په لوګر ولایت کې د یوې هاوان مرمۍ د چاودنې له امله څلور تنه ماشومان وژل شوي دي
د طالبانو تر واک لاندې د باختر خبري اژانس د راپور له مخې، دغه ماشومان د جمعې په ورځ هغه مهال ووژل شول چې د لوګر ولایت په مرکز پل علم کې یې د یوې هاوان مرمۍ سره لوبې کولې.
د طالبانو تر واک لاندې د باختر خبري اژانس د راپور له مخې، دغه ماشومان د جمعې په ورځ هغه مهال ووژل شول چې د لوګر ولایت په مرکز پل علم کې یې د یوې هاوان مرمۍ سره لوبې کولې.
په دغه پېښه کې یو ماشوم ټپي شوی هم دی.
افغانستان هغه هېواد دی، چې په تېرو څلورو لسیزو جګړو کې بېلابېلو ډلو د خپلو سیالو ډلو لپاره ډول، ډول وسلې او جګړهییز توکي کارولي، چې لا یې هم پاتې شوني هره شېبه د دغه هېواد خلک په تېره بیا د ماشومانو ژوند ګواښي.سره له دې چې د ملګرو ملتونو یو شمېر ادارې د ماینونو او چاودېدونکو توکو په پاکولو بوختې دي؛ خو لا هم د خلکو په منځ کې د عامه پوهاوي کموالی د دې لامل شوی، چې هره ورځ په هغه هېواد کې ورته پېښې رامنځته شي.د ملګرو ملتونو د چارواکو په خبره، په افغانستان کې د ماینونو او چاودېدونکو توکو پاکول لږ تر لږه لس کاله نور وخت نیسي.
