د طالبانو د مشر له لوري په فساد تورن شهاب الدین دلاور له کانونو وزارت څخه ګوښه شو

د دغه راپور له مخې، د افغانستان په ځینې برخو یا کوڅو کې چې نومونه یا د کور شمېرې نه لري، خدماتي شرکتونو او د دوی پېرودونکي به د بیلونو او نغدو پیسو د ورکولو لپاره له جوماتونو څخه کار اخلي.

اسوشیټیډ پرس وایی، چې اوس چې د افغانستان ملی پسټ اداره چې د طالبانو تر مدیریت لاندی کار کوی، غواړی د پستی خدماتو د تازه کولو په برخه کی د افغانستان په ټولو واټونو کی د پوستي صندوقونو په لګولو سره، د خدمتوتو پخوانۍ طریقه کلاره کلاره له منځه یوسي.

د دې راپور له مخې، په دې پلانونو کې د تجارتي الکترونیکي سایتونو څخه پېریدل او د نقدو پیسو پر خای د بانک د کارت معرفي شامله ده. اسوشټیډ پرس دا اقدام په داسې یوه هېواد کې چې د نفوسو زیاته برخه یې بانکي حساب نه لري او نړۍوال پستي شرکتونه هم د کابل ښاریانو ته خدمتونه نه وړاندې کوي، یو ستر حرکت بولي.

د افغان پسټ د سوداګرۍ د پراختیا مدیر ذبیح الله عمر ویلي، چې د نورو ډېرو ادارو په څېر، اوس دا هر څه د کاغذ پر مخ ترسره کوي. هغه زیاته کړه: «هېڅوک برېښنالیک نه کاروي. د افغانستان پسټ د نړۍوالې اتحادیې غړی دی، خو کله چې ځان له نورو هېوادونو سره پرتله کوو، په ډېره ټیټه کچه او په لومړیو پړاوونو کې یو.»

د افغانستان ملي پسټ اداره په ټول هېواد کې له ۴۰۰څخه تر ۵۰۰پورې څانګې لري او د اداري کارونو لکه پاسپورت او د موټر چلولو د جواز په ترلاسه کولو کې مهم رول لوبوي. د اسوشټیډ پرس د راپور له مخې، د دغه دفتر له لارې هره ورځ ۱۵زره پاسپورټونه ویشل کیږي.

د پاسپورټونو د وېش تر څنګ د تعلیمي اسنادو د تایید چارې هم ترسره کوي. د دې دفتر کابل څانګه د مهمو کسانو او ښځو لپاره ځانګړې برخې لري.

د طالبانو اړوند المرصاد ورځپاڼې د شبنې په ورځ په یو مطلب کې ليکي، چې په افغانستان کې د داعش ډلې له ځپلو وروسته اوس د پاکستان او تاجکستان استخبارات دغه ډله استعمالوي.

دغه رسنۍ زياتوي، چې پاکستان د «خپلو ناسمو ګټو د خوندي کولو لپاره په خپله خاوره کې دې ډلې ته روزنه ورکوي.»

المرصاد ليکي د تاجکستان اړوند ليکلی: «د پولې بلې غاړې ته تاجکستان د داعش په لیکو کې د ساده لوحه تاجک ځوانانو د استخدام په برخه کې ستر خدمت کړی او د ځواکونو د جذب زمینه یې ورته برابره کړې ده.»

د دغه رپوټ د ادعا له مخي، دغو دوو هېوادونو په منځنۍ اسيا کې د دې ډلې د ژوندي ساتلو په برخه کې مهم رول تر سره کوي.

د المرصاد په خبره، پاکستان د «اسلامي امارت» پرمتختګ نه شي زغملای او د دوحې وروستۍ مثبته ناستې دغه هېواد اندېښمن کړی دی.

راپور زياتوي، چې د «داعش ډلې بيا راژوندي کول به افغانستان ته کوم زيان ونه رسوي خو د دوی د هېوادونو د حکومت په ړنګېدو په تمام شي.»

دغو دواړو هېوادونو د طالبانو اړوند د المرصاد ورځپانې د دې اعادوو په اړه څه ندي ویلي.

تېر کال طالبانو د افغانستان له شیعه ګانو غوښتي و، چې په ښار کې د لویو مذهبي بیرغونو له لګولو ډډه وکړي. طالبانو د محرم په ورځو کې د «سقاخانې» پر پرانستلو او څښاک پر وېش بندیز لګولی و.

د افغانستان د شيعه علماوو د شورا په اعلاميه کې چې د شنبې په ورځ ( د چنګاښ ۱۶مه) خپره شوه، په جوماتونو او حسينيوو کې له ديني پلاويو څخه چې د دغو مراسمو د تر سره کولو مسووليت لري، د امنيت د تامينولو غوښتنه شوې ده.

