیکلي، د دغه ولایت د ټولګټو چارو ریاست هڅه کوي چې دغه لویه لار ژر تر ژره په پشپړه توګه پاکه کړي.
دغه لاره تزره ورځ د غر ښویېدنې له امله د ټرافیکو پرمخ تړل شوې وه.
له بل پلوه بیا د فیض اباد-بهارک لویه لاره هم د تګ راتګ لپاره وتړل شوه.
په بدخشان کې د طالبانو د اطلاعاتو او فرهنګ مشر ذبیح الله امیري وایي، چې دغه لاره په اب افچک سیمه کې د سېلاب راوتو له امله تړل شوې ده.
