د متحده ایالاتو د دفاع وزیر لویډ اسټین د شنبې په ورځ هڅه وکړه چې په اسیا – ارام سمندر کې د چین له خوا راټوکیدلو ګواښونو ته توجو راجلبه کړي او هغه اندیښنې کمې کړي چې د اوکراین او غزې شخړې له امله په سیمه کې د امریکا امنیتي ژمنو د کمرنګه کیدو په اړه راپورته شوي دي.
په شانګري-لا کنفرانس کې د اسټین له څرګندونو څو ساعته وروسته، د اوکراین ولسمشر ولادمیر زلینسکي سینګاپور ته ورسید، چیرې چې هغه د یکشنبې په ورځ په یو امنیتي مجلس کې وینا کوي.
هغه په خواله رسنۍ اېکس خپور کړي پیغام کې ویلی، چې د اسیا - ارام سمندر سیمې څخه د سولې سرمشریزې لپاره د ملاتړ د جزبولو لپاره راغلی. ټاکل شوې چې دغه سرمشریزه د جون په ۱۵-۱۶ مه په سویس کې ترسره شي. هغه وویل، چې پلان لري چې د سینګاپور د ولسمشر ترمان شانموګراتنم او لومړي وزیر لارنس وانګ په ګډون د سینګاپور له پانګوالو او نورو چارواکو سره څو غونډې وکړي.
بل خوا، ښاغلي اسټین د جمعې په ورځ د شانګري-لا کنفرانس په څنډه کې له خپل چینایي سیال دونګ جون سره وکتل ترڅو د تایوان څخه نیولې د سویلي چین په سمندر کې د چین د پوځي فعالیتونو په اړه د لانجو د کمولو هڅه وکړي.
په دې وروستیو کې دا اندیښنې ډیرې شوي چې امریکا د روسیې د یرغل پر وړاندې د اوکراین د ملاتړ او د غزې په جګړه کې د اسراییل سره د مرستې له امله له ارام سمندر سیمې څخه خپل پام اړولی دی. امریکا هڅه کوي چې د اوکراین او غزې جګړه نورو سیمو ته پراخه نه شي.
اسټین په خپله وینا کې وویل: "په اروپا او مینځني ختیځ کې د دې تاریخي جګړو سربیره ، هند - ارام سمندر سیمه زمونږ لپاره لا هم لومړیتوب لري.
هغه وايي: "دا باید روښانه کړم چې متحده ایالات یوازې هغه وخت خوندي پاتې کیدی شي چې اسیا خوندي وي. له همدې امله متحده ایالاتو له اوږدې مودې راهیسې په دې سیمه کې حضور لري."
دا ډله وايي، زیات بریدونه یې پښتونخوا صوبې په دېره اسماعیل خان د پاکستان د حکومتي ځواکونو پرضد کړي دي.
ټي ټي پي وايي، په دې بریدونو کې یې ۳۶ واره په سناپیر او لیزز په واسطه د پاکستان ځواکونه په نښه کړي دي.
دوی زیاتوي یوازې یې ۱۱ وارې تعرضي، ۵ وارې د لاسي بمونو، ۷ هدفمند، ۱۱ ځوابیه او چریکي بریدونه هم کړي دي.
دوی همدراز لیکلي چې ۱۴ کمینونه یې نیولي او ۲ مزایلونه یې توغولي دي.
ټي ټي پي ادعا کوي چې تېره میاشت یې له پاکستاني نظامیانو ۴ کلاشنګوفونه، ۱ توپانچه او یو موبایل هم ولجه کړی دی.
دوی زیاتوي په تېره یوه میاشت کې ۲۰ امنیتي کامرې، ۵ نظامي موټران، ۳ ډرون کامرې او یو چیک پاینټ یې تخریب کړي دي.
دغه ډله وايي په تېره میاشت کې یې په جنوبي پنچاب او کوټه کې هم بریدونه کړي دي.
ټي ټي پي په تېره میاشت کې ځان ته د اوښتو زیانونو په اړه جزیات نه دي ورکړي.
پاکستاني طالبانو دا هم نه ده په ډاکه کړې چېتر تېرو میاشتو یې بریدونه زیات شوي او که کموالی پکې راغلی دی.
د تېر جمهوري نظام د ړنګېدو وروسته د افغان طالبانو بیا ځلي واک ته رسېدو سره د پاکستاني طالبانو بریدونه په پاکستان کې څو برابره زیات شوي دي.
پاکستان پوځ وايي ددغه هېواد مخالف وسلوال د افغانستان په خاوره کې مېشت دي او له هغه ځایه د پاکستان پرضد بریدونه پلانوي او عملي کوي.
د پاکستان دا ادعا تل طالبانو رد کړې ده او د پاکستان ناامني یې د دغه هېواد کورنۍ مسله بللې ده.