په مکسیکو کې د یوې ټاکنیزې غونډې د سټېج د نړېدو له امله پنځه تنه مړه شوي دي

د جمعیت علمای اسلام ګوند تېره ورځ ناوخته د (غبرګولي دویمه) په ایکس پاڼه د دغه ګوند د مشر مولانا فضل الرحمان یوه ویډیو خپره کړې چې هغه د پاکستان تحریک انصاف ګوند له ورغلي پلاوي سره د خبرو پر مهال رسنیو ته وايي، «څو ورځې وړاندې د پاکستان پوځ په هوايي برید کې په وزیرستان عام خلک ووژل، خپله یې ومنله او بښنه یې وغوښته، دا څنګه ړانده عملیات دي چې یو ځل ولسي بې ګناه خلک وژنه بیا بښنه غواړه؟ دا ډول کړنې موږ ته د منلو وړ نه دي، او نه نور داسې حالت منلی شو.»

د تحریک انصاف ګوند یو پلاوی تېره ورځ مولانا فضل الرحمان ته د ګوندونو تر منځ د سیاسي اختلافاتو د کمولو په موخه ورغلي و.

مولانا فضل الرحمان له رسنیو سره د خبرو پر مهال ويلي، چې په چمن، انګور اډه، غلام خان او نورو سیمو کې پاکستانی پوځ د خلکو کارو بار ور خراب کړی او بېرته یې هغوی ته د ګټې وټط بله لاره نه ده برابره کړې، او هغوی چې هلته پرلت وهلی همداسې یې بې ځوابه پریښي دي.

هغه په دغه ويډیو کې وايي، چې په ډیورنډ فرضي کرښه چې کله انګریزانو دغه کرښه راکاږله دوه وروڼه یې سره بېل کړل، ځکه دوی یوه ژبه، یو دود و دستور لري. د یوه ورور کور یوې خوا او د بل بلې خوا پاتې شو، هغه پاکستاني پوځ ته په اشارې ویلي، نو ته څنګه دوی سره بېلولی شې، «دا هڅې ډیرو نورو واکمنو هم وکړې خو دغه خلک یې سره بېل نه کړل.»

مولانا فضل الرحمان داسې مهال ډیورنډ فرضي کرښې ته د فرضي کرښې نوم اخلي چې پاکستانیو چارواکو په دې وروستیو کې د رسنیو له لارې دغه کرښه یوه «نړېواله پوله» بللې.

په پاکستان کې یو شمېر سیاسي کتونکي وایي له هغه مهاله چې مولانا فضل الرحمان او د هغه پلویانو په وروستیو ټاکنو کې ماتې وخوړه، نو ورسره هم مهاله مولانا فضل الرحمان هڅه کوي چې د بېلابېلو سیاسي ډلو سره په نږدې کېدو د پاکستان په حکومت کې ځان ته د پښو کېښودو ځای پیدا کړي.

د نظر پوښتنو له مخې؛ تمه کیږي چې کارګر ګوند به محافطه کاره ګوند ته چې ۱۴ کاله په واک کې پاتې شوی په دغو ټاکنو کې ماته ورکړي.

۴۴ کلن سوناک وویل، چې د هغه څه د مخه چې ځینې یې تمه لرله، ټاکنې به ترسره کړو.

سوناک نه یوازې په ټاکنو کې د کارګر حزب څخه وروسته پاتې دی، هغه په ​​​​خپل ګوند کې هم یو څه منزوي شوی او یوازې د خپلو مشاورینو کوچنې ډلې پورې تړلی دی.

ښاغلي سوناک وویل: «اوس هغه وخت دی چې برېتانیا خپل راتلونکی وټاکي. موږ به د جولای په څلورمه عمومي ټاکنې ترسره کړو.»

داسې ښکاري چې سوناک خطر منلی او د خپلې نوې دورې د ټاکلو لپاره یې هر څه د رايه ورکوونکو په لاس ورکړي.

ښاغلي سوناک، څه کم دوه کاله وړاندې خپله دنده پیل کړه.

ایرلنډ، اسپانیا او ناروې د چهارشنبې په ورځ (د غبرغولي دویمه) اعلان وکړ، چې فلسطین د یوه خپلواک هېواد په توګه پېژني.

د ایرلنډ لومړي وزیر سایمون هریس دغه اقدام د ایرلنډ او فلسطین لپاره یوه تاریخي او مهمه ورځ وبلله.