دغې شورا د دیني بنسټونو له مسوولینو هم وغوښتل چې د مشکوکو قضیو په اړه دې حساس وي.

د افغانستان شیعه مشرانو په وار وار له طالبانو غوښتي چې جعفري فقه دې په رسمیت وپېژني، خو دې ډلې تر اوسه په دې اړه په رسمي ډول خپل نظر نه دی څرګند کړی.

طالبانو د خپل حکومت د تګلارو او چلندونو د بنسټ په توګه حنفي سني مذهب ټاکلې ده.

په ورته وخت کې د افغانستان د شیعه علماوو شورا له دیني عالمانو غوښتي چې د محرم په میاشت کې دې د اختلافي مسایلو په اړه له خبرو ډډه وکړي.

د ښاغلي‌ مجاهد په خبره، د افغانستان بانک سرپرست ملا هدایت الله بدري، دکانونو او پټرولیم وزارت د سرپرست په توګه ټاکل شوی دی.

بدري د طالبانو مشر ته له نږدې کسانو بلل کیږي او د کانونو وزارت د طالبانو د عاید یوه مهمه سرچینه ده.

د کانونو وزارت پخوانۍ سرپرست شیخ شهاب الدین دلاور چې د ځینو رسنیو د راپورونو له مخې په فساد تورن و او ویل کیږي‌ چې د ډبرو سکرو په قراردادونو کې د هغه تر نظر لاندې فساد شوی و، له دغه وزارته ګوښه شوی دی.

د مجاهد په وینا، شهاب الدین دلاور، د افغاني سرې میاشتې ټولنې د سرپرست په توګه ټاکل شوی دی.

بل خوا، د افغاني سرې میاشتي مخکنی مرستیال ملا نورالدین ترابي، د پېښو په وړاندي دمبارزې ملي ادارې د سرپرست په توګه ټاکل شوی دی.

د ذبیح الله مجاهد په وینا، د افغاني سرې میاشتې ټولنې پخوانی سرپرست مولوي مطیع الحق خالص، د چاپیریال ساتني ادارې د سرپرست په توګه ګمارل شوی دی.

د نوموړي په خبره، د افغانستان بانک پخوانی لومړی مرستیال نور احمد اغا، د افغانستان بانک د سرپرست په توګه اود صنعت او سوداګرۍ وزارت، د صنعت او سوداګرۍ چارو مخکنی معین مولوي قدرت الله جمال، د اطلاعاتو او فرهنګ وزارت د ګرځندوی، مالي او اداري معین په توګه په دندو ګمار شوي دي.

ښاغلی مجاهد زیاتوي چې، د استخباراتو عمومي ریاست، د اقتصادي فساد سره د مبارزې ریاست مخکنی رئیس مولوي احمد الله زاهد، د صنعت او سوداګرۍ وزارت، د صنعت او سوداګرۍ چارو د معین په توګه او د چاپیریال ساتنې ملي ادارې مخکنی سرپرست حافظ عزیز الرحمن، د افغاني سرې میاشتې ټولنې د مرستیال په توګه ټاکل شوي دي.

په همدې توګه، مجاهد زیاتوي، چې د اطلاعاتو او فرهنګ وزارت، ګرځندوی، مالي او اداري پخوانی معین ملا سعدالدین، د چاپيریال ساتنې ادارې د مالي او اداري مرستیال په توګه وټاکل شول.

د کندهار عامې روغتيا رياست څخه سرچينو افغانستان انټرنشنل ـ پښتو ته وويل، چې د پوليو د له منځه وړلو د ملي بېړني عملياتي مرکز مشر ډاکټر عبدالقدوس بريالی هم کندهار ته تللی او په پوليو د اخته ماشومانو له کورنيو سره يې ليدلي دي.

په کندهار کې د پوليو د مثبتو پېښو شمېر څلورو ته ورسېده.

د تېري غبرګولي مياشتې په ۱۴مه نېټه په افغانستان کې د پولیو د کنټرول د برخې چارواکو ويلي و، چې په دغه هېواد کې د پولیو یا ګوزڼ څلور مثبتې پېښې ثبت شوې دي.

د دوی د معلوماتو له مخې، له دغو څلورو پېښو ۲ یې د کندهار په معروف او سپین بولدک ولسوالیو، یوه یې د نورستان په کامدېش او یوه بله یې برګمټال ولسوالۍ کې ثبت شوي دي.

سره له دې چې په افغانستان کې له کلونو راهیسې د پولیو پروړاندې جدي مبارزه روانه ده، خو افغانستان او پاکستان په نړۍ کې یوازیني هېوادونه دي، چې پولیو پکې تر اوسه هم پاتې دی.