په قطر کې د طالبانو د سیاسي دفتر مشر سهیل شاهین ریانووستي خبري اژانس ته ویلي؛ تمه لري چې د دوحې غونډه به پر طالبانو د لګول شویو بندیزونو په لرې کولو کې مرسته وکړي. ښاغلي شاهین وویل، چې بندیزونه د افغانانو د کړاو لامل ګرځي.
دغه طالب چارواکي ویلي: «زه هیله من یم چې دا غونډه به د افغانستان د ستونزې د حل لپاره، چې خلک ورسره لاس او ګریوان دي د اقتصادي بندیزونو په لرې کولو کې مرسته وکړي.»
ټاکل شوې د دوحې درېیمه غونډه د ملګرو ملتونو په کوربه توب د چنګاښ په ۱۰مه او ۱۱مه جوړه شي.
په دې غونډه کې به د افغانستان په چارو کې د هېوادونو ځانګړي استازي ګډون وکړي.
د طالبانو په استازيتوب به د ذبیح الله مجاهد په مشری یو پلاوي په دې غونډه کې ګډون وکړي.
د طالبانو ویاند ذبیح الله مجاهد د شنبې په ورځ (د چنګاښ۹مه) په یوه خبري غونډه کې وويل، چې دا ډله په دوحه کې د «ټولو لوریو سره د متقابل عمل او د ستونزو د حل» په موخه په دریمه ناسته کې ګډون کوي.
د افغانستان لپاره د روسیې د ولسمشر ځانګړي استازي ضمیر کابلوف هم ویلي، چې د دوحې درېیمه ناسته به هغه مهال ګټوره وي، چې د نړیوالې ټولنې او طالبانو همکارۍ ممکنه کړي.
دغه تمریناتي کمپ د ایران پلازمېنې ته څېرمه په قم ښار کې د افغانستان د ۱۹ کلنو د فوټبال د ملي لوبډلې د روزونکي محسن رضايي او د دغه ټیم د مرستیال روزونکي شکرالله مومند په مشرۍ د افغان کډوالو فوټسال لوبغاړو لپاره جوړ شوی و.
د کمپ په لومړي پړاو کې ۶۰ لوبغاړي وټاکل شول.
