اروپايي کمېسیون اعلان وکړ. چې د روان کال د سې شنبې په ورځ به د شینګین وېزې په فیس کې ۱۲ سلنه زیاتوالی راولي. د دې پرېکړې پر بنسټ؛ د لویانو لپاره د شینګین وېزې فیس به له ۸۰ یورو څخه ۹۰ یورو ته لوړ شي.
اروپايي کمېسیون وايي، چې د شینګین د وېزو د فیس د لوړولو پرېکړه د وېزې د پروسس خدماتو او امنیتي تدابېرو د زیاتولو په هدف شوې ده.
د اروپايي کمېسیون د دې پرېکړې پر بنسټ؛ د راتلونکې سې شنبې په ورځ به د ماشومانو لپاره د شینګین وېزې فیس ۴۵ یورو محاسبه شي.
د ماشومانو لپاره د شینګین وېزې لګښت ۴۰ یورو و.
د شینګین وېزه له ۲۰ څخه زیاتو اروپایي هېوادونو ته د انفرادي ویزې پرته د ننوتلو اجازه ورکوي. دا ویزه د اوږدې مودې راهیسې د سېلانیانو، سوداګریزو مسافرینو او زده کونکو لپاره لاره وه.
که څه هم دې پرېکړې د ځینو له خوا مثبت عکس العملونه ترلاسه کړي، د نړۍوال هوایي ټرانسپورټ اتحادیې یاتا خبرداری ورکړی، چې د شینګین وېزو د لګښت زیاتوالی ممکن سیلانیان نه راتګ ته وهڅوي.
د ۲۰۲۰ په پیل کې اروپایي اتحادیې د شینګین وېزې فیس له ۶۰ یورو څخه ۸۰ یورو ته لوړ کړ.