دا مهال د ملګرو ملتونو د ۱۹۳ غړو هېوادونو له ډلې ۱۴۰هېوادونه فلسطین په رسمیت پېژني.


د ملګرو ملتونو عمومي اسمبلې د ۲۰۱۲کال له نومبر میاشتې راهېسې فلسطین په رسمیت پېژندلی دی.

د ملګرو ملتونو عمومي اسمبلې له هغه وخت راهسې فلسطینیانو ته نوي حقونه په کمېټو کې د ګډون او وړاندیز کولو حق ورکړي دي؛ خو د رایې ورکولو حق یې نه دی ورکړی.

بلغاریا، چک جمهوریت، هنګري، رومانیا، مجارستان، قبرس، پولنډ او سلواکیا اروپايي ټولنه کې له شاملېدو مخکې فلسطین په رسمیت وپېژاند.

سویډن چې د دې اتحادیې غړی دی هم فلسطین په رسمیت پېژني.

د سلوانيا او مالتا په ګډون د اروپايي ټولنې څو نورو غړو هم د فلسطين په رسميت پېژندلو اعلان کړى دى.

په ورته وخت کې د شل کسیزې ډلې لس غړي هېوادونه لکه؛ ارجنټاین، برازیل، چین، هند، اندونیزیا، مکسیکو، روسیه، سعودي عربستان، سویلي افریقا او ترکیه فلسطین په رسمیت پېژني.

خو د دغه سازمان ۹غړي هېوادونه چې په کې برېتانیا، امریکا، اسټرالیا، کاناډا، فرانسه، جرمني، اېټالیا، جاپان او سویلي کوریا شامل دي، فلسطین په رسمیت نه پېژني.

د متحده ایالاتو فضايي قوماندانۍ د غبرګولي په لومړۍ نېټه اعلان وکړ، چې روسیې د سویوز سپوږمکۍ راکټ د پلیسیتسک له هوايي اډې څخه توغولی دی.

دا اډه د مسکو شمال ته په ۸۰۰ کیلومترۍ کې پرته ده.

د امریکا د فضايي قومندانۍ په وینا؛ د روسیې سویوز راکټ ښايي داسې وسله ولري، چې د ځمکې په ټیټ مدار کې نورې سپوږمکۍ په نښه کولی شي.

ریابکوف د دغه تور په رد سره وویل؛ مسکو د واشنګټن له خوا خپاره شويو «جعلي خبرونو» ته ځواب نه ورکوي.

هغه ټینګار وکړ، چې په دې برخه کې د امریکا دریځ ته په پام سره مسکو به خپله تګلاره بدله نه کړي او تل یې د ځمکې په ټیټ مدار کې د وسلو له ځای پر ځای کولو سره مخالفت کړی دی.

د روسیې د لوړ پوړو ډېپلوماټانو په توګه ریابکوف اکثرا د اټومي وسلو او بې وسلې کولو مسالو په اړه د هېواد دریځونه بیانوي.

دا څرګندونې په داسې حال کې کېږي، چې د روسیې د دفاع وزارت د یوې فضايي بېړۍ د استولو خبر تایید کړی او ویلي یې دي چې دا اقدام د غويي په ۲۸ ترسره شوی دی.

وزارت د پېښې په اړه نور جزییات نه دي ورکړي.

د رویټرز د راپور له مخې؛ په دې بندیزونو کې د لاک هیډ مارټن، ریاتیون او جنرل ډینامېک کمپنۍ هم شاملې دي.

د دې بندیزونو له مخې؛ سر له نن څخه د دې کمپنیو شتمني په چین کې کنګل شوه او مشران یې هم دغه هېواد ته نه شي تللی.

تر دې مخکې واشنګټن د چین پر ځینو کمپنیو له روسیې سره د اقتصادي معاملو له امله بندیزونه ولګول.

خو چینايي چارواکي وايي؛ امریکا پر دغو کمپنیو له روسیې د اړیکو په پلمه کولو سره بې قانونه او یو طرفه بندیزونه لګولي دي.

د چین بهرنیو چارو وزارت پر واشنګټن تور لګوي، چې د اوکرین کړکېچ کې یې بې طرفي پرېښودلې او یو طرفه اقتصادي جبر او زور وهلو ته یې مخه کړې ده.

بېجینګ پر امریکا دا تور هم لګوي، چې پر تایوان د وسلې پلورلو سره د یو موټي چین له اصولو او له دواړ اخیزو هوکړو سرغړونه کوي.